எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

**ayyasamy ram** · **ayyasamy ram** Tue Jul 19, 2016 4:24 am

தற்போது, எம்.பி.க்களுக்கு மாதந்தோறும் 50 ஆயிரம் ரூபாய் சம்பளமாக வழங்கப்பட்டு வருகிறது.

பிற படிகளாக, 45 ஆயிரம் முதல் 90 ஆயிரம் ரூபாய் வரை கிடைக்கிறது. இந்த சம்பளம் போதாதென்றும், சம்பளத்தை அதிகப்படுத்த வேண்டும் என்றும், அனைத்துக் கட்சிகளை சேர்ந்த எம்.பி.,க்கள் வலியுறுத்தி வந்தனர்.

இது தொடர்பாக ஆய்வு செய்து அறிக்கை சமர்ப்பிக்க, எம்.பி.-க்களின் குழு அமைக்கப்பட்டது. இக்குழு, எம்.பி.-க்களின் சம்பளம் மற்றும் பிற படிகளை, 100 சதவீதம் உயர்த்த பரிந்துரைத்தது. இந்த பரிந்துரைக்கு மத்திய அமைச்சரவை குழு ஒப்புதல் அளித்துள்ளது.

எம்.பி.-க்களுக்கான சம்பள உயர்வுக்கு பிரதமர் விரைவில் ஒப்புதல் அளிப்பார் என்று எதிர்ப்பார்க்கப்படுகிறது. பிரதமர் ஒப்புதல் அளிக்கும்பட்சத்தில் நடப்பு பாராளுமன்றத்தின் மழைக்கால கூட்டத்தொடரிலேயே இதற்கான சட்டம் நிறைவேற்றப்படும்.

இந்த பரிந்துரை அமல்படுத்தப்பட்டால், எம்.பி.-க்களுக்கான சம்பளம், ஒரு லட்சம் ரூபாயாக அதிகரிக்கும், தவிர பிற படிகளும் அதிகரிக்கும். ஒட்டு மொத்தமாக, எம்.பி.-க்களுக்கு, மாதந்தோறும், 2.8 லட்சம் ரூபாய் கிடைக்கும். முன்னாள் எம்.பி.-க்களுக்கான மாத ஓய்வூதியம், 20 ஆயிரம் ரூபாயிலிருந்து, 35 ஆயிரம் ரூபாயாக அதிகரிக்கும்
-
தினமணி

பாலாஜி · பாலாஜி Tue Jul 19, 2016 1:24 pm

பாவம் ஏழைகள் பிழைத்து போகட்டும்

சரவணன் · சரவணன் Tue Jul 19, 2016 1:50 pm

அப்பாடா! கடுமையான உழைப்பிற்கு ஏற்ற ஊதியம் இப்போது தான் கிடைகிறது.....

**M.Jagadeesan** · **M.Jagadeesan** Tue Jul 19, 2016 7:33 pm

செயல்படாத நம்ம ஊர் பொம்மைகளுக்கு ரூ 50000 சம்பளமே அதிகம்தான் !

சிவனாசான் · சிவனாசான் Tue Jul 19, 2016 8:28 pm

இவர்கள் சேவை செய்ய வரவில்லை, சேவை மனம் இன்றி சேர்க்கும் மனதிலேயே உள்ளனர் போலும் கடன்கார நாடு யார் கடனை அடைக்கப்போகின்றனரோ>>>>>இப்படி பணத்திற்காக அலைபவர்கள் ஒருபோதும் நாட்டிற்காக உழைக்கப்போவதில்லை.......

Sponsored content · Sponsored content

எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

Re: எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

Re: எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

Re: எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

Re: எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

Re: எம்.பிக்களுக்கு சம்பள உயர்வு: மத்திய அமைச்சரவை குழு ஒப்புதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக