சிறுமி பெண்ணாவது எப்படி?

ஒரு பெண்ணுக்குள் இருக்கும் இரண்டு அடிப்படை ஹார்மோன்கள் ஈஸ்ட்ரோஜென், புரொஜெஸ்டீரான். இவை இரண்டுமே சினைப்பையில் உருவாக்கப்படுகின்றன. மிகக் குறைந்த அளவில் அட்ரீனல் சுரப்பியிலும் உருவாகிறது.

இந்த ஹார்மோன்களின் சுரப்பினால்தான் ஒரு சிறுமி தனது டீன் ஏஜ; எனப்படும் பருவக்காலத்தில் பால் தொடர்பான முதிர்ச்சியை அடைகிறாள். மாதப்போக்குச் சுழற்சியிலும் இந்த ஹார்மோன்களே முக்கியப் பங்கு வகிக்கின்றன.

ஈஸ்ட்ரோஜென் பல பயனுள்ள செயல்பாடுகளை மேற்கொள்கிறது. ஒரு சிறுமி பருவம் எய்தும்போது வெளிப்புற பாலுறுப்புகளான மார்பகங்கள் மற்றும் கருப்பை, கருப்பைக் குழாய், சினைப்பை போன்ற உட்புற உறுப்புகள் ஆகியவற்றின் வளர்ச்சிக்கு இது உதவுகிறது. அவளுடைய உடல் அமைப்பில் குறுகிய தோள் பட்டைகளும் அகலமான இடுப்புகளும் உண்டாக இந்த ஹார்மோன்கள்தான் காரணம். அவளின் எலும்பு முதிர்ச்சிக்கும் இது உதவுகிறது.

ஒரு பெண் பருவமடைந்ததும், ஈஸ்ட்ரோஜென் ஹார்மோன்தான் அவளுடைய கருப்பை மற்றும் பிற பாலுறுப்புகளை நல்ல ஆரோக்கியத்துடன் வைத்துக்கொள்கிறது.

ஒவ்வொரு மாதப்போக்கின்போதும் கருப்பை உதிர்க்கும் உள்வரித் திசுக்களை இந்த ஹார்மோன் உருவாக்குகிறது.

இரண்டாவது முக்கிய ஹார்மோனான புரொஜெஸ்டீரான், ஈஸ்ட்ரோஜென் ஹார்மோனுடன் சேர்ந்து செயலாற்றுகிறது. மார்பக வளர்ச்சியைத் தூண்டவும், பருவம் அடையும்போது கருப்பையினுடைய தசை நார்களின் வளர்ச்சியைத் தூண்டவும் உதவுகிறது.

பெண்ணின் இனப்பெருக்க காலம் முழுவதும் கருப்பையின் உள்வரிச் சவ்வை தசைப்பிடிப்புள்ளதாக்க உதவி, ஒவ்வொரு மாதவிலக்குச் சுழற்சியின் இரண்டாவது நிலையில் (14-நாளுக்குப் பிறகு) கருத்தரிப்பை உண்டாக்கும் செயலில் முனைப்பாக செயல்படுகிறது.

ஆனாலும் இந்த இரண்டு ஹார்மோன்களையும் மூளையில் உள்ள பிட்யூட்டரி சுரப்பி கட்டுப்படுத்துகிறது.

தெளிவான விளக்கம்

முன்னை விட தற்போதைய களங்களில் மிக இளம் வயதில்
பூபெய்து விடுகிறார்கள் கரணம் என்ன உணவு மாற்றமா

மிக்க நன்றி சிவா நல்ல பதிவிற்கு.. இதைத்தான் நான் அன்று கேட்டேன்.. அப்படியே சித்தர் பாடல்களில் இருந்தாலும் சேர்த்து ஒரு கட்டுரை எழுதலாம் என்று.. மிக்க நன்றி மீண்டும்..

நல்லதோர் விளக்கம் அண்ணா