ஆகஸ்ட் 15 முதல் மதுவிலக்கு தேவை

**ayyasamy ram** · **ayyasamy ram** Tue 9 Aug 2016 - 8:40

தமிழகத்தில் பூரண மதுவிலக்கை ஆகஸ்ட் 15 முதல் அமல்படுத்த வேண்டும் என்று பாமக இளைஞரணித் தலைவர் அன்புமணி ராமதாஸ் வலியுறுத்தியுள்ளார்.

இது தொடர்பாக அவர் திங்கள்கிழமை வெளியிட்ட அறிக்கை:-

10 மாதக் குழந்தைக்கு அதன் தந்தையே மதுவைப் புகட்டுவது போன்ற விடியோ சமூக வலைதளங்களில் பரவி வருகிறது. இத்தகைய செயலை மன்னிக்க முடியாது. குழந்தைக்கு மது புகட்டிய தந்தையைக் கைது செய்ய வேண்டும்

சென்னையில்தான் இந்த விடியோ பதிவு செய்யப்பட்டிருக்க வேண்டும் என்று கூறப்படுகிறது. இந்த நிகழ்வு குறித்த செய்தியும், படமும் இங்கிலாந்தில் இருந்து வெளியாகும் மெயில், டெய்லி மிரர் உள்ளிட்ட இதழ்களில் வெளியாகியுள்ளன.

தமிழகத்தில் படிப்படியாக மதுவிலக்கை நடைமுறைப்படுத்தப் போவதாகக் கூறி 500 மதுக்கடைகளை மூடியதும், மதுவிற்பனை நேரத்தைக் குறைத்ததும் எவ்வித பயனையும் அளிக்கவில்லை. இதனால், மது நுகர்வு எந்த வகையிலும் குறையவில்லை.

முழு மதுவிலக்கை நடைமுறைப்படுத்துவதன் மூலம்தான் மதுவின் தீமைகளை முழுமையாக கட்டுப்படுத்த முடியும். இதை உணர்ந்து ஆகஸ்ட் 15 முதல் தமிழகத்தில் முழு மதுவிலக்கை அமல்படுத்த வேண்டும் என்று அன்புமணி ராமதாஸ் கூறியுள்ளார்.

தினமணி

ChitraGanesan · ChitraGanesan Tue 9 Aug 2016 - 11:44

நாம் கேட்போம் கிடைக்கும்போது கிடைக்கட்டும்

ஆகஸ்ட் 15 முதல் மதுவிலக்கு தேவை

ஆகஸ்ட் 15 முதல் மதுவிலக்கு தேவை

Re: ஆகஸ்ட் 15 முதல் மதுவிலக்கு தேவை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக