கிரானைட் வழக்கில் பி.ஆர்.பி. உள்பட 3 நிறுவனங்கள் மீது 1158 பக்கங்கள் குற்றப்பத்திரிக்கை தாக்கல்

-
மதுரை:
மதுரை மாவட்டத்தில் நடைபெற்ற ரூ.16 ஆயிரம் கோடி கிரானைட் முறைகேடு வழக்கில் 3-வது முறையாக குற்றப்பத்திரிக்கை மதுரை மேலூர் நீதிமன்றத்தில் தாக்கல் செய்யப்பட்டுள்ளது. மதுரையில் உள்ள மேலூர், கீழவளவு, கீழையூர், உள்ளிட்ட பகுதிகளில் உள்ளி கிரானைட் நிறுவனங்களால் அரசுக்கு பல ஆயிரம் கோடி ரூபாய் இழப்பு ஏற்பட்டுள்ளதாக மாவட்ட நிர்வாகம், மற்றும் காவல்துறையும் மேலூர் நீதிமன்றத்தில் கிட்டத்தட்ட 185 வழக்குகள் தாக்கல் செய்துள்ளனர்.

இந்த வழக்குகளில் தற்போது காவல்துறை தொடர்ச்சியாக குற்றப்பத்திரிக்கையை தாக்கல் செய்து வருகிறது. முதல்கட்டமாக கடந்த சில தினங்களுக்கு முன் 3 வழக்குகள் பதிவு செய்யப்பட்டன. அதனை தொடர்ந்து 2-ம் கட்டமாக 4 வழக்குகள் பதிவு செய்யப்பட்டிருந்தன. தற்போது மேலூர் நீதிமன்றத்தில் இந்த கிரானைட் முறைகேடு வழக்கை விசாரிக்கின்ற தனிப்படை ஆய்வாளர் பிராகாஷ் 3 வழக்குகளை தற்போது தாக்கல் செய்துள்ளார்.

இந்த 3 வழக்கில் 1158 பக்கங்கள் கொண்ட குற்றப்பத்திரிக்கை தாக்கல் செய்யப்பட்டுள்ளன. 3 வழக்குகளுக்கு மட்டுமே 1158 பக்கங்கள். அரசுக்கான இழப்பு என்பது ரூ.121 கோடி இழப்பு ஏற்பட்டுள்ளதாக அதில் தெரிவிக்கப்பட்டுள்ளன.

இந்த வழக்குகளில் மட்டும் அரசுக்கு ரூ.900 கோடி இழப்பு ஏற்பட்டுள்ளதாக குற்றப்பத்திரிக்கையில் தெரிவிக்கப்பட்டுள்ளது. இன்று தாக்கல் செய்யப்பட்ட வழக்குகளில் பி.ஆர்.பி., பி.எஸ்., உள்ளிட்ட நிறுவனங்கள் மீது குற்றப்பத்திரிக்கை தாக்கல் செய்யப்பட்டுள்ளது.