ஐ.டி.ஐ. படித்தவர்கள் கடற்படையில் சேரலாம்!

வாய்ப்புகள்
---
இந்திய கடற்படையில் டிராப்ட்ஸ்மேன் (கிரேடு-2)
பணிகளுக்கு இந்தியக் குடியுரிமை பெற்ற இளைஞர்களிடமிருந்து
விண்ணப்பங்கள் வரவேற்கப்படுகின்றன.
-
மெக்கானிக்கல், கன்ஸ்ட்ரக்‌ஷன், எலக்ட்ரிக்கல் போன்ற பிரிவுகளில்
இந்த பணிகள் உள்ளன. மெக்கானிக்கல் பிரிவில் 192 பணியிடங்களும்,
கன்ஸ்ட்ரக்‌ஷன் பிரிவில் 133 பணியிடங்களும், எலக்ட்ரிக்கல் பிரிவில்
161 பணியிடங்களும் நிரப்பப்பட உள்ளன. மொத்தம் 486 பணியிடங்கள்.
-
10-ம் வகுப்பு தேர்ச்சியுடன், டிராப்ட்ஸ்மேன்ஷிப் ஐ.டி.ஐ. 2 ஆண்டு
டிப்ளமோ படித்தவர்கள், மெக்கானிக்கல், கன்ஸ்ட்ரக்‌ஷன், எலக்ட்ரிக்கல்
போன்ற பிரிவில் 3 ஆண்டு பணி அனுபவம் உள்ளவர்கள் இந்தப்
பணியிடங்களுக்கு விண்ணப்பிக்கலாம்.
ஆட்டோ கேட் படித்திருந்தால் சிறப்புத் தகுதியாக கருதப்படும்.
-
வயது வரம்பைப் பொறுத்தவரை பொதுப்பிரிவினர்
18 முதல் 27 வயதுக்கு உட்பட்டவர்களாக இருக்க வேண்டும்.
எஸ்.சி., எஸ்.டி. பிரிவினருக்கு 5 ஆண்டுகளும், ஓ.பி.சி. பிரிவினருக்கு
3 ஆண்டுகளும் வயது வரம்பில் தளர்வு அளிக்கப்படும். மாற்றுத்
திறனாளிகளுக்கும் அரசு விதிகளின்படி வயது வரம்பு தளர்வு உண்டு.
-
தகுதியானவர்கள் எழுத்துத் தேர்வின் அடிப்படையில் தேர்வு
செய்யப்படுவார்கள். அக்டோபர் மாதம் 24-30 ஆகிய தேதிகளுக்கு
இடைப்பட்ட காலத்தில் தேர்வு நடத்த உத்தேசிக்கப்பட்டு உள்ளது.
தேர்வு பற்றிய கூடுதல் விவரங்கள் http://www.indiannavy.nic.in என்ற
இணையதள முகவரியில் பின்னர் வெளியாகும்.
-
விண்ணப்பப் படிவத்தை ஏ4 வெள்ளைத் தாளில் இணையதளத்தில்
உள்ள குறிப்பிட்ட மாதிரியில் தட்டச்சு செய்து அல்லது கையால்
எழுதித் தயாரிக்க வேண்டும். அதில் விவரங்களை நிரப்பி, புகைப்ப
டம் ஒட்டி, The Flag Officer, Commanding In Chief (for Civilian Recruitment Cell),
Head Quarters Southern Naval Command, Kochi-682004 என்ற முகவரிக்கு
அனுப்பி வைக்க வேண்டும்.
-
விண்ணப்பத்துடன் கூடுதல் புகைப்படங்கள், தேவையான சான்றிதழ்
நகல்கள் ஆகியவற்றை சுயசான்றொப்பம் செய்து இணைக்க வேண்டும்.
விண்ணப்பிக்க கடைசி நாள்: 27.8.2016
–

நன்றி- குங்குமச்சிமிழ்