மேற்கு வங்க மாநிலத்தின் பெயரை பெங்கால் என மாற்ற மாநில அரசு முடிவு

**ayyasamy ram** · **ayyasamy ram** Tue Aug 02, 2016 8:35 pm

மேற்கு வங்க மாநிலத்தின் பெயரை வங்கம் (பெங்கால்)
என்று மாற்றம் செய்வதென அந்த மாநில அமைச்சரவை
முடிவு செய்துள்ளது.

இதுகுறித்து கொல்கத்தாவில் அந்த மாநில அமைச்சர்
பார்த்த சட்டர்ஜி செய்தியாளர்களிடம் செவ்வாய்க்கிழமை
கூறியதாவது:

மேற்கு வங்க மாநில அமைச்சரவைக் கூட்டம் செவ்வாய்க்கிழமை
நடைபெற்றது. இக்கூட்டத்தில், மாநிலத்தின் பெயரை ஆங்கிலத்தில்
வங்கம் (பெங்கால்) என்றும், வங்க மொழியில் பங்கோ அல்லது
பங்க்ளா என்று மாற்றம் செய்வதென முடிவு செய்யப்பட்டது.

வங்கம் என்ற சொல், மாநில கலாசாரம், பாரம்பரியத்துடன்
தொடர்புடையது. எனவே மாநிலத்தின் பெயரை வங்கம் என்று மாற்ற
முடிவெடுக்கப்பட்டது. மாநிலத்தின் பெயரை மாற்றுவது என்று
முடிவெடுக்கப்பட்டதற்கு மற்றொரு காரணமும் உள்ளது.

அதாவது, மேற்கு வங்கம் என்ற பெயரில் இருக்கும் முதல் எழுத்தின்படி,
மாநிலங்களின் பட்டியலில் எங்கள் மாநிலம் கடைசியாகவே
பட்டியலிடப்படுகிறது. முதல்வர்கள் மாநாட்டில் பேசுவதற்கு முதல்வர்
மம்தா பானர்ஜிக்கு கடைசியாகவே வாய்ப்பு அளிக்கப்படுகிறது.
அதுவும் குறைவான நேரமே பேசுவதற்கு அளிக்கப்படுகிறது.
இதுவும், மாநிலத்தின் பெயரை மாற்றுவதென முடிவெடுக்க காரணமாகும்.

இதற்கு முன்பு, மாநிலத்தின் பெயரை "பஸ்சிம் பங்கோ' என்று மாற்ற
வேண்டும் என்று மத்திய அரசிடம் மாநில அரசு சார்பில் திட்டம் முன்
வைக்கப்பட்டது. ஆனால், அதற்கு ஒப்புதல் கிடைக்கவில்லை.

ஆனால், தற்போது மத்திய அரசுக்கு புதிய பரிந்துரையை வைக்கவுள்ளோம்.
இந்த முடிவை செயல்படுத்துவது தொடர்பான தீர்மானத்தை
நிறைவேற்றுவதற்கு, மாநில சட்டப் பேரவையின் சிறப்புக் கூட்டத் தொடர்
வரும் 26-ஆம் தேதி கூட்டப்படவுள்ளது என்றார் பார்த்த சாட்டர்ஜி.
-
----------------------
தினமணி

**ராஜா** · **ராஜா** Wed Aug 03, 2016 12:23 pm

எதையாவது செய்யுங்க ...

இங்கல்லாம் பெங்காலி என்றால் அது பங்களாதேஷ் ஆட்களை தான் கூறுகிறார்கள்

மேற்கு வங்க மாநிலத்தின் பெயரை பெங்கால் என மாற்ற மாநில அரசு முடிவு

மேற்கு வங்க மாநிலத்தின் பெயரை பெங்கால் என மாற்ற மாநில அரசு முடிவு

Re: மேற்கு வங்க மாநிலத்தின் பெயரை பெங்கால் என மாற்ற மாநில அரசு முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக