47% இந்தியர்கள் ஓய்வு காலத்துக்கு சேமிப்பதில்லை: ஹெச்எஸ்பிசி ஆய்வில் தகவல்

by **ayyasamy ram** Mon Jul 18, 2016 10:13 pm

இந்தியாவில் பணிபுரிபவர்களில் 47 சதவீதத்தினர்
ஓய்வு காலத்துக்காக சேமிக்கவில்லை என ஹெச்எஸ்பிசி
ஆய்வில் தெரிய வந்திருக்கிறது. இதில் ஓய்வு காலத்துக்காக
சேமிப்பை தொடங்காதவர்களும் உள்ளனர்.
சேமிப்பை தொடங்கி அதனை தொடரமுடியாதவர்களும்
உள்ளனர்.
-
ஓய்வுகாலத்துக்காக சேமிக்காதவர்களின் சர்வதேச சராசரி
46 சதவீதம். ஆனால் இந்தியாவில் 47 சதவீதத்தினர்
சேமிக்கவில்லை.
-
17 நாடுகளில் 18,207 நபர்களிடம் இணையதளம் மூலம் இந்த
சர்வே எடுக்கப்பட்டுள்ளது. அர்ஜென் டினா, ஆஸ்திரேலியா,
பிரேசில், கனடா, சீனா, எகிப்து, பிரான்ஸ், ஹாங்காங், இந்தியா,
மலேசியா, சிங்கப்பூர், ஐக்கிய அரபு அமீரகம், இங்கிலாந்து
மற்றும் அமெரிக்கா ஆகிய நாடுகளில் இந்த சர்வே எடுக்கப்
பட்டுள்ளது.
-
இந்தியாவில் 44 சதவீதத்தினர் ஓய்வு காலத்துக்காக சேமிக்க
தொடங்கி இருக்கின்றனர். ஆனால் அவர்களால் தொடர
முடியவில்லை என்று தெரிவித்திருக்கின்றனர்.
10-ல் ஒருவருக்கு ஓய்வு காலம் குறித்த முறையான
ஆலோசனையே கிடைப்பதில்லை என்று தெரிவித்தனர்.

பொதுவாக குடும்பத்தினர் மற்றும் நண்பர்களே
ஆலோசகர்களாக இருக்கின்றனர் என்பதும் ஆய்வில் தெரிய
வந்துள்ளது.
-
---------------------------------------
தி இந்து

by **விமந்தனி** Mon Jul 18, 2016 10:52 pm

பி எப் -ல யே எதுவும் இருக்கறதில்ல.... வருஷா வருஷம் பார்ட் final போட்டால்... எங்கிருந்து ஓய்வு காலத்திற்கு சேரும்...?

by **krishnaamma** Mon Jul 18, 2016 11:02 pm

ஆமாம் , விற்கும் விலைவாசி இல் குழந்தைகளை படிக்க வைக்கவே சேமிப்பு போதவில்லை, இதில் ஆஸ்பத்திரி செலவுகள் வேறு, அப்புறம் எதை ஓய்வு காலத்திற்கு சேர்ப்பது? சோகம்

by **விமந்தனி** Mon Jul 18, 2016 11:06 pm

krishnaamma wrote:ஆமாம் , விற்கும் விலைவாசி இல் குழந்தைகளை படிக்க வைக்கவே சேமிப்பு போதவில்லை, இதில் ஆஸ்பத்திரி செலவுகள் வேறு, அப்புறம் எதை ஓய்வு காலத்திற்கு சேர்ப்பது?

சரியா சொன்னீங்க... சூப்பருங்க

by யினியவன் Mon Jul 18, 2016 11:07 pm

ஓய்வு காலத்தில பிசியா இருக்க தான் பிபி சுகர் காடராக்ட்டுன்னு சேர்த்து வைக்கிறோமே

by **krishnaamma** Mon Jul 18, 2016 11:12 pm

யினியவன் wrote:ஓய்வு காலத்தில பிசியா இருக்க தான் பிபி சுகர் காடராக்ட்டுன்னு சேர்த்து வைக்கிறோமே

மேற்கோள் செய்த பதிவு: 1216531

நிஜம் இனியவன், குழந்தைகளுக்காக பாடுபட்டு பட்டு, ' ஏர்பிடித்தவன் கணக்கு பார்த்தால் உழக்கு தான் மிஞ்சும்' என்பது போல நமக்கு, வயதானவர்களுக்கு வியாதிகள் தான் மிஞ்சும் போல இருக்கு சோகம்

by **ராஜா** Tue Jul 19, 2016 11:42 am

சர்வதேச வங்கிகள் மக்களை முட்டாளாக்கி பயமுறுத்தி தங்களின் சேமிப்பு திட்டங்களில் சேரவைக்கும் முயற்சி இது.

ஓய்வு கால சேமிப்பு என்றால் இவனுங்க வங்கிகளில் நீண்டகாலத்திற்கு பணத்தை deposit செய்து இவர்கள் கொடுக்கும் வட்டியில் வாழுவது என்று நினைத்துக்கொள்கிறார்கள் போல.

by சரவணன் Tue Jul 19, 2016 2:12 pm

ராஜா wrote:சர்வதேச வங்கிகள் மக்களை முட்டாளாக்கி பயமுறுத்தி தங்களின் சேமிப்பு திட்டங்களில் சேரவைக்கும் முயற்சி இது.

ஓய்வு கால சேமிப்பு என்றால் இவனுங்க வங்கிகளில் நீண்டகாலத்திற்கு பணத்தை deposit செய்து இவர்கள் கொடுக்கும் வட்டியில் வாழுவது என்று நினைத்துக்கொள்கிறார்கள் போல.

உங்களுக்கு புரியுது. இந்த மக்களுக்கு புரியலையே!