கம்பரின் சொல்லாட்சி

**ayyasamy ram** · **ayyasamy ram** Mon 15 Aug 2016 - 18:28

கம்பராமாயணத்தின் யுத்த காண்டத்தில்,
விடை கொடுத்த படலத்தில் வருகிறது கீழ்க்காணும் பாடல்.
-
"அங்கதம் இல்லாத கொற்றத்து
அண்ணலும் அகிலம் எல்லாம்
அங்கதன் என்னும் நாமம்
அழகுறத் திருத்து மாபோல்

அங்கதம் கன்னல் தோளாற்கு
அயன் கொடுத்ததனை ஈந்தான்
அங்கதன் பெருமை மண்மேல்
ஆர் அறிந்து அறைய கிற்பார்''
-
இப்பாடலில் "அங்கதம்' எனும் சொல்லை இரு இடங்களிலும்,
"அங்கதன்' எனும் சொல்லை இரு இடங்களிலும் வெவ்வேறு
பொருள்களில் கம்பர் கையாண்டுள்ளார்.

முதல் அடியில் உள்ள "அங்கதம்' என்பதற்குக் "குற்றம்' என்று
பொருள். மூன்றாம் அடியில் உள்ள "அங்கதம்' என்பது
"தோள்வளை' எனும் அணிகலனைக் குறிக்கும். இரண்டாம்
அடியில் உள்ள "அங்கதன்' என்பது வாலியின் மகனான
"அங்கதனை'க் குறிக்கும்.

நான்காம் அடியில் உள்ள "அங்கதன்' என்பதை "அங்கு அதன்'
எனப் பிரித்து அங்கு இராமன் செய்த செயலைக் காட்டுவதாகப்
பொருள் கொள்ளலாம்.

"குற்றம் இல்லாத வெற்றியை உடைய அண்ணலான இராமன்,
உலகம் எல்லாம் அங்கதன் என்ற பெயர் சிறந்து விளங்குமாறு,
மலை போன்ற தோளை உடைய இட்சுவாகு மன்னனுக்குப் பிரமன்
கொடுத்த அங்கதம் என்னும் தோள்வளை என்ற அணிகலனை
அளித்தான்.

அங்கு இராமன் செய்த அச்செயலின் பெருமையை உலகில்
அறிந்து கொள்பவர் யார்?' என்பதே பாடலின் பொருளாகும்.
-
---------------------------------
By -வளவ துரையன்
தமிழ்மணி

முனைவர் ப.குணசுந்தரி · 18/07/2015

வணக்கம்.

அருமை ஐயா.

அங்கதம், அங்கதன் எனும் சொல்லாட்சியைக் கம்பன் எடுத்தாண்டுள்ள திறத்தை அழகாக எடுத்துக்காட்டியுள்ளீர்கள். இவை போன்று வரும் பிற சொற்களையும் பாடல் விளக்கங்களுடன் எடுத்துக்காட்டுங்கள் பயனுள்ளதாக இருக்கும்.

ChitraGanesan · ChitraGanesan Wed 17 Aug 2016 - 12:04

அருமை ஐயா.

sdsanth · sdsanth Mon 24 Oct 2016 - 11:10

Sponsored content · Sponsored content

கம்பரின் சொல்லாட்சி

கம்பரின் சொல்லாட்சி

Re: கம்பரின் சொல்லாட்சி

Re: கம்பரின் சொல்லாட்சி

Re: கம்பரின் சொல்லாட்சி

Re: கம்பரின் சொல்லாட்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக