அரிசி தட்டுப்பாடு அமெரிக்காவில்

ஒரு வாய் சோறு சாப்பிட எவ்ளோ கஷ்டம்! அமெரிக்க கடைகளில் அரிசி வாங்க செம கண்டீஷன்!

கூடுதலாக அரிசி மூட்டைள் வேண்டும் என்றால் மளிகை பொருட்களை வாங்க வேண்டும் என அமெரிக்க சூப்பர் மார்க்கெட்டுகள் இந்தியர்களை நிர்பந்திப்பதாக தகவல் வெளியாகியுள்ளது.

பாசுமதி இல்லாத வெள்ளை அரிசியை வெளிநாடுகளுக்கு ஏற்றுமதி செய்ய மத்திய அரசு தடை விதித்துள்ளது. உலக அளவில் அரிசி ஏற்றுமதியில் இரண்டாவது இடத்தில் உள்ள இந்தியா திடீரென அரிசி ஏற்றுமதியை தடை செய்திருப்பது வெளிநாடு வாழ் இந்தியர்களிடையே பெரும் அதிர்ச்சியை ஏற்படுத்தியுள்ளது.
அரிசி உற்பத்தியில் முன்னணியில் உள்ள இந்தியா சுமார் 140 நாடுகளுக்கு ஏற்றுமதி செய்து வருகிறது. இந்நிலையில் இந்தியாவில் ஏற்பட்டுள்ள பருவநிலை மாற்றம் மற்றும் பலத்த மழை பொழிவு காரணமாக நாட்டில் அரிசி உற்பத்தி குறைந்துள்ளது. இதனால் அரிசி மட்டுமின்றி அனைத்து வகை தானியங்கள் மற்றும் மளிகை பொருட்களின் விலை கணிசமாக உயர்ந்துள்ளது.

இந்நிலையில் இதனை கட்டுப்படுத்தும் நடவடிக்கையாக வெள்ளை அரிசி ஏற்றுமதிக்கு மத்திய அரசு தடை விதித்துள்ளதாக கூறப்படுகிறது. இதனால் வெளிநாடுகளில் அரிசி விலை உயரவும் அரிசிக்கு தட்டுப்பாடு ஏற்படும் சூழலும் உருவாகியுள்ளது. இதனால் அச்சமடைந்துள்ள அமெரிக்கா, ஆஸ்திரேலியா உள்ளிட்ட வெளிநாடு வாழ் இந்தியர்கள் தற்போதே அரிசி மூட்டைகளை வாங்கி ஸ்டோர் செய்து வருகின்றனர்.
தென்காசியில் பதுக்கி வைக்கப்பட்டிருந்த 40 மூட்டை ரேஷன் அரிசி பறிமுதல்

அமெரிக்காவில் உள்ள சூப்பர் மார்க்கெட்டுகளில் நீண்ட வரிசையில் நின்று மக்கள் அரிசி பைகளை வாங்கிச் செல்லும் வீடியோ வெளியானது. பல சூப்பர் மார்க்கெட்டுகள் தற்போதே அரிசி இருப்பு இல்லை என வெறும் கையை காட்டி வருகிறார்களாம். இன்னும் சில சூப்பர் மார்கெட்டுகள் ஒரு நபருக்கு ஒரு 5 கிலோ அரிசி பைதான் வழங்க முடியும் என கட்டுப்பாடுகளை விதித்துள்ளன.
ஆளுநர் ஆர்என் ரவியை இன்று சந்திக்கும் அண்ணாமலை... டிஎம்கே ஃபைல்ஸ்2?
மேலும் கூடுதலாக அரிசி பைகள் வேண்டும் என்றால் மளிகை பொருட்கள் வாங்க வேண்டும் என்று சூப்பர் மார்க்கெட்டுகள் கட்டாயப்படுத்தி வருவதும் தெரியவந்துள்ளது. அதேநேரத்தில் இதனை பயன்படுத்தி சில சூப்பர் மார்க்கெட்டுகள் அரிசி பைகளின் விலையை பல மடங்கு உயர்த்தி விற்பனை செய்து வருகின்றன.

பல கடைகளில் தற்போதே இட்லி அரிசி தீர்ந்துவிட்டதாக சூப்பர் மார்க்கெட்டுகள் தெரிவிப்பதாகவும், 5 கிலோ அரிசி வாங்க பல கிலோ மீட்டர் தூரம் செல்ல வேண்டிய நிலை ஏற்பட்டுள்ளதாகவும் அமெரிக்க வாழ் இந்தியர்கள் வேதனை தெரிவித்துள்ளனர்.

இதேபோல் கனடா மற்றும் ஆஸ்திரேலியா ஆகிய நாடுகளில் வாழும் இந்தியர்களும் அரிசி வாங்க முண்டியடித்து வருகின்றனர். மலேசியாவிலும் அரிசி வாங்க இந்திய மக்கள் அவசரம் காட்டி வருகின்றனர். இதனால் இந்தியா ஏற்றுமதியை நிறுத்திய நாடுகளில் அரிசி விலை உயரும் ஆபத்து ஏற்பட்டுள்ளது.

நன்றி சமயம்

அரிசி விலை உயரும் அபாயம் இல்லை, சில மாதங்களில் பலமுறை மலேசியாவில் அரிசி விலை உயர்ந்துவிடட்து... ஆனால் அரிசி தட்டுப்பாடு இன்னும் வரவில்லை. தாய்லந்தில் இருந்து அதிகமாக அரிசி இறக்குமதி செய்யப்படுவதால் இப்பொழுது நிலைமை இங்கு சீராகவே உள்ளது.