மாடுகளைக் காப்பாற்ற சிறந்த டெக்னிக்

**ayyasamy ram** · **ayyasamy ram** Mon Jul 18, 2016 3:55 pm

வண்ணத்துப்பூச்சி மீன், விட்டில் பூச்சிகள் போன்றவற்றின்
பின்பக்கம் கண்கள் போன்ற வட்டங்கள் இருக்கின்றன.
இவற்றைத் தாக்க வரும் எதிரிகள், கண்கள் என்று
நினைத்துப் பின்வாங்கிவிடுகின்றன. இயற்கை அளித்த
தகவமைப்பு இது.
–
இந்த உத்தியைப் பின்பற்றி, வருகிறார் டாக்டர் நீல் ஜோர்டன்.
மனிதர்களின் செயல்களால் ஆப்பிரிக்காவில் சிங்கங்களின்
எண்ணிக்கை வெகுவாகக் குறைந்து வருகிறது. காடுகளின்
இருப்பிடம் குறைவதால், சிங்கங்கள் உணவு தேடி மனிதர்களின்
வசிப்பிடங்களுக்குள் நுழைந்து, மாடுகளை வேட்டையாடி
விடுகின்றன.
–
“சிங்கங்களுக்கும் தீங்கு வராமல், மாடுகளையும் காப்பாற்ற
வேண்டும். மாடுகளின் பின்புறம் கண்களை வரைவது என்ற
எளிமையான உத்தியைச் செயல்படுத்தினேன். 62 மாடுகளை
மேய்ச்சலுக்கு அனுப்பிவிட்டு, இரவில் சரிபார்க்க ஆரம்பித்தோம்.
–
10 வாரங்களுக்குப் பிறகு 3 மாடுகள் மட்டுமே சிங்கங்களால்
வேட்டையாடப்பட்டிருந்தன. அதாவது கண்கள் வரையப்படாத
மாடுகள் மட்டுமே பலியாகியிருந்தன.
–
இதே பரிசோதனையை ஆஸ்திரேலியாவிலும் செய்து பார்த்தபோது,
இந்த உத்தி நன்றாக வேலை செய்வது உறுதியானது’’ என்கிறார்
நீல் ஜோர்டன்.
–
—————————
தமிழ் தி இந்து காம்