சென்சார் கண்கள் நிறைந்த ஸ்மார்ட் சிட்டி!

by **ayyasamy ram** Wed Aug 10, 2016 8:47 pm

-
இந்தியாவில் 100 ஸ்மார்ட் சிட்டி அமைக்கப்படும் என்று மத்திய அரசு அறிவித்துள்ளது. அதில் முதற்கட்டமாக 20 நகரங்களில் ஸ்மார்ட் சிட்டி அமைக்க முடிவு செய்யப்பட்டுள்ளது. அவற்றில் தமிழ்நாட்டில் சென்னை, கோவை ஆகிய நகரங்களும் உள்ளன. இந்தியாவில் மட்டுமல்ல, உலகில் பல நகரங்கள் ஸ்மார்ட் சிட்டியாக அமைக்கப்பட்டிருக்கின்றன. ஸ்மார்ட் சிட்டி என்றால் என்ன?

பல நவீன வசதிகளை உள்ளடக்கிய போனை ஸ்மார்ட் போன் என்கிறோம். அதுபோல பல நவீன வசதிகளைக் கொண்டதுதான் ஸ்மார்ட் சிட்டி.

பேருந்து நிறுத்தத்தில் பேருந்துக்காகக் காத்திருக்கிறீர்கள். நீங்கள் வரும் வரும் என்று காத்திருக்கும் பேருந்து எந்த இடத்தில் வந்து கொண்டிருக்கிறது என்று உங்களுக்குத் தெரியாது. பேருந்து ஓட்டுநர் ஒருவேளை வேலைக்கு வராமலிருந்திருந்தால், பேருந்தே வர வாய்ப்பில்லை. ஸ்மார்ட் சிட்டியில் உள்ள பேருந்து நிறுத்தத்தில் உள்ள டிஜிட்டல் போர்டில் உங்களுடைய பேருந்து எந்த இடத்தில் வந்து கொண்டிருக்கிறது என்பது அறிவிக்கப்படும்.

நகரம் முழுக்க சென்சார்களால் இணைக்கப்படுவது ஸ்மார்ட் சிட்டிகளின் முக்கிய பண்பாகும்.

பிரேசில் நாட்டின் ரியோ டி ஜெனிரோ, நார்வேயின் ஆஸ்லோ, தென்கொரியாவின் சாங்டோ என பல ஸ்மார்ட் சிட்டிகள் இப்போது உருவாகிவிட்டன.

இதற்கு முன்பு பல நகரங்கள் திட்டமிட்டு உருவாக்கப்பட்டிருக்கின்றன. ஆனால் நவீன தொழில்நுட்பத்தின் அடிப்படையில் நகரின் எல்லாப்பகுதிகளும் திட்டமிட்டு அமைக்கப்படுவதான் ஸ்மார்ட் சிட்டி.

by **ayyasamy ram** Wed Aug 10, 2016 8:48 pm

ஸ்மார்ட் சிட்டியின் பருவநிலை, எரிபொருள் பயன்பாடு, போக்குவரத்து நெரிசல், குடிநீர், கழிவுநீர் நிர்வாகம் எல்லாவற்றையும் கண்காணித்து தனது கட்டுப்பாட்டுக்குள் சென்சார்கள் கொண்டு வந்துவிடுகின்றன. கட்டடங்கள் 60 சதவீதம் இடத்திலும் திறந்த வெளி 40 சதவீத இடத்திலும் இருக்குமாறு சாங்டோவை உருவாக்கியிருக்கின்றனர்.

சாங்டோவின் எந்த மூலையில் ஒரு பிரச்னை என்றாலும் நிறுவப்பட்டுள்ள சென்சார்களின் உதவியுடன் உடனே அது அதிகாரிகளுக்குத் தெரிவிக்கப்பட்டுவிடும்.

மின்சாரக் கார்களுக்கான சார்ஜிங் மையங்கள், நல்ல நீரைக் குடிநீராக மட்டுமே பயன்படுத்துதல், வீடுகளில் சேரும் குப்பைகள், சமையலறை வழியே பூமிக்கு அடியிலுள்ள வலைப்பின்னலால் உறிஞ்சப்பட்டு சுத்திகரிக்கப்படுதல் என பல சுற்றுச்சூழல் பாதுகாப்பு அம்சங்கள் இந்த ஸ்மார்ட் நகரத்தில் உள்ளன.

நார்வேயின் ஆஸ்லோ நகரில் ஒரு வீட்டின் கதவு திறக்கப்பட்டால் சென்சார் மூலம் வீட்டினுள் உள்ளவர்களுக்குத் தகவல் சென்றுவிடும். குளிர் அதிகமானால் வீட்டில் பொருத்தப்பட்டுள்ள சென்சார் வெப்பமூட்டும் கருவியைத் தானாகவே இயக்கிவிடும். இப்படி நிறைய.

நகரின் – நகரில் வாழ்பவர்களின், ஒவ்வோர் அசைவும் சென்சார்களின் மூலம் கண்காணிக்கப்பட்டு உரிய நடவடிக்கைகள் எடுக்கப்படும்.

– ந.ஜீ.

இளைஞர் மணி

by ChitraGanesan Thu Aug 11, 2016 11:20 am

வேண்டும் ஸ்மார் இந்தியா வேண்டும் ஸ்மார் தமிழகம் வேண்டும் ஸ்மார் மாவட்டம் வேண்டும் ஸ்மார் வட்டம் வேண்டும் ஸ்மார் கிராமம்.

by Sponsored content

சென்சார் கண்கள் நிறைந்த ஸ்மார்ட் சிட்டி!

சென்சார் கண்கள் நிறைந்த ஸ்மார்ட் சிட்டி!

Re: சென்சார் கண்கள் நிறைந்த ஸ்மார்ட் சிட்டி!

Re: சென்சார் கண்கள் நிறைந்த ஸ்மார்ட் சிட்டி!

Re: சென்சார் கண்கள் நிறைந்த ஸ்மார்ட் சிட்டி!