எனது விவசாயி…

by tamiliyappan Sun Aug 21, 2016 1:12 pm

விவசாயி…
இன்று சுயவிளம்பரத்திற்கு அதிகம்
பயன்படுத்தபடும் வார்த்தை…

நாம் உண்ணும் உணவு நாம்
தட்டிற்க்கு வருகிறது என்ற
திமிரில் இருக்கிறோம்…
கொஞ்சம் நிமிர்ந்து பாருங்கள்..
ஒரு அரிசி உருவாக என்ன
வேண்டும் என்று…
நாற்று நட்டால் மழை கூடாது,
பொதி வந்தால் காற்று ஆகாது,
பால் கட்டினால் வெயில் கூடாது
கதிர் அறுக்கயில் பனியோ
மழையோ கூடாது….
ஒவ்வொரு பருவமும் ஒரு
போராட்டம்….

போரடினாலும் தளரவில்லை…
பருவம் அறிந்தான்…
மண் பிரித்தான்...
பயிர் விதைத்தான்…
நமக்கு உயிர் வளத்தான்..
நாம் என்ன செய்தோம்- அவனுக்கு
பூச்சிகொல்லிகள் கொடுத்தோம்
மண்ணும் செத்தது
அவனும் செத்தான்…
ஆறுகள் வந்த வழியெல்லாம்
அடுக்குமாடிகள் வளர்த்தோம்..
அடுக்கு மாடிகள் ஆறுகளின்
சாமாதிகள்…
விவசாய நிலத்தில்
வீடுகள் கட்டினோம்,
அந்த வீடுகள்
விவசாயம் புதைக்கபட்ட
இடத்தில் கட்டப்படும்
சுடுகாடுகள்…

நாளை உலகமே அழிந்தாலும்
விதைகள் அழியாது…
ஒன்பது விதைகள்
கோபுர கலசத்தில் நமக்காக
பாதுகாக்க படுகின்றன…
நீ பிழைத்திருந்தால் நிச்சயம்
பயன்படுத்தலாம்…
இதுதான் ஒரு விவசாயின்
எண்ணம்…
நாம் அழிந்தாலும் விவசயாம்
அழிந்து போக கூடாது….

பார்த்தோம் கடந்தோம்…
இன்று நாம் பழகி போனோம்..
விவசாயின் தற்கொலைக்கு..
நாம் கொலையாளிகள்
என்பதை மறந்தோம்…
வருங்கால சந்ததிகளுக்கும்
நாம்தான் கொலையாளி…

நாம் அழுக்கு வேட்டியை
ஏளனமாய் பாக்கிறோம்…
சேற்றில் கால் வைக்க மாட்டோம்…
ஆனால் சோற்றில் கை வைப்போம்…
ஒரு நாள் நிச்சயமாக –நாம்
விவசாயியாக மாறுவோம்..
ஆனால் விவசாயம் பழக்க
ஒரு விவசாயியை கூட
விட்டு வைத்துருக்க
மாட்டோம்….
இனியாவது விழிப்போம்
பிழைப்போம்…

-தமிழ்ஐயப்பன் -
விவசாயிகளுக்கும் விவசாயத்திற்கு போராடுபவர்களுக்கும் சமர்ப்பணம்