வைஷ்ணவன் யார்? (தமிழில் நாமக்கல் கவிஞர்)

by **ayyasamy ram** Mon Aug 22, 2016 4:30 pm

-
வைஷ்ணவன் என்போன் யாரெனக் கேட்பின்
வகுப்பேன் அதனைக் கேட்பீரே! (வைஷ்)
-
பிறருடைத் துன்பம் தனதென எண்ணும்
பெருங்குணத் தவனே வைஷ்ணவனாம் ;
உறுதுயர் தீர்த்ததில் கர்வங் கொள்ளான்
உண்மை வைஷ்ணவன் அவனாகும் ;
-
உறவென மனிதர்கள் உலகுள யாரையும்
வணங்குவன் உடல் மனம் சொல் இவற்றால்
அறமெனத் தூய்மை காப்பவன் வைஷ்ணவன்
அவனைப் பெற்றவள் அருந்தவத்தாள். (வைஷ்)
-
விருப்பும் வெறுப்பும் விலக்கிய நடுநிலை
விளங்கிட ஆசைகள் விட்டவனாய்
ஒருப்புடன் அன்னிய மாதரைத் தாயென
உணர்வோன் வைஷ்ணவன் தன்நாவால்
-
உரைப்பதிற் பொய்யிலன் ஒருபோதும் அவன்
ஊரார் உடைமையைத் தொடமாட்டான்
வரைப்புள குணமிவை வகிப்பவன் எவனோ
அவனே உண்மை வைஷ்ணவனாம். (வைஷ்)
-
மாயையும் மோகமும் அணுகா தவனாய்
மனத்தினில் திடமுள வைராக்யன்
நாயக னாகிய சிறீரா மன்திரு
நாமம் கேட்டதும் மெய்ம்மறந்து
போயதில் பரவசம் அடைகிற அவனுடைப்
பொன்னுடல் புண்ணிய தீர்த்தங்கள்
ஆயன யாவையும் அடங்கிய சேத்திரம்
ஆகும் அவனே வைஷ்ணவனாம். (வைஷ்)
-

கபடமும் லோபமும் இல்லாதவனாய்க்
காம க்ரோதம் களைந்தவனாய்த்
தபசுடை அவனே வைஷ்ணவன் அவனைத்
தரிசிப் பவரின் சந்ததிகள்
சுபமுடை வார்கள் எழுபத் தோராம்
தலைமுறை வரையில் சுகமுறுவர்
அபமறப் புனிதம் அடைகுவர் பிறப்பெனும்
அலைகடல் நீந்திக் கரை சேர்வார். (வைஷ்)
-
--------------------------------------
-
நாமக்கல் கவிஞர் வெ.இராமலிங்கம் பிள்ளை
மூலம்: நரசிம்ம மேத்தா

by **T.N.Balasubramanian** Mon Aug 22, 2016 7:17 pm

வைஷ்ணவ ஜனதோ தேனே கஹியே
நீண்ட காலங்களுக்கு முன் சங்கு சுப்ரமணியம் என்பவர்
தமிழாக்கம் செய்ததாக நினைவு .
அறுதியிட்டு கூறமுடியவில்லை .

ரமணியன்

by **ayyasamy ram** Mon Aug 22, 2016 8:16 pm

வைஷ்ணவன் யார்? (தமிழில் நாமக்கல் கவிஞர்) IxGBNsoLSx6uWHkmksz2+Sangu-Subramanian

-
1905- 1969
---------------

ஆங்கிலேய அரசுக்கு எதிராக சுதந்திர வேட்கையை,
அதிலும் குறிப்பாகத் தமிழகத்தில்
தூண்டிவிட்ட பெருமை பல பத்திரிகைகளையே சாரும்.
-
அப்படிப்பட்ட பத்திரிகை ''சுதந்திரச்சங்கு”.
இதன் தலையங்கம் படிக்க மக்கள்
மிகுந்த ஆர்வம் காட்டியிருக்கிறார்கள்.
சுதந்திரச்சங்கின் ஆசிரியராக இருந்தவர் சுப்ரமணியம்
என்பவர்.-
-
“சுதந்திரச்சங்கு” மிகவும் பிரபலமாகப் பேசப்பட்டு,
அப்பத்திரிகையின் பெயரிலிருந்த பின் பகுதியான
‘சங்கு’ ஆசிரியரான சுப்ரமணியத்துடன் இணைந்து
பின்பு சங்கு சுப்ரமணியம் என்றே நிலைத்து விட்டது.
-
ஜெயதேவரின் ‘கீத கோவிந்தம்’ நூலை தமிழில் மொழி
பெயர்த்தார்.
---
- கிருஷ்ணன் வெங்கடாசலம்

by Sponsored content

வைஷ்ணவன் யார்? (தமிழில் நாமக்கல் கவிஞர்)

வைஷ்ணவன் யார்? (தமிழில் நாமக்கல் கவிஞர்)

Re: வைஷ்ணவன் யார்? (தமிழில் நாமக்கல் கவிஞர்)

Re: வைஷ்ணவன் யார்? (தமிழில் நாமக்கல் கவிஞர்)

Re: வைஷ்ணவன் யார்? (தமிழில் நாமக்கல் கவிஞர்)