திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

**ayyasamy ram** · **ayyasamy ram** Sun Jul 31, 2016 4:19 am

தமிழக முதல்வரும், அதிமுக பொதுச் செயலாளருமான
ஜெயலலிதா குறித்து தவறாகப் பேசியதால், திமுக எம்பி.,
திருச்சி சிவாவை அறைந்தேன் என்று,
அதிமுக எம்பி., சசிகலா புஷ்பா தெரிவித்துள்ளார்.

பாராளுமன்ற மழைக்கால கூட்டத்தொடர் தற்போது நடை
பெற்று வருகிறது. சனி மற்றும் ஞாயிறு விடுமுறை என்பதால்
தமிழக எம்.பி.,க்கள் திருச்சி சிவா மற்றும் சசிகலா புஷ்பா
உள்ளிட்டோர் தமிழகம் திரும்ப தில்லி விமான நிலையம்
இன்று வந்துள்ளனர்.

அப்போது திருச்சி சிவா மற்றும் சசிகலா புஷ்பா இடையே
வாக்குவாதம் ஏற்பட்டு கைகலப்பு ஏற்பட்டதாக ஏஎன்ஐ செய்தி
நிறுவனம் இன்று மாலை செய்தி வெளியிட்டது.
வெகுநேரம் நீடித்த இந்த மோதலால் தில்லி விமான நிலையத்தில்
சிறிது நேரம் பரபரப்பு ஏற்பட்டதாகவும் கூறப்படுகிறது.

இதுதொடர்பாக தி.மு.க., எம்.பி திருச்சி சிவா மற்றும்
அ.தி.மு.க., எம்.பி சசிகலா புஷ்பா ஆகியோர் தனியார் தொலைக்
காட்சிக்கு, தொலைபேசி மூலமாக விளக்கம் அளித்தனர்.

அதில், முதல்வர் ஜெயலலிதா பற்றி தவறாக விமர்சித்த காரணத்தால்,
திருச்சி சிவாவை 4 முறை கன்னத்தில் அறைந்தேன்.
ஜெயலலிதா பற்றி யார் தவறாகப் பேசினாலும், எனக்குப் பயங்கர
கோபம் வரும். அதையே தற்போது வெளிப்படுத்தியுள்ளதாக,
சசிகலா புஷ்பா குறிப்பிட்டுள்ளார்.

இதேபோன்று, திருச்சி சிவா கூறுகையில், காரணம் ஏதுமின்றி,
சட்டையை பிடித்து, சசிகலா புஷ்பா தாக்கியதாகத் தெரிவித்தார்.
இச்சம்பவம் பெரும் பரபரப்பை ஏற்படுத்தியுள்ளது.
-
----------------------------------------
தினமணி

**M.Jagadeesan** · **M.Jagadeesan** Sun Jul 31, 2016 2:05 pm

பொது இடத்தில் எப்படி நடந்துகொள்ள வேண்டும் என்று இருவருக்குமே தெரியவில்லை .இருவருமே படித்தவர்கள்தாம் . திருச்சி சிவா ஆங்கிலத்தில் அழகாகப் பேசுகிறார் . என்ன பயன் ?

உலகத்தோடு ஓட்ட ஒழுகல் பலகற்றும்
கல்லார் அறிவிலா தார் .

என்பது ஐயனின் வாக்கு .

பொருள் : உலக மக்களோடு எப்படிப் பழகவேண்டும் என்ற வாழ்க்கைக் கல்வியை அறியாத மனிதர்கள் எவ்வளவு படித்திருந்தும் , அறிவில்லாத மக்களே ஆவார்கள் .

யினியவன் · யினியவன் Sun Jul 31, 2016 2:19 pm

ஏடா கூடமா இருவரும் உல்லாசமா இருந்த படங்கள் வெளிவந்ததால் - அம்மாட்ட இருந்து தப்பிக்க நாடகம் போடுறாங்க மாதிரி தெரியுது

**M.Jagadeesan** · **M.Jagadeesan** Sun Jul 31, 2016 2:25 pm

யினியவன் wrote:ஏடா கூடமா இருவரும் உல்லாசமா இருந்த படங்கள் வெளிவந்ததால் - அம்மாட்ட இருந்து தப்பிக்க நாடகம் போடுறாங்க மாதிரி தெரியுது

மேற்கோள் செய்த பதிவு: 1217640

ஆமாம் ! நான்கூட YOUTUBE - ல் பார்த்தேன் . மோதலுக்கு வேறு காரணம் இருக்கும் என்று எண்ணுகிறேன் .

**ayyasamy ram** · **ayyasamy ram** Sun Jul 31, 2016 3:42 pm

ஜெ குறித்து சிவா அவதூறாகப் பேசினார் என்றால்
அம்மணி சட்டத்தின் உதவியை அல்லவா நாடவேண்டும் ????

Sponsored content · Sponsored content

திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

Re: திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

Re: திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

Re: திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

Re: திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

Re: திருச்சி சிவாவை 4 முறை கன்னத்தில் அறைந்தேன்: சசிகலா புஷ்பா பரபரப்பு தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக