அமாவாசை – திரைப்படம்

by **ayyasamy ram** Fri Jul 29, 2016 3:41 pm

-
முழுக்க முழுக்க அமாவாசை இரவில் நடக்கும்
சம்பவங்களை மையமாக கொண்டு உருவாகி வரும்
படம் “அமாவாசை.’

ஜெய் ஆகாஷ் கதாநாயகனாக நடிக்கிறார். அவருக்கு
ஜோடியாக நூபுர் மேத்தா நடிக்கிறார். ராஜேஷ், விவேக்,
ஜீவா, ஷ்ராவன், முமைத்கான் உள்ளிட்ட பலர் முக்கிய
கதாபாத்திரங்களில் நடிக்கின்றனர்.

நண்பர்கள் சிலரின் அழைப்பை ஏற்று சென்னையில்
இருந்து சுற்றுலா தளம் ஒன்றுக்கு தன் காதலியுடன்
செல்கிறார் ஜெய் ஆகாஷ்.

பல பகுதிகளுக்குச் சென்ற அந்த குழு, தென் தமிழகத்தின்
கிராமம் ஒன்றில் இரவு பொழுதை கழிக்க விரும்புகிறது.
கிராமத்தின் ஏரியை சுற்றி அமைந்த ஒரு பகுதிக்கு இரவு
நேரத்தை கழிக்கச் செல்கிறார்கள்.

அமாவாசை தினமான அந்த இரவில் அங்கு நடக்கும் திகில்
சம்பவங்கள்தான் திரைக்கதை. திகில் சம்பவங்களிலிருந்து
அந்த குழு எப்படி மீண்டு வந்தது? என்பது கிளைமாக்ஸ்.

ராஜஸ்தானில் உதய்பூர், ஜோத்பூர், சென்னை உள்ளிட்ட
இடங்களில் நகரம் மற்றும் கிராமம் சார்ந்த பகுதிகளில் படப்
பிடிப்பு நடந்து வருகிறது.

சென்னையில் பிரத்யேக அரங்குகள் அமைக்கப்பட்டு படப்
பிடிப்பு நடந்து வருகிறது. பிரபல பாலிவுட் இசையப்பாளார்
சையத் அஹமத் இப்படத்துக்கு இசையமைக்கிறார்.
தமிழ் மற்றும் தெலுங்கில் ஒரே நேரத்தில் படம் வெளியாக
உள்ளது.
–
————————————–

தினமணி