என்னைத் தெரியாத ஆளே கிடையாது…!!

ரஜினிகாந்த் அமிதாப்பிடம் சொன்னார்…

‘‘என்னைத் தெரியாத ஆளே கிடையாது.
ஏதாவதொரு ஆள் பேர் சொல்லுங்க. அவர் நிச்சயமா என்
நண்பராதான் இருப்பார்!’’

அமிதாப் எரிச்சலுடன் கேட்டார், ‘‘டாம் க்ரூஸை தெரியுமா?’’
‘‘ஓ! அவன் என் பழைய நண்பன். வாங்க, போய்ப் பார்க்கலாம்!’’

இருவரும் ஹாலிவுட் சென்று, ஸ்டூடியோவில் டாம் க்ரூஸ் அறைக்
கதவைத் தட்டினர். டாம் க்ரூஸ் உரக்கக் குரல் கொடுத்தார்,
‘‘தலைவா! வாங்க… வாங்க… நீங்க வந்ததுல மிக்க மகிழ்ச்சி.
நீங்களும் உங்க நண்பரும் என்னுடன் மதிய உணவு சாப்பிட்டு
விட்டுத்தான் போகணும்!”

அமிதாப் கொஞ்சம் அசந்து போனார். ஆனாலும் கேட்டார்…
‘‘அமெரிக்க ஜனாதிபதி ஒபாமாவைத் தெரியுமா?’’

ரஜினி சொன்னார் ‘‘நன்றாகத் தெரியுமே!’’ இருவரும்
வெள்ளை மாளிகைக்குச் சென்றனர். ரஜினியைப் பார்த்த ஒபாமா,
‘‘என்ன ஒரு சர்ப்ரைஸ்! ஒரு கூட்டத்துக்குப் புறப்பட்டுக்
கொண்டிருந்தேன். வாங்க, காபி சாப்பிடுவோம். கூட்டம் கிடக்கட்டும்!’’

அமிதாப் கொஞ்சம் ஆடிப் போனார். இருந்தும் ஒப்புக்கொள்ள
மனமில்லாமல் கேட்டார்… ‘‘போப் ஆண்டவரைத் தெரியுமா?’’

ரஜினி சொன்னார்… ‘‘நாங்க ரொம்ப நாள் ஃப்ரெண்ட்ஸ்!’’
இருவரும் வாடிகன் சென்றனர். போப்பை பார்க்கப் பெரிய கூட்டம்
கூடியிருந்தது. ரஜினி அமிதாப்பிடம் சொன்னார்,
‘‘இங்கு நின்றால் நான் வந்திருப்பது போப்புக்குத் தெரியாது.
நான் காவலர்களிடம் சொல்லிவிட்டு உள்ளே போய் போப்புடன்
பால்கனியில் வந்து நிற்கிறேன்.. பாருங்கள்!’’

சொன்னது போலவே கொஞ்ச நேரத்தில் போப்புடன் பால்கனியில்
வந்து நின்று கையசைத்தார் ரஜினி. திரும்பி வந்து பார்த்தால்
அமிதாப்புக்கு நெஞ்சு வலி வந்து சிகிச்சை அளிக்கப்பட்டிருந்தது.
‘‘என்ன ஆச்சு?’’ என ரஜினி கேட்டார். அமிதாப் சொன்னார்…
–
‘‘நீங்கள் போப்புடன் பால்கனி வரும் வரை ஒரு பிரச்னையும்
இல்லை. நீங்கள் இருவரும் பால்கனிக்கு வந்தபின்,
‘பால்கனியில் ரஜினியுடன் நிற்பது யார்?’ என அருகில் நின்ற
இத்தாலியர் கேட்டார். அப்போதுதான் நெஞ்சு வலி வந்தது.
–
—————————–
வலைப்பேச்சு
குங்குமம்

ஹா ஹா ஹா ... பழைய ஜோக் , இருந்தாலும் ரசிக்க முடிகிறது

நல்ல ரசனை யான நகைசுவை>>>