கைதான 32 தமிழர்களை விடுவிக்க முடியாது சந்திரபாபுநாயுடு அறிவிப்பு

**ayyasamy ram** · **ayyasamy ram** Tue Aug 09, 2016 1:33 pm

சித்தூர்

சித்தூர் சிறையில் உள்ள 32 தமிழர் களை விடுதலை செய்ய
இயலாது என்று ஆந்திர முதல்- மந்திரி சந்திரபாபு நாயுடு
தெரிவித்துள்ளார். குப்பம் வந்திருந்த அவர்
இது தொடர்பாக நிருபர்களிடம் கூறியதாவது:-

சித்தூர் மாவட்டத்தில் விலை மதிப்புமிக்க செம் மரங்கள்
தொடர்ந்து வெட்டி கடத்தப்படுகின்றன. அதை அனுமதிக்க
இயலாது.கைதான 32 பேரும் அப்பாவிகள் அல்ல.
அவர் கள் நல்லவர்கள் என்று நியாயப்படுத்த முடியாது.

செம்மரம் வெட்டி கடத்துபவர்கள் யாராக இருந்தாலும்
அவர்கள் மீது தொடர்ந்து கடும் நடவடிக்கை எடுக்கப்படும்.
32 தமிழர்கள் மீது வழக்குப்பதிவு செய்யப் பட்டுள்ளது.

அவர்களை விடுதலை செய்ய இயலாது. இது பற்றி
ஆந்திர அரசு தமிழக அரசுக்கு உரிய விளக்கத்தை அளிக்கும்.
செம்மரக் கடத்தல்காரர் கள் மீது கடும் நடவடிக்கை
எடுக்கப்படும்.
இவ்வாறு ஆந்திர முதல்- மந்திரி சந்திரபாபுநாயுடு கூறினார்.
-
தினத்தந்தி

GunasekarenS · GunasekarenS Tue Aug 09, 2016 7:41 pm

சித்தூர் மாவட்டத்தில் விலை மதிப்புமிக்க செம் மரங்கள் தொடர்ந்து வெட்டி கடத்தப்படுகின்றன. அதை அனுமதிக்க இயலாது. பாதுகாக்க தெரியவில்லை என்று ஏற்க மனம் இல்லையா? செம் மரங்கள்
தொடர்ந்து வெட்டி கடத்த யார் செயல்படுகிறார்கள் என்று கண்டுபிடிக்க துப்பில்லை. ஏஜென்ட் யார் என்று கண்டுபிடிக்க துப்பில்லை. அறுவடை கூலி வேலை செய்ய செல்பவர்களை பிடித்து, வழக்கு பதிவு செய்வது தீவிரவாதம் தான்.

விலை மதிப்புமிக்க மனிதர்கள் மீது கொலைவெறி, வழக்கு பதிவு செய்யப் பட்டுள்ளது. பாலாறு தண்ணீர் தராமல் ஏமாற்றி அணை கட்டியதற்கு, தமிழர்கள் மீது தாக்குதல் நடத்தியது, தனது ஹெரிடேஜ் பால் தமிழ்நாடு முழுக்க விற்க தமிழக அரசு பால் கொள்முதல் குறைத்ததற்கு, ஆந்திர முதல்- மந்திரி சந்திரபாபு நாயுடு, துணை போன அதிகாரிகள் மீது தேசிய பாதுகாப்பு சட்டம் கீழ் நடவடிக்கை எடுக்க வேண்டும்.

கைதான 32 தமிழர்களை விடுவிக்க முடியாது சந்திரபாபுநாயுடு அறிவிப்பு

கைதான 32 தமிழர்களை விடுவிக்க முடியாது சந்திரபாபுநாயுடு அறிவிப்பு

Re: கைதான 32 தமிழர்களை விடுவிக்க முடியாது சந்திரபாபுநாயுடு அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக