இந்த பொருட்களை மட்டும் ஃப்ரிட்ஜில வெக்காதீங்க...

பெரும்பாலானோருக்கு வாங்கும் ஒவ்வொரு பொருளும் கெட்டுப் போகக்கூடாது என்று ஃப்ரிட்ஜில் வைக்கும் பழக்கம் இருக்கும். ஆனால் உணவுப் பொருட்களை அனைத்தையுமே ஃப்ரிட்ஜில் வைக்கக்கூடாது. அப்படி வைத்தால், அவற்றுள் சில கெட்டுப் போய்விடும்.

சாப்பிடும் பிரட்டை காற்றுப்புகாத ஒரு கவரில் சுற்றி, ஈரப்பதமில்லாத இடத்தில் தான் வைத்துப் பாதுகாக்க வேண்டும். ஃப்ரிட்ஜில் வைத்தால், அதனால் பிரட்டுகளில் பூஞ்சைகள் சீக்கிரம் வருவதோடு, கடினமாகவும் மாறிவிடும்.

பூண்டுகள் அவ்வளவு எளிதில் கெட்டுப் போகக்கூடிய பொருள் அல்ல. அதிலும் இதனை எத்தனை நாட்கள் ஃப்ரிட்ஜிற்கு வெளியே வைத்தாலும் நன்றாகத் தான் இருக்கும். ஆனால் இதனை ஈரப்பதமில்லாத மற்றும் காற்றோட்டமுள்ள இடத்தில் வைத்துப் பாதுகாக்க வேண்டும்.

தர்பூசணியை சிலர் வெட்டியப் பின் கெட்டுப் போகாமல் இருக்க ஃப்ரிட்ஜில் வைப்பார்கள். ஆனால் அப்படி ஃப்ரிட்ஜில் வைத்தால், அது அப்படியே சுருங்கி, அதில் உள்ள சத்துக்கள் போய் வறண்டு, காய்ந்துவிடும். எனவே முடிந்த வரை வாங்கிய தர்பூசணியை பாதுகாத்து வைத்து சாப்பிடுவதைத் தவிர்த்து, அவ்வப்போதே காலி செய்துவிடுங்கள்.

ஃப்ரிட்ஜில் வெங்காயத்தை வைக்கவே கூடாது. வெங்காயம் ஈரப்பமில்லாத, நல்ல காற்றோட்டமுள்ள இடத்தில் வைத்து பாதுகாத்தால் பல நாட்கள் நன்றாக இருக்கும்.

உணவுப் பொருட்களிலேயே கெட்டுப் போகாமல் நீண்ட நாட்கள் இருக்கும் ஓன்று தான் தேன். இதனை ஃப்ரிட்ஜில் வைக்க வேண்டிய அவசியமே இல்லை. தேனை உபயோகிக்கும் போது, அதில் மற்ற பொருட்கள் ஏதேனும் கலக்காதவாறு சரியாக எடுத்து பயன்படுத்த வேண்டும். இல்லாவிட்டால் பாழாகும்.

தக்காளியை ஃப்ரிட்ஜில் வைத்தால் நீண்ட நாட்கள் பாழாகாமல் இருக்கும் என்று நினைக்க வேண்டாம். மாறாக அதன் சுவை முற்றிலும் மாறி, ருசியற்றதாகிவிடும். எனவே எப்போதும் தக்காளியை வெளியே காற்றோட்டமான இடத்தில் வைத்துப் பாதுகாத்து பயன்படுத்தி வாருங்கள்.

தலைப்பு திருத்தப் பட்டது - வேறு தளங்களின் இணைப்பு வேண்டாம்.

யினியவன் wrote:தலைப்பு திருத்தப் பட்டது - வேறு தளங்களின் இணைப்பு வேண்டாம்.

நல்ல வேலை எங்க நம்ம அயிட்டத்தையும் பிரிஜ்ஜில் வைக்க கூடாதுன்னு சொல்லிடுவாரோன்னு பயந்துட்டேன்

நல்ல தகவல் நன்றி

குளிர் சாதன பெட்டி உபயோகிக்க கூடாது. வாழைப்பழம் முக்கிமாக வைக்க கூடாது.

பயனுள்ள பதிவுங்க.

குளிர் சாதன பெட்டி ஓர் சவ பெட்டி