நக்சலைட் நயிமுதீன் வீட்டில் ரூ.1000 கோடி சொத்து ஆவணங்கள்-

-
ஐதராபாத்

ஐதராபாத்தை அடுத்த மணிகொண்டா நகரில்
வசித்து வருபவர் நயிமுதீன். நக்சலைட்டாக இருந்த
இவர் 10 வருடத்துக்கு முன்பு போலீசில் சரண்
அடைந்து திருந்தி வாழ்வதாக அறிவித்தார்.

ஆனால் அவர் ஒரு கும்பலை உருவாக்கிக் கொண்டு
கொலை, பணம் பறித்தல் போன்ற சட்ட விரோத
செயல்களில் ஈடு பட்டு ரவுடியாக வலம் வந்தார்.

அவர் 20-க்கும் மேற்பட்ட கொலை வழக்கில்
தொடர்புடையவர். இதில் ஐ.பி.எஸ். அதிகாரி வியாஸ்,
நக்சலைட்டு தலைவர் கோனாபூரி ராமுலு, நக்சல்
பாடகர் பெல்லி லலிதா ஆகியோரை கொன்ற வழக்குகள்
அவர் மீது உள்ளது.
அவரை கைது செய்ய போலீசார் தீவிர நடவடிக்கை எடுத்து
வந்தனர்.
ஆனால் போலீஸ் பிடியில் சிக்காமல் தலைமறைவாக
வாழ்ந்து வந்தார்.

இந்த நிலையில் மெகபூப் நகர் மாவட்டம் சாத் நகரில் உள்ள
தனது நண்பர் வீட் டுக்கு நயிமுதீன் காரில் வருவதை போலீசார்
கண்டு பிடித்தனர்.
இதையடுத்து அவரை கைது செய்ய அப்பகுதியில் தீவிர
கண்காணிப்பில் ஈடு பட்டனர். நயிமுதீன் வந்த காரை போலீசார்
மடக்கி பிடித்தனர். அப்போது அவர் ஏ.கே.47 துப்பாக்கி யால்
போலீசாரை சரமாரி யாக சுட்டார். இதையடுத்து போலீசார்
நயிமுதீனை என்கவுண்டரில் சுட்டுக் கொன்றனர்
-
போலீசார் அல்காபுரியில் நயீமுதின் பதுங்கி இருந்த குகையில்
தேடுதல் வேட்டை நடத்தி வருகின்றனர். அப்போது அங்கு
கோடிக்கணக்கில் பணம் சிக்கியது.
மேலும் 1.93 கிலோ தங்கம், ரூ.1000 கோடி மதிப்புள்ள சொத்து
பத்திரங்கள் இருந்தன. அவரை போலீசார் பறி முதல் செய்தனர்.

அவரது வீட்டில் பெண்கள் சிலர் இருந்தனர். அவர்களை
நயிமுதீன் கடத்தி வந்து விற்பனை செய்வதற்காக
வைத்திருந்தாரா? என்றும் விசாரணை நடக்கிறது.

இதுகுறித்து சைபர்பாத் மேற்கு போலீஸ் கமிஷனர் வி. நவீன் சந்த்
கூறுகையில், ''பப்பல்குடாவில் நயீமுதினை யாராவது தாக்குவதற்கு
வந்தால் மனிதக் கேடயமாகப் பயன்படுத்த நான்கு பெண்களை
தன்னுடன் தங்க வைத்துள்ளார். மேலும், பாலியல் தொழிலுக்காக
பெண்களை கடத்தி வந்துள்ளான்.

நயீமுதின் தங்கி இருந்த குகையில் இருந்து பாலியலுக்கு பயன்
படுத்தியதாக நம்பப்படும் 11 பெண்கள் மற்றும் குழந்தைகள்
மீட்கப்பட்டுள்ளனர்.

மேலும், தாக்குதல் நடத்துவதற்கு பதுக்கி வைத்திருந்த வெடி
குண்டுகள், டெட்டனேட்டர்கள் ஆகியவை பறிமுதல் செய்யப்
பட்டுள்ளன. 4 துப்பாக்கிகள, 138 குண்டுகள், 200 தொலைபேசிகள்,
ஆபாச வீடியோக்கள் பறிமுதல் செய்யப்பட்டுள்ளன.

அழகாபுரியில் உள்ள சர்வதேச பள்ளியில் படித்து வந்த நயீமுதினின்
மூன்று குழந்தைகளையும் போலீசார் தங்களது கட்டுப்பாட்டிற்குள்
கொண்டு சென்றுள்ளனர்'' என்றார்
-
--------------------------------------
தித்தந்தி

"தாக்குதல் நடத்துவதற்கு பதுக்கி வைத்திருந்த வெடி குண்டுகள், டெட்டனேட்டர்கள் ஆகியவை பறிமுதல் செய்யப்பட்டுள்ளன. 4 துப்பாக்கிகள, 138 குண்டுகள், 200 தொலைபேசிகள், ஆபாச வீடியோக்கள் பறிமுதல் செய்யப்பட்டுள்ளன."

தமிழர்கள் மீது கொலை வெறி தாக்குதல் செய்யப்படுவதால், திசை திருப்ப இது போன்ற சில நிகழ்வுகள் நடத்தப்படும்.