தாமரைப்பூக்கள்

**ayyasamy ram** · **ayyasamy ram** Sat Aug 06, 2016 12:54 pm

-
என்னை
தொந்தரவு செய்துகொண்டே
இருக்கின்றன எப்பொழுதும்
ஏனென்றே தெரியவில்லை
–
அவற்றின் நிறம்?
நூதனமான அழகு?
இதழ்களின் அடுக்கமைப்பு?
பச்சிளம் குழந்தை போல மிருது?
சூரியனைக் கண்டதும்
காதலாகி மலர்ந்து விரியும் இயல்பு?
–
ஆனாலும்
ஆற்றில் செல்லாது
கடலிலும் கிடக்காது
சிவப்போ வெள்ளையோ
சிறுகுளத்துக்குள்தான்!
–
—————————
-விக்ரமாதித்யன்

**M.Jagadeesan** · **M.Jagadeesan** Sat Aug 06, 2016 4:56 pm

சிறுகுளத்து பூத்திட்ட செந்தாமரைப் பூவே !
மறுத்துன்னை சூடாது மல்லிகையைச் சூடுகிறார்
பார்ப்பதற்கு வசீகரமாய் தோன்றுவதால் என்னபயன் ?
கூர்த்தமதி ஒன்றே அழகு .

பொருள் : செந்தாமரைப் பூ பார்ப்பதற்கு பெரிதாகவும் , அழகாகவும் இருந்தாலும் , மங்கையர்கள் அதை தலையிலே சூடமாட்டார்கள் . மாறாக , சிறிதாக இருந்தாலும் , மணமுள்ள மல்லிகைப் பூவையே , மங்கையர்கள் விரும்பிச் சூடுவார்கள் . அதுபோல உயரமாகவும் அழகாகவும் இருப்பது மனிதனுக்கு அழகு அல்ல . அறிவுள்ளவனாக இருப்பதே அழகு .

Gaiyathri · Gaiyathri Sun Aug 07, 2016 5:36 pm

சேற்றில் மலர்ந்தாலும்
வழிபாட்டிற்குறிய மலர்
இதயத் தாமரை
அன்பில் மலர்வது
சிரசில் தாமரை
ஞானத்தில் மலர்வது
வெண்தாமரையில் வசிப்பவள் கலைமகள்
செந்தாமரையில் வசிப்பவள் அலைமகள்

இந்த பதிவைத் துவங்கியவர் நன்றி கூறியுள்ளார் Gaiyathri

Sponsored content · Sponsored content

தாமரைப்பூக்கள்

தாமரைப்பூக்கள்

Re: தாமரைப்பூக்கள்

Re: தாமரைப்பூக்கள்

Re: தாமரைப்பூக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக