மலர்கள்

by Gaiyathri Wed Jul 20, 2016 12:23 am

First topic message reminder :

அழகிய மலர்கள் பற்பல
கதிரவனின் பார்வையில் கண்மலரும் சில
அந்தியில் இதழ்விரிக்கும் மலர்கள் சில
மெல்லிய கொடியில் படர்ந்தவை சில
முட்கள் நிறைந்த செடியில் பல
புதரில் பூக்கும் மலர்களும் பல
நீர் தடாகத்தில் சில

மணம் கமழும் மலர்கள்
ஆலய வழிபாட்டிற்கு சில
அழகிய கூந்தலுக்கு சில
அலங்கரிக்கும் மாலைக்கு சில
அழகூட்ட இல்லத்திற்கு சில
அன்பின் பரிமாற்றமாய் சில

பறிக்கப்படாத மலர்களும் சில
கனியாய் கனிந்திடும் சில
பறவைகளுக்கு தேன்குடமாய் சில
வண்டுக்கு உணவாய் (மகரந்தம்) சில
உதிர்ந்து விழுந்திடும் சாலையில் சில
சேராத இடம் சேர்ந்திடும் சில
மனிதர்களின் மனங்களை போல ....

மலராய் பிறந்திருந்தால்
விரைவில் வாடினாலும்
சில நாட்கள்
வாழ்க்கையாயினும்
மனதை நீங்காத
மணமாய் நிறைந்திருப்பேன் !