ஏர் இந்தியா நிறுவனம் அடுத்த 4 ஆண்டுகளில் 100 விமானங்களுடன் விரிவாக்கம்!

**ayyasamy ram** · **ayyasamy ram** Thu Jul 28, 2016 1:54 pm

-
ஏர் இந்தியா நிறுவனம் அடுத்த 4 ஆண்டுகளில்
100 புதிய விமானங்களுடன் விரிவாக்கம் செய்யப்
படவுள்ளதாக அந்நிறுவன அதிகாரிகள் வட்டாரங்கள்
தெரிவித்துள்ளன.

இதுகுறித்து ஹைதராபாதில் ஏர் இந்தியா நிறுவன பொது
மேலாளர் (நடவடிக்கை) என். சிவராம கிருஷ்ணண் பிடிஐ
செய்தியாளரிடம் கூறியதாவது:

ஏர் இந்தியா நிறுவனம் அடுத்த 4 ஆண்டுகளில் 100 புதிய
விமானங்களுடன் விரிவாக்கம் செய்யப்படவுள்ளது.
இதைக் கருத்தில் கொண்டு, அடுத்த 2 முதல் 3 ஆண்டுகளில்,
500 புதிய விமானிகளை பணிக்குத் தேர்வு செய்ய திட்டமிடப்
பட்டுள்ளது.

கடந்த ஆண்டு ஆகஸ்ட் மாதம் முதல் இதுவரையிலும், புதிதாக
250 விமானிகள் பணிக்குத் தேர்வு செய்யப்பட்டுள்ளனர். இதுதவிர,
500 புதிய விமானிகள் தேர்வு செய்யப்படவுள்ளனர்.

இதில் 400 விமானிகள் பணிக்குத் தேர்வு செய்வது தொடர்பான
விளம்பரம் ஏற்கெனவே வெளியிடப்பட்டு விட்டது.

கடந்த ஆண்டு பயிற்சி விமானிகள் 200 பேரை ஏர் இந்தியா
நிறுவனம் கேட்டிருந்தது. அவர்களில் 78 பேர் மட்டுமே பணிக்குத்
தேர்வு செய்யப்பட்டனர். அந்த விமானிகள் அனைவரும் தற்போது
தமக்கு ஒதுக்கப்பட்ட பாதைகளில் விமானங்களை இயக்கி
வருகின்றனர்.

மேலும் 150 விமானிகள் வரும் டிசம்பர் மாதத்துக்குள் தங்களது
பயிற்சியை முடித்து விடுவார்கள் என்று எதிர்பார்க்கிறோம்.
இதுதவிர, ஏர் இந்தியா நிறுவனத்தில் தற்போது 858 விமானிகள்
பணியாற்றி வருகிறார்கள்.
-
இதேபோல், அடுத்த 2 முதல் 3 ஆண்டுகளில் 1,500 சிப்பந்திகளையும்
பணிக்குத் தேர்வு செய்ய திட்டமிட்டுள்ளோம் என்றார்
என். சிவராம கிருஷ்ணன்.
-
-------------------------------------
தினமணி

ஏர் இந்தியா நிறுவனம் அடுத்த 4 ஆண்டுகளில் 100 விமானங்களுடன் விரிவாக்கம்!

ஏர் இந்தியா நிறுவனம் அடுத்த 4 ஆண்டுகளில் 100 விமானங்களுடன் விரிவாக்கம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக