ரெண்டுபேரும் எப்ப சேருவாங்களோ ?

டீக்கடை பெஞ்சில் அமர்ந்து செய்தித்தாளைத் துருவித் துருவிப் படித்துக் கொண்டிருந்தார் இஸ்மாயில் பாய் .எதிரே உட்கார்ந்திருந்த குப்பண்ணாவைப் பார்த்து ,

" என்ன குப்பண்ணா சார் ! ரெண்டு பேரும் ஒன்னுசேர  மாட்டாங்க போலிருக்கே ! இழுத்துகிட்டே போவுதே ! பேச்சுவார்த்தை நடத்தக் குழுவெல்லாம் அமைச்சதா சொன்னாங்களே ! இதோ இன்னிக்கி சேந்துடுவாங்க ; நாளைக்கு சேந்துடுவாங்கன்னு சொல்றாங்களே தவிர ஒன்னும் சேர்ந்தபாடில்லையே ! "

' இஸ்மாயில் பாய் ! கண்டிஷன் மேல கண்டிஷன் போட்டா எப்படி சேரமுடியும் ? "

" அப்படி என்ன கண்டிஷன் போடுறாங்க ? "

" அந்த அம்மாவை துரத்தணுமாம் ! அதுதான் அவுங்க போடுற மெயின் கண்டிஷன் "

" சரிதானே குப்பண்ணா ! அந்த அம்மாவைத் துரத்திட வேண்டியதுதானே : அதிலென்ன தயக்கம் ? "

" என்ன பாய் ! புரியாம பேசறீங்க !   இன்னிக்கி பழனிச்சாமி இருக்குற நிலைமைக்கு அந்த அம்மாதானே காரணம் ! அப்புறம் எப்படி விரட்டுவாங்க ?

அடடே ! இதோ பழனிச்சாமியே வாராரு ! அவரையே கேப்போம் . " என்னப்பா ! பழனி இப்படி ரெண்டுபேரும் பிரிஞ்சி இருக்குறது நல்லா இல்லப்பா ! சீக்கிரம் ஒன்னு சேர்ற வழியைப் பாருப்பா !

" என்ன பாய் ! நானா  சேரலைன்னு சொல்றேன் ? அவதான் பேச்சு வார்த்தைக்கே  வரமாட்டேன்னு அடம் பிடிக்கிறா ! எங்கம்மாவை  வீட்டைவிட்டுத் தொரத்துனாத்தான் என்கூட குடித்தனம் பண்ணுவாளாம் . அது என்னால முடியாது ; அதுக்கு நான் இப்படியே இருந்துடறேன் ! "

" அதுசரி ; கல்யாணம் பண்ணியும் பிரம்மச்சாரியா ? உன் தலையெழுத்து அப்படி இருந்தா அதை யார்தான் மாத்தமுடியும் ? " என்று சொல்லிவிட்டு இஸ்மாயில் பாய் நடையைக் கட்டினார்.

ரமணியன்

சேரமாட்டார்கள் பதவி சண்டை ஏற்பட்டு மேலும்
கட்சி உடைய வாய்ப்பு எனவே இப்படியே ஓடும்.
பன்னீர் ஆசை பழையவரோடு இருக்கட்டும்>>>
மக்கள் விவரம் புரிந்து விட்டனர் தற்போது
நல்லாட்சி நடை பெறுகிறது தொடரட்டும் >>>>>

நல்லாட்சி நடைபெறுகிறதா ?