கோர்ட் உத்தரவை மீறி உறியடி விழாவில் மனித பிரமிடு அமைத்ததால் பதற்றம்

**ayyasamy ram** · **ayyasamy ram** Fri Aug 26, 2016 6:12 am

-

மும்பை:மஹாராஷ்டிராவில், 'தஹி ஹண்டி' என்ற பெயரில்
கொண்டாடப்படும், உறியடித் திருவிழா, கிருஷ்ண ஜெயந்தியான
நேற்று, கோலாகலமாக கொண்டாடப்பட்டது.
-
சுப்ரீம் கோர்ட் உத்தரவையும் மீறி, பல இடங்களில், 20 அடி
உயரத்திற்கும் மேலான மனித பிரமிடுகள் அமைக்கப்பட்டன.
-
மஹாராஷ்டிராவில், பா.ஜ.,வை சேர்ந்த முதல்வர்
தேவேந்திர பட்னவிஸ் தலைமை யிலான, பா.ஜ., -சிவசேனா
ஆட்சி நடக்கிறது கிருஷ்ணர் பிறந்த நாளான ஜென்மாஷ்டமி
திருநாள், ஆண்டு தோறும் இங்கு வெகு விமரி சையாக
கொண்டாடப்படுவது வழக்கம்.

இளைஞர்கள் பலர் சேர்ந்து, மனிதப் பிரமிடுகள் அமைத்து,
உயரத்தில் தொங்கவிடப்படும் தயிர் பானையை உடைக்கும்
விளையாட்டுமிகவும் பிரசித்தி பெற்றது.

இந்நிலையில், மனித பிரமிடுகள் அமைக்கும் விதம் குறித்து,
சில வழிகாட்டுதல் களையும், கட்டுப்பாடுகளையும், சுப்ரீம்
கோர்ட் பிறப்பித்தது. அதன்படி, 'மனித பிரமிடுகள், 20 அடி
உயரத்துக்கு மேல் அமைக்கக் கூடாது. 18 வயதிற்கு உட்பட்டோர்,
உறியடி போட்டியில் பங்கேற்க கூடாது' என, சுப்ரீம் கோர்ட்
உத்தரவிட்டிருந்தது.

இந்நிலையில், சுப்ரீம் கோர்ட்உத்தரவையும் மீறி,
மஹாராஷ்டிராவின் பல இடங்களில், உயரமான மனித பிரமிடுகள்
அமைக்கப்பட்டு உறியடிப் போட்டிகள் நடத்தப்பட்டன.

மும்பை அருகேயுள்ள தானே மாவட்டத்தில், 49 அடி உயரத்தில் மனித
பிரமிடு அமைக்கப்பட்டது.
-
அவசர சட்டம் வேண்டும்!;
-
சிவசேனா பத்திரிகையான,'சாம்னா'வில் கூறப்பட்டுள்ளதாவது:
உறியடி திருவிழாவுக்கு விதிக்கப் பட்டுள்ள கட்டுப் பாடுகளுக்கு
தடை விதிக்கும் வகையில், மத்திய அரசு அவசர சட்டம் பிறப்பிக்க
வேண்டும்.

பாரம் பரிய விளையாட்டு போட்டி களில் கட்டுப்பாடுகள் விதிப்பதில்
நியாய மில்லை.

இவ்வாறு அதில் கூறப்பட்டுள்ளது.
-
--------------------------------------------------
தினமலர்

கோர்ட் உத்தரவை மீறி உறியடி விழாவில் மனித பிரமிடு அமைத்ததால் பதற்றம்

கோர்ட் உத்தரவை மீறி உறியடி விழாவில் மனித பிரமிடு அமைத்ததால் பதற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக