அவசியம் படிக்கவும்!!! பகிரவும்!!!

B.VENKATESAN · B.VENKATESAN Wed Aug 03, 2016 5:34 pm

அவசியம் படிக்கவும்!!! பகிரவும்!!!

இயந்திரத்தனமான வாழ்வில் இந்த செய்தியை படிக்க நேரம் ஒதுக்கியமைக்கு மிக்க நன்றி!!!

நாம் உயிர்வாழ உணவளித்த விளைநிலங்கள் இன்று பணமோகத்திற்கு இரையாகி வீடுகளாகவும் முதலீட்டு மனைகளாகவும் உயிரிழந்துகொண்டிருப்பது அனைவரும் அறிந்ததே!? இன்று நமக்கு வேண்டிய உணவு தாராளமாக கிடைக்கலாம்.ஆனால் இவ்வாறு விளைநிலங்கள் விலைநிலங்களாவது நீடித்தால் கண்டிப்பாக நமது சந்ததிகள் உணவிற்காக பிற நாடுகளில் கையேந்தும் நிலை ஏற்படுவது உறுதி.இப்போதே தூய காற்று வெளிநாடுகளில் விற்பனைக்கு வந்துவிட்டது.

இயற்கையின் கொடைகளை அழித்துவிட்டு, நல்ல நீருக்கும் காற்றுக்கும் ஏங்கி நிற்கிறோம்.நம் பிள்ளைகளுக்கு சொத்து சேர்க்க படாத பாடு படுகிறோம். கொஞ்சம் யோசித்துப் பாருங்கள் ! நல்ல ஆரோக்கியமான உடல்,சுற்றுப்புறசூழல்...- இதைவிடவா ஒரு நல்ல சொத்து சுகத்தை நம் சந்ததிகளுக்கு நாம் வழங்க முடியும்???!!!

எவ்வளவோ விஷயங்கள் நம் கையை மீறி போய்விட்டன.சுற்றுச்சூழல் மாசுபாட்டை இனி தவிர்க்க முடியாதுதான். குறைந்தபட்சம் விளைநிலங்கள் விலைபோவதை நம்மால் இயன்றவரை தடுக்கலாமே! நாம் எவ்வளவோ ஆடம்பர செலவுகள் செய்கிறோம்.அவற்றையெல்லாம் குறைத்துக்கொண்டு விளைநிலங்களை நாமே வாங்கி அழிவிலிருந்து மீட்கலாம்.நமக்கு விவசாயம் தெரியாவிட்டால்கூட குத்தகைக்காவது விடலாம். குறைந்தபட்சம் நமது நிலம் பிறருக்கு உணவளிக்க உதவுமே!!!இதுகூட ஒருவகை அன்னதானமே!!!

மன இறுக்கத்தோடு வேலை பார்க்கும் அனைத்து அரசு மற்றும் தனியார் ஊழியர்கள் தங்கள் பணிநிறைவுக்குப் பிறகோ முன்னமோ மனநிறைவோடு விவசாயத்தில் இறங்கலாம்.இழந்த நிம்மதியை மீட்கலாம்!!!

சிந்திப்போம்!!!...செயல்படுவோம்!!!...

- இயற்கை நலம்விரும்பி.