நல்லது செய்யாவிட்டாலும் ....

ஒரு ஊரில் கருத்து கந்தசாமி என்ற பெயர் கொண்டவன் ஒருவன் இருந்தான் . அவன் பெரிய மேதாவி . எல்லா விஷயங்களும் தனக்குத் தெரிந்ததுபோலக் காட்டிக் கொள்வான் . இருவர் பேசிக்கொண்டு இருந்தால் இடையிலே மூக்கை நுழைத்துத் தன் கருத்தைச் சொல்வான் . எனவே எல்லோரும் அவனைக் கருத்து கந்தசாமி என்று அழைத்தனர் .

ஒரு சமயம் ஒரு வேலை நிமித்தமாகக் கருத்துக் கந்தசாமி வெளியூருக்குப் போயிருந்தான் . அப்போது முதியவர் ஒருவர்  அங்குவந்து ,

" தம்பி ! அண்ணாசாமி தெரு எங்குள்ளது ? " என்று கேட்டான் .

கருத்துக் கந்தசாமிக்கு அந்த ஊரைப்பற்றி எதுவும் தெரியாது ; அவன் கேட்ட அண்ணாசாமித் தெரு எங்குள்ளது என்பதும் கருத்துக் கந்தசாமிக்குத் தெரியாது .ஆனாலும் தெரியாது என்று சொல்ல கருத்து கந்தசாமியின் மனம் இடம் கொடுக்கவில்லை .

எனவே அவன்முதியவரை  நோக்கி , "ஐயா ! இப்படியே ஒரு  கிலோமீட்டர் தூரம் நடந்து சென்றால் ஒரு பிள்ளையார் கோயில் வரும் ; அதற்கு எதிர்ப்புறமாக உள்ளதுதான் அண்ணாசாமித் தெரு " என்று சொன்னான்

இதையெல்லாம் பக்கத்திலிருந்த பெட்டிக் கடைக்காரன் ஒருவன் பார்த்துக்கொண்டிருந்தான் .

அவன் முதியவரை நோக்கி ," ஐயா ! பெரியவரே ! நீங்கள் நின்றுகொண்டிருப்பதுதான் அண்ணாசாமித் தெரு ! அந்தத் தம்பி தப்பாகச் சொல்லுகிறார் ! ஒரு கிலோ மீட்டர் போகவேண்டிய அவசியம் இல்லை ! " என்று சொன்னான் .

இதைக்கேட்ட முதியவர் அதிர்ச்ச்சியடைந்தார் . அவர் கருத்து கந்தசாமியை நோக்கி ," ஏன் தம்பி ! இப்படிச் செய்யலாமா ?விலாசம்  உனக்குத் தெரியவில்லை என்றால் , தெரியாது என்று சொல்லவேண்டியதுதானே ;
வீணாக என்னை அலைக்கழிக்கப் பார்த்தாயே ! இந்தத் தள்ளாத வயதில் என்னை நடக்க விடலாமா ?
நம்மால் ஒருவருக்கு நல்லது செய்யமுடியவில்லை என்றாலும் தப்பில்லை ; ஆனால் தீமை செய்யக்கூடாது ,
தெரிந்துகொள் ! " என்று சொன்னார் .

கருத்து கந்தசாமி வெட்கத்தால் தலைகுனிந்தான் .


பல்சான் றீரே ! பல்சான் றீரே!
கயன்முள் ளன்ன நரைமுதிர் திரைகவுட்
பயனின் மூப்பிற் பல்சான் றீரே
கணிச்சிக் கூர்ம்படைக் கடுந்திற லொருவன்
பிணிக்குங் காலை யிரங்குவிர் மாதோ
நல்லது செய்த லாற்றீ ராயினும்
அல்லது செய்த லோம்புமி னதுதான்
எல்லாரு முவப்ப தன்றியும்
நல்லாற்றுப் படூஉ நெறியுமா ரதுவே.

 நற்றிணை  -நரிவெரூஉத்தலை யார் பாடியது.

சுருக்கமான உரை :
=================
நம்மால் மற்றவர்களுக்கு நல்லது செய்யமுடியாவிட்டாலும் , தீமை செய்யக்கூடாது . இதுதான் எல்லோருக்கும் மகிழ்ச்சி தருவது மட்டுமன்றி , எல்லோரும் விரும்பக்கூடிய நெறியுமாகும்.

நம்மால் மற்றவர்களுக்கு நல்லது செய்யமுடியாவிட்டாலும் , தீமை செய்யக்கூடாது . இதுதான் எல்லோருக்கும் மகிழ்ச்சி தருவது மட்டுமன்றி , எல்லோரும் விரும்பக்கூடிய நெறியுமாகும்.

இதை யாவரும் பின்பற்றினால் , எல்லாம் இன்ப மயம்.

ரமணியன்

நல்லது செய்யமுடியா விட்டாலும் ஒருபோதும் தீமைசெய்ய நினையாமலிருப்பதே நல்லது அதுவே தர்மம்.