ஒலிம்பிக்கில் பதக்கம் வெல்லாத வீரர்களுக்கு கூலி வேலை

பியோங்யாங்:
ரியோ ஒலிம்பிக்கில் பதக்கம் வெல்லாத வட கொரியா வீரர்களை
சுரங்க ஆலையில் கூலி வேலை செய்ய அனுப்ப அந்நாட்டு
அதிபர் கிம் ஜாங் உன் முடிவு எடுத்துள்ளதாக தகவல்கள்
தெரிவிக்கின்றன.

வடகொரியா அணி ரியோ ஒலிம்பிக்கில் 2 தங்கம் உட்பட
7 பதக்கங்களை வென்றது. ஆனால் அந்நாட்டின் பரம எதிரி நாடான
தென் கொரியா 9 தங்கம் உட்ட 21 பதக்கங்களை வென்றது.
இது அதிபர் கிம் ஜாங் உன்னிற்கு கோபத்தை ஏற்படுத்தியுள்ளது.

கூலி வேலைக்கு..
இதனையடுத்து நாடு திரும்பிய பதக்கம் வெல்லாத வீரர்களை சுரங்க
ஆலையில் கூலி வேலைக்கு அனுப்ப அதிபர் கிம் உத்தரவிட்டுள்ளதாக
தெரிகிறது. மேலும் ரேஷன் கார்டுகளை பறிமுதல் செய்யவும்
திட்டமிட்டுள்ளதாக தகவல்கள் தெரிவிக்கின்றன. வடகொரியாவில்
ரேஷன் கடைகளில்தான் உணவுப் பொருட்கள் சப்ளை என்பது
குறிப்பிடத்தக்கது.

‛செல்பி'க்கு மரண தண்டனை?
தென் கொரியர்களுடன் எவ்வித தொடர்பும் வைத்துக்கொள்ளக்கூடாது
என்பது வட கொரியாவில் அமலில் உள்ளது. ஆனால் ஒலிம்பிக்கில்
வட கொரிய ஜிம்னாஸ்டிக் வீராங்கனை ஹோங் உன் -ஜோங்,
தென் கொரிய வீராங்கனை ஒருவருடன் ‛செல்பி' எடுத்துக்கொண்டார்.

இந்த போட்டோ வைரலான போதும், கிம் கடும் கோபம் அடைந்துள்ளார்.
நாடு திரும்பியதும் அவருக்கு கடும் தண்டனை கொடுக்கவும், அதிக
பட்சமாக மரண தண்டனை கொடுக்க அவர் முடிவு செய்துள்ளதாகவும் த
கவல்கள் தெரிவிக்கின்றன.
-
------------------------------
தினமலர்

விளையாட்டில் எப்போதும் அரசியல் .

அரசியலில் விளையாட்டுத்தனம் எப்போதும் .

ரமணியன்

இதெல்லாம் ரொம்ப ஓவர் .... வட கொரியா என்றாலே சர்ச்சைதான்

இந்தியா-பாகிஸ்தான் பிரச்சினையை விட பயங்கரமா இருக்கே