10 ஆயிரம் பேர் பாடிய ‘பாரதிய கானத்தான்’ : எம்.எஸ்.சுப்புலட்சுமிக்கு அர்ப்பணம்

**ayyasamy ram** · **ayyasamy ram** Sun Jul 24, 2016 4:21 pm

-
சென்னை:
மறைந்த இசை மேதை எம்.எஸ்.சுப்புலட்சுமியின்
நுாற்றாண்டை முன்னிட்டு, 10 ஆயிரம் மாணவியர் பங்கேற்ற
மாபெரும் இசை நிகழ்ச்சி, சென்னையில் நடந்தது.

சென்னை மீனம்பாக்கம் ஏ.எம்.ஜெயின் கல்லுாரியில், வரும்
ஆக., 2லிருந்து ஆக., 8 வரை, எட்டாவது இந்து ஆன்மிக மற்றும்
சேவை கண்காட்சி நடக்கவுள்ளது. இதை முன்னிட்டு,
நேற்றிலிருந்து சிறப்பு நிகழ்ச்சிகள் துவங்கியுள்ளன.

முதல் நிகழ்ச்சியாக, 10 ஆயிரம் மாணவியர் பங்கேற்ற,
‘பாரதிய கானத்தான்’ என்ற பிரம்மாண்ட இசை நிகழ்ச்சி, நேற்று
நடந்தது.

மறைந்த இசை மேதை எம்.எஸ்.சுப்புலட்சுமியின் நுாற்றாண்டை
முன்னிட்டு, அவருக்கு அர்ப்பணிக்கும் விதமான இந்நிகழ்ச்சி,
கல்லுாரி வளாகத்தில் நேற்று மாலை நிகழ்த்தப்பட்டது.

பரதநாட்டியக் கலைஞர் பத்மா சுப்ரமணியம், கர்நாடக இசைக்
கலைஞர் அருணா சாய்ராம் ஆகியோர் தலைமையில்,
உத்ரா உண்ணி கிருஷ்ணன் மற்றும் பாடகர்கள் பலரும்,
10 ஆயிரம் மாணவியருடன் இணைந்து கருத்துப்பாடல் பாடினர்.

வித்யா கல்யாணராமன், சுசித்ரா, வினயா, சிந்துஜா,
கிருத்திகா நடராஜன், அமெயா, பிரத்திமா சவுத்ரி, சமன்விதா ஆகிய
பெண் பாடகர்களும் இதில் இணைந்து, பாடினர்.

இசை மழலை ராம்ஜி, இசைக்கலைஞர் ராதா பாஸ்கர் ஆகியோர்,
இந்த இசை நிகழ்ச்சியை தொகுத்து வழங்கினர். பல ஆயிரம்
மாணவியரும் இணைந்து, ஒரே குரலில் பாடல்கள் பாடியது, மிகவும்
உணர்வுப்பூர்வமாகவும், நெகிழ்வூட்டுவதாகவும் இருந்தது.
பிரபல ஆடிட்டர் குருமூர்த்தி உள்ளிட்ட பலரும் இதில் பங்கேற்றனர்.
–
————————————–
தினமலர்

10 ஆயிரம் பேர் பாடிய ‘பாரதிய கானத்தான்’ : எம்.எஸ்.சுப்புலட்சுமிக்கு அர்ப்பணம்

10 ஆயிரம் பேர் பாடிய ‘பாரதிய கானத்தான்’ : எம்.எஸ்.சுப்புலட்சுமிக்கு அர்ப்பணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக