மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

**ayyasamy ram** · **ayyasamy ram** Mon 25 Jul 2016 - 0:06

வறுமையில் வாடும் மறைந்த நடிகர் பசி நாராயணனின் குடும்பத்தினருக்கு முதல்வர் நிவாரண நிதியிலிருந்து ரூ.10 லட்சம் நிதி வழங்க முதல்வர் ஜெயலலிதா உத்தரவிட்டுள்ளார்.

இது தொடர்பாக அவர் இன்று வெளியிட்டுள்ள அறிக்கையில் கூறியிருப்பதாவது:

எம்.ஜி.ஆர். நடித்த அன்பே வா, ஆயிரத்தில் ஒருவன் உள்ளிட்ட 500 திரைப்படங்களுக்கு மேல் நடித்த பிரபல திரைப்பட நடிகர் மறைந்த “பசி” நாராயணனின் குடும்பத்தினர், அவரது மறைவுக்குப் பிறகு எவ்வித வருமானமும் இன்றி வறுமையான சூழலில் வாழ்ந்து வருவதாகவும், வாழ்வாதாரத்துக்கு மிகவும் கஷ்டப்படுகின்றனர் என்ற செய்தியை ஊடகங்கள் வழியாக நான் அறிந்தேன்.

பசி நாராயணின் குடும்பத்தினரின் வறுமையான சூழ்நிலையைக் கருத்தில் கொண்டு முதலமைச்சரின் பொது நிவாரண நிதியிலிருந்து நாராயணனின் மனைவி வள்ளிக்கு ரூ.10 லட்சம் ரூபாய் வழங்க உத்தரவிட்டுள்ளேன்.

இந்த ரூ.10 லட்சம் வள்ளியின் பெயரில் தமிழ்நாடு மின்விசை நிதி மற்றும் அடிப்படை வசதி மேம்பாட்டு நிறுவனத்தில் வைப்பு நிதியாக வைக்கப்படும்.

இந்த வைப்பு நிதியில் இருந்து வட்டியாக மாதந்தோறும் ரூ.8,125 வள்ளிக்கு கிடைக்கும் என்று அவர் கூறியுள்ளார்.
-
தினமணி

raghuramanp · raghuramanp Tue 26 Jul 2016 - 12:44

சினிமா என்பது தொழில் இந்த துறையில் வாடுபவர்கள் மட்டும் தான் அரசின் கண்ணில் படுகிறது மற்ற துறையில் இருப்பவர்களையும் கவனிக்குமா.

சிவனாசான் · சிவனாசான் Tue 26 Jul 2016 - 18:12

புனை ஓட்டி நெல் கொரி என்பார்கள். அதுபோல தன் கலை சமூகத்திற்கு உபகாரம் >>>>தனக்கு வேண்டியவருக்கு உபகாரம் செய்வதில் தப்பில்லைங்க. ஏழையின் சிரிப்பில் இறைவனை காண்போம்.

Sponsored content · Sponsored content

மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

Re: மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

Re: மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

Re: மறைந்த நடிகர் பசி நராயணனின் குடும்பத்தினருக்கு ரூ.10 லட்சம் நிதி உதவி: ஜெயலலிதா உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக