திருப்பித்தராத அடி .........!

"இந்த அடியை மறக்காதே நாளைக்கு வரும் போது தா .......!"  என்று அருளுவின் முதுகில் ஓங்கி ஒன்று வைத்தான் வளவன்.  ஆனால் இன்று அருளுவிற்கு விழுந்த அடி சற்று பலமாகவே விழுந்து ஒரு விரலும் பதிந்து விட்டது.

ஆனால் அப்போதைக்கு வலிக்கவேயில்லை அருளுக்கு ஆனால் வீட்டிற்கு சென்றதும் அவனது அம்மா சட்டையை கழட்டும்போது ஆஆவென்று கத்தினான் .

என்னாடா என்று உருத்து பார்த்தவள் பதறினாள் .

யாருப்பா அடிச்சா ? பள்ளியில்  ஆசிரியர்கள் அடித்தார்களா ? இல்லை சாலையில் செல்பவர்கள் அடித்தார்களா ? எப்படி வந்தது இந்த வீக்கம் என்று கேள்வி மேல் கேள்வி கேட்டாள்.........இல்லையனென்றால் அப்பாவிடம் சொல்லிவிடவா என்றாள்....

"அம்மா அப்பாவிடம் சொல்லாதீங்க கெஞ்சினான் அருள் ....."

அம்மா அந்த வளவந்தான் அடித்தான் இது விளையாட்டுக்கு அடித்தது ...!
நான் திருப்பி அடிப்பேன் அப்போ சரியாயிடும் . .... அடிக்கு அடி ....

என்னப்பா இது பழக்கம் அந்த குரங்கு பயனோட சேராதனு எத்தனை தடவ சொல்லியிருப்பேன் ...

இன்னிக்கு அப்பா வரட்டும் இதை சொல்றேன் ....

அம்ம்மம்மா சொல்லாதீங்க நான் அவன்கூட இனிமேல் சேரமாட்டனே. என்றான் அருள் .

சரி சரி வீட்டை பூட்டி விட்டு வருகிறேன்  சித்தி வீட்டுக்கு போகலாமென்று அவனை அழைத்து கொண்டு கிளம்பினாள்.


அவளது தங்கை இதே சென்னையில்தான் உள்ளாள். வார இறுதி நாட்களில் அங்கு செல்வது இவளுக்கு வழக்கம் .

அன்றும் அப்படித்தான் சென்றாள்.

இவர்களை வரவை எதிர்பார்த்து வாசலிலேயே நின்றாள் செண்பகம் என்கிற இவளது தங்கை தனது செல்ல மகள் இன்பமதியுடன்.

இன்பமதியோ ஒரு விரலை வாயில் வைத்தபடி வாசலில் அவளுடனேயே  நின்றிருந்தாள்.    

அவளை கண்டவுடன் வாரி எடுத்து அணைத்து கொண்டவள் என் செல்லம் என்று கொஞ்சினாள் .பின்பு அக்குழந்தையின்
வாயிலிருந்து கையை எடு என்று சொல்லி அவளது கையை பிடித்து அவளது வாயிலிருந்து  எடுக்கும்போதுதான் அதை கவனித்தாள் அருளின் தாய்  செந்தாமரை. “ நீண்ட சிறு கீறல் அவளது முழங்கையில் ஓடி இருந்தது’’

என்னடி இது எப்படி புள்ள கையில் வந்தது இது என்று செண்பகத்திடம் வினவினாள்..

அதுவா போனவாரம் அருளும் இவளும் அந்த கைபேசி பொம்மைக்காக ஒருத்தரை ஒருத்தர் இழுத்து கொண்டபோது அருளின் நகம்தான் கீறிவிட்டது ...

அது சரி அதை விடு அதான் சரியாகி போச்சு நான் போய் சூப் போடுகிறேன்  காபி டீ எல்லாம்  போனவரத்தோட நிறுத்தியாச்சு ஒரு வேலை மட்டும்  இப்ப  பால், மத்த  நேரமெல்லாம்  காய்கறி சூப் மற்றும் கீரை சூப் இப்படிதான் நாள் ஓடுது அதான் சத்துன்னு        
எல்லாம் சொல்கிறார்கள் நானும் மாறிவிட்டேன் என்று செண்பகம் வேலைக்கு தாவினாள்..


அப்போது பார்த்து அருளின் நகத்தை பார்த்து நறுக்கி  விட்ட செந்தாமரை , திங்க கிழமை நீ வளவன் கூட பழகு ஆனா நீ வாங்கிய அடியை திருப்பி தராம   நீயே வச்சுக்கே . ஆன மறக்காம அவனிடம் சொல்லு   நீ கொடுத்த அடி என் முதுகு மறந்துடிச்சு அது பாவம் இனிமேல் அதை அடிக்காத நானும் உன்னை அடிக்கமாட்டேன்னு .  “நாம அடிக்கறத….. இல்லமா”,  “படிக்கறது மட்டும் ஞாபகம் வைத்து கொள்வோமென்று" என்றாள்.  

சமர்த்தாக திங்களை எதிர்பார்த்தான் அருள் .....


கதை எழுதி பதிவிட்டது உங்களது அன்புக்கு பாத்திரமான
அ. இராஜ்திலக்

குறிப்பு :சூப்பிற்கு சரியான தமிழாக்கம் தெரியவில்லை

காய்கறி ரசம் அல்லது சாறு என்றாலும் பொருந்தவில்லை சரியான மொழிபெயர்போடு சூப் -னை பயன்படுத்தி கொள்ளவும் .

குறிப்பு :சூப்பிற்கு சரியான தமிழாக்கம் தெரியவில்லை

காய்கறி ரசம் அல்லது சாறு என்றாலும் பொருந்தவில்லை சரியான மொழிபெயர்போடு சூப் -னை பயன்படுத்தி கொள்ளவும் .

சூப்.... கதை நன்று.