சூடு வாங்கிவன் திடமானான் - விடுகதைகள்

by **ayyasamy ram** Tue Aug 16, 2016 10:25 am

1-புதைத்து வைத்த பொருள் பொத்துக்கிட்டு வருது-
அது என்ன?
-
2-பூட்டு சாவி இல்லாத பெட்டி, காசு கொடுத்து
வாங்கும் பெட்டி - அது என்ன?
-
3-இருவர்க்கு மேலும் இருவர் துணை, அவர்கள் யார்?
-
4-பூவிலே வெள்ளைப்பூ, பூமியை நோக்கும் பூ
அது என்ன?
-
5-பெயரில் புலி உண்டு, உருவிலோ செயலிலோ
அது இல்லை - அது என்ன?
-
6-ஏற முடியாத மரம், இலை விடும் - அது என்ன?
-
7-உள்ளிருந்தபடியே உத்தரவிடுவான் - அவன் யார்?
-
8-பிறக்கும்போது வால் இருக்கும், இறக்கும்போது
வால் இல்லை - அது என்ன?
-
9-சூடு வாங்கிவன் திடமானான், அவன் யார்?
-
10-குளிர்கால முதல் எழுத்தும், வெயில் கால கடை
எழுத்தும் சேர்ந்திட்டால் என் பெயர் - அது என்ன?
-
-----------------------------
விடை தெரிந்தவர்கள் சொல்லுங்கள்

by amebaa Wed Aug 17, 2016 3:11 pm

1. பால்
2. தீபெட்டி

by **ayyasamy ram** Wed Aug 17, 2016 8:29 pm

2) தீப்பெட்டி - சரியான விடை
-
8) க்ளூ
-
கீழ்காணும் விவேகசிந்தாமணி பாடலில் விடை உள்ளது
-
சூடு வாங்கிவன் திடமானான் - விடுகதைகள் CBXmfLuXRRiL9VZYNrVF+stock-footage-the-lotus-honey-bee-swarm(1)

சூடு வாங்கிவன் திடமானான் - விடுகதைகள் CBXmfLuXRRiL9VZYNrVF+stock-footage-the-lotus-honey-bee-swarm(1)

-
“தண் தாமரையின் உடன்பிறந்தும் தண்தேன் நுகரா மண்டூகம்
வண்டோ கானத்திடை இருந்தும் வந்து கமலமது உண்ணும்
பண்டே பழகி இருந்தாலும் அறியார் புல்லர் நல்லோரைக்
கண்டே களித்து அங்கு உறவாடித் தம்மிற் கலப்பர் கற்றோரே”
-

by **prajai** Thu Aug 18, 2016 11:49 am

ayyasamy ram wrote:

“தண் தாமரையின் உடன்பிறந்தும் தண்தேன் நுகரா மண்டூகம்
வண்டோ கானத்திடை இருந்தும் வந்து கமலமது உண்ணும்
பண்டே பழகி இருந்தாலும் அறியார் புல்லர் நல்லோரைக்
கண்டே களித்து அங்கு உறவாடித் தம்மிற் கலப்பர் கற்றோரே”
-

மேற்கோள் செய்த பதிவு: 1218986

அருமையான பாடலைப் பதிவிட்டிருக்கிறீர்கள் ஐயா, நன்றி! உலகம் சுற்றும் வாலிபன் படத்தில் இடம்பெற்ற புலமைப்பித்தன் இயற்றிய "சிரித்து வாழ வேண்டும்" என்ற பாடலில் வரும்

முள்ளில் ரோஜா மலர்ந்ததாலே
முள்ளுக்கு என்ன பெருமை
சிப்பிக்குள்ளே பிறந்ததாலே
முத்துக்கு என்ன சிறுமை
எங்கே நன்மை இருந்த போதும்
ஏற்றுக் கொள்ளும் உலகம்
அங்கே வந்து தழுவிக் கொண்டு
போற்றும் நல்ல இதயம்

என்ற வரிகள் நினைவுக்கு வந்தன.

விடை: மண்டூகம் - தவளை

முதல் கேள்விக்கு விடை, விதை, முளை என்று நினைக்கிறேன்.

by **ayyasamy ram** Thu Aug 18, 2016 12:07 pm

முதல் கேள்விக்கு விதை-முளை - சரியான பதில்
-
வினா 2- மண்டூகம் (தவளை) - சரியான விடை
-
prajai - மற்ற வினாக்களுக்கும் விடை சொல்ல
முயற்சி செய்யுங்கள்

by **prajai** Thu Aug 18, 2016 6:23 pm

10. கூதல் + கோடை = கூடை
7. நாக்கு
6. வாழை மரமா?
5. அம்புலி (நிலவு)
4. இதுவும் நிலவாக இருக்கலாம்.
9. டீயைச் சூடாக்குவதால் திடமாவதை (ஸ்ட்ராங்) சொல்கிறார்களோ?
3. இதற்கு ஒன்றும் தோன்றவில்லை. இணையத்தில் பார்த்ததில் கண் - கண்ணாடி என்று போட்டிருந்தார்கள்.

by **ayyasamy ram** Fri Aug 19, 2016 7:46 am

1- விதை -முளை
3- கண்கள் - கண்ணாடி
5- அம்புலி (;நிலவு)
6- வாழைமரம்
7- நாக்கு
8- தவளை
-
இவை அனைத்தும் சரியான விடைகள்
-
நிலுவை வினாக்களுக்கு க்ளூ:
-
2) அகோரத் தாய்க்கு ஐம்பது பிஞ்சுகள்...
பிஞ்சுகள் வாயெல்லாம் நஞ்சு! இது என்ன?
-
4) ஒரு எண்ணெயின் பெயரை சொன்னால்
நான் யாரெனத் தெரியும்.
-
9) சுவர் எழுப்ப உதவும் பொருள்களில் ஒன்று
-
10) அற்பனுக்கு வாழ்வு வந்தால் - பழமொழியில்
ஒளிந்துள்ளது விடை
-