நாடாளுமன்றத்தில் காரசார விவாதத்தின்போது தூங்கிய ராகுல் காந்தி

**ayyasamy ram** · **ayyasamy ram** Thu Jul 21, 2016 8:02 am

குஜராத்தில் மாட்டுத்தோல் வைத்திருந்தவர்கள் கடுமையாக தாக்கப்பட்ட சம்பவம் தொடர்பாக நாடாளுமன்றத்தில் விவாதம் நடந்த போது, காங்கிரஸ் துணைத்தலைவர் ராகுல் தூங்கி கொண்டிருந்த காட்சி வெளியாகியுள்ளது.

நாடாளுமன்றம் புதன்கிழமை கூடியதும் தலித் இளைஞர்கள் தாக்கப்பட்ட விவகாரத்தை எழுப்பி, காங்கிரஸ் எம்.பி.க்கள் கடும் அமளியில் ஈடுபட்டனர். அவர்களுக்கு பதிலளிக்கும் வகையில், மத்திய உள்துறை அமைச்சர் ராஜ்நாத் சிங் உரையாற்றியபோது, அவரை பேசவிடாமல் மக்களவை காங்கிரஸ் தலைவர் மல்லிகார்ஜூன கார்கே தலைமையில் அக்கட்சி எம்.பி.க்கள் கோஷமிட்டனர். அப்போது, எந்த சலனமும் இல்லாமல் ராகுல் காந்தி தலையில் கைவைத்துக் கொண்டு தூங்கிக் கொண்டிருந்ததாகத் தெரிகிறது. தொலைக்காட்சிகளில் வெளியான இதுகுறித்த காட்சிகள், காங்கிரஸ் கட்சியினருக்கு தர்மசங்கடத்தை ஏற்படுத்தியுள்ளது.

இதுதொடர்பாக அக்கட்சியின் மூத்த தலைவர் ரேணுகா சௌத்ரி கூறுகையில், "ராகுல் காந்தி, தனது கண்களை மூடிக் கொண்டிருந்தாரே தவிர, அவர் தூங்கவில்லை' என்றார்.
-
தினமணி

**M.Jagadeesan** · **M.Jagadeesan** Fri Jul 22, 2016 8:34 am

எல்லோரும் மனிதர்கள்தான் ! தூக்கம் வருவது இயற்கைதான் . தேவே கௌடா பிரதமராக இருந்தபோது , அவரே பார்லிமென்டில் தூங்கி வழிந்தார் .

ராகுல் காந்தி, தூக்கத்தைத் தவிர்க்க முடியாத பட்சத்தில் , வெளியே சென்றிருக்கலாம் ! ஒரு காபியோ அல்லது டீயோ குடித்துவிட்டு வந்திருக்கலாம் .