கோடீஸ்வரர்கள் பட்டியலில் பிரேம்ஜி, சிவ் நாடார்

--
நியூயார்க்:
போர்ப்ஸ் பத்திரிகை வெளியிட்ட 100 தொழில்நுட்ப
கோடீஸ்வரர்கள் பட்டியலில் இந்தியாவின் பிரேம்ஜி,
சிவ் நாடார் ஆகியோர் இடம்பெற்றுள்ளனர்.

இருவர் மட்டுமே, இந்த பட்டியலில் 20 இடத்திற்குள் இடம்
பெற்ற இந்தியர்கள்.

உலகின் 100 கோடீஸ்வர தொழில்நுட்ப வல்லுநர்கள்
2016 பட்டியலை போர்ப்ஸ் பத்திரிகை வெளியிட்டுள்ளது.
இந்த பட்டியலில் மைக்ரோசாப்ட் நிறுவனத்தின் நிறுவனர்
பில்கேட்ஸ் முதலிடத்தில் உள்ளார்.
அவரது சொத்து மதிப்பு 78 பில்லியன் அமெரிக்க டாலர்
ஆகும்.

அமேசான் நிறுவனர் ஜெப் போஜாஸ் இரண்டாவது இடத்தில்
உள்ளார்.
கடந்த வருடம் 18.4 பில்லியன் அமெரிக்க டாலர் சொத்து
வைத்திருந்த அவர், இந்த வருடம் 66.2 பில்லியன் அமெரிக்க
டாலர் சொத்து வைத்துள்ளார்.

மூன்றாவது இடத்தில் பேஸ்புக் நிறுவனத்தின் ஜூகர்பெர்க்
3வது இடத்தில் உள்ளார். இவர் கலிபோர்னியாவில்
பணக்காரர்கள் பட்டியலில் முதலிடத்தில் உள்ளார்.
நான்காவது இடத்தில், ஆரக்கிள் சேர்மன் லாரி எலிசன் உள்ளார்.

பிரேம்ஜி 16 பில்லியன் அமெரிக்க டாலருடன் 13வது இடத்தில்
உள்ளனர். சிவ்நாடார் 11.6 அமெரிக்க டாலருடன் 17வது இடத்தில்
உள்ளார். அமெரிக்காவில் வசிக்கும் இந்திய வம்சாவளியை சேர்ந்த
சம்போனி தொழில்நுட்ப நிறுவன சி.இ.ஓ., ரோமேஷ் வாத்வானி
3 பில்லியன் அமெரிக்க டாலருடன் 67 வது இடத்தில் உள்ளார்.
ஐடி கன்சல்டிங் மற்றும் அவுட்சோர்சிங் நிறுவனத்தின் சின்டெல்
பாரத் தேசாய் ஆகியோரும் இந்த பட்டியலில் இடம்பெற்றுள்ளனர்.

இந்த பட்டியலில், சீனாவை சேர்ந்த 19 பேர் இடம்பெற்றுள்ளனர்.
அவர்களின் மொத்த சொத்து மதிப்பு 132.7 பில்லியன் அமெரிக்க
டாலர் என கணிக்கப்பட்டுள்ளது.

அவர்களில் முதலிடத்தில் அலிபாபா நிறுவனத்தின் ஜாக் மா
உள்ளார். போர்ப்ஸ் பட்டியலில் 8 வது இடத்தில் உள்ளார். அவரின்
சொத்து மதிப்பு 25.8 பில்லியன் அமெரிக்க டாலர்.
கனடாவை சேர்ந்த 5 பேரும் , ஜெர்மனியை சேர்ந்த 4 பேரும் இடம்
பெற்றுள்ளனர்.
-
---------------------------
தினமலர்