ரோலர் கோஸ்டர் எப்படி செயல்படுகிறது?

Roller Coasters எனப்படும் உருளும் ராட்டினம் பற்றிக் தெரிந்திருப்பீர்கள். இது எப்படிச் செயல்படுகிறது?



(காணொளியை தமிழிலும் காண முடியும்.)

நாம் பள்ளியில் இயற்பியல்-பௌதீக பாடத்தில், நிலை ஆற்றல் (potential energy) , இயக்க ஆற்றல் (kinetic energy ) எனப் படித்திருப்போம். இதன் அடிப்படையிலும்,புவிஈர்ப்பு முறையிலும் இந்த பொழுதுபோக்கு விளையாட்டு செயல்படுகிறது.நிலை ஆற்றல்- potential energy -முறையில் மேலே உச்சிக்கும்,புவிஈர்ப்பு,இயக்க ஆற்றல்- kinetic energy மூலம் தொடர்ந்து முழுச் சுற்றையும் கொண்டு செல்கிறது எனச் சொல்லலாம்.

முதலில் அதி உயர்ந்த ஏணி போன்ற ஒன்றில், சங்கிலி (Chain) மூலம் மேலே கொண்டு செல்கிறது.இந்த புவியீர்ப்பு நிலையாற்றல் எப்படி மேலே சென்றதோ, அதே வேகத்தில் கீழே வரும். உதாரணமாக வில்லில் இருந்து எய்யப்படும் அம்பைச் சொல்லலாம். வில்லில் இருக்கும் நாண் இழுக்கப்படும் போது, ஏற்படும் நிலை ஆற்றல் அம்பை உதைத்து தள்ள,  அம்பு  இயக்க ஆற்றல் மூலம் பாய்ந்து செல்கிறது எனலாம்.

ஒரு பந்தை நிலத்தில் வேகமாக அடிக்கும் போது அது மேலே வேகத்துடன் செல்கிறது.இது போலவே கீழிருந்து பயணிகள் மேலே அதிக வேகத்துடன் முதலில் இருக்கும் உச்சிக்குச் அனுப்பப்படுகிறார்கள் அதே வேகத்துடன் திரும்பி சுற்றி வருகிறது.இங்கே நியுட்டனின் முதலாம் விதியையும்(நிலைமம்-Law of inertia)  நினைவு படுத்திக் கொள்ளலாம்.

முதல் உச்சி எல்லாவற்றையும் விட அதி உயரமாக இருக்கும். அந்த உச்சிக்கு செல்லும் போது ஒரு ஆற்றல் தேவைப்படும்.பின்னர் அது தானாகவே ஓட ஆரம்பிக்கும். உராய்வு மற்றும் காற்றுத்தடை(friction and air resistance) போன்றவற்றால் வேகம் குறைந்து மெதுவாக வந்து நிற்கிறது. தேவை ஏற்பட்டால் இறுதியில் நிற்கும் போது சிறிய தடையையும் (Brake) கொடுத்து நிறுத்துகிறார்கள்.நவீன முறையில் மின்சாரம் காந்த சக்தி இரண்டையும் இணைத்த-eddy-current brakes – ஐப் பயன்படுத்துகிறார்கள்.முந்தைய முறை மிதிவண்டி,மோட்டார் சைக்கிள் போன்றவற்றில் இருக்கும் முறை பயன்படுத்தப்பட்டது.

கீழே இருந்து மேலே அனுப்ப ஒரு சிறிய மோட்டரை சிலர் பாவிக்கிறார்கள். பல விதமான வடிவங்களில் அமைக்கப்பட்டு செயல்படும் இவற்றை, சில இடங்களில் மின் சங்கிலி கொண்டும் மேலே உச்சிக்கு அனுப்புகிறார்கள். பின்னர் அது தானாகவே ஓடி முடிக்கிறது. ஓட்டுனர் இல்லாது மிகக் குறைந்த மின்சாரத்தை மட்டுமே இது பயன்படுத்துகிறது.



சிந்து.

நல்ல பகிர்வு ..பகிர்வுக்கு நன்றி

தெளிந்த படவிளக்கம்

ரமணியன்

அருமையான விளக்கம் 
பகிர்விற்கு