76 வயதிலும் களரியில் அசத்தும் மீனாட்சி குருக்கள்

by **ayyasamy ram** Sun Jul 17, 2016 10:21 am

-
திருவனந்தபுரம்:
76 வயது பெண் அவரின் சரிபாதி வயதுடைய ஆணுடன்
ஆக்ரோசமாக வாள் சண்டையில் ஈடுபடும் காட்சி சமூக
வலைதளங்களில் வைரலாகி வருகிறது.

கேரளாவின் பாரம்பரிய வீர விளையாட்டுகளில் களரி பயிற்சிக்கு
முக்கிய இடம் உண்டு. கேரளாவில் பல பகுதிகளில் களரி பயிற்சி
பாரம்பரிய முறைப்படி கற்றுக் கொடுக்கப்படுகிறது.

மீனாட்சி குருக்கள் கேரளாவின் மிகவும் வயதான பெண் களரி குரு
எனும் பெருமை உடையவர்.

இவர் கோழிகோடு அருகே உள்ள வடகரா பகுதியை சேர்ந்தவர்.
இவர் 65 ஆண்டுகளுக்கும் மேலாக களரி பயிற்சியில் ஈடுபட்டு வருகிறார்.

76 வயதான மீனாட்சி குருக்கள் கடதநாதன் களரி சங்கம் என்னும்
பெயரில் களரி பயிற்சி பள்ளியை நடத்தி வருகிறார். இவரின் களரி
பள்ளியில் 150க்கும் அதிகமான மாணவர்கள் களரி பயில்கின்றனர்.

இவரிடம் களரி பயில்பவர்களில் 3 ஒரு பங்கினர் பெண்கள்.
குறிப்பாக, 6 முதல் 20 வயதிலான பெண்கள் களரி பயில்கின்றனர்.

ஆண்டுந்தோறும் ஜூன் மாதம் துவங்கி செப்டம்பர் வரை சிறப்பு களரி
பயிற்சி முகாம்களை இவர் நடத்தி வருகிறார். தினமும் 3 வகுப்பு நடக்கும்.
சண்டை பயிற்சியுடன் வலி நீக்கும் வர்ம பயிற்சிகளும் சொல்லி
கொடுக்கப்படுகிறது.

மீனாட்சி குருக்கள் தன்னிடம் களரி பயில வருபவர்களிடம் கட்டணம்
என்று எதும் பெறுவது கிடையாது. பயிற்சி நிறைவு செய்த மாணவர்கள்
குரு தட்சணையாக கொடுப்பதை வாங்கி கொள்வார்.

களரி பயிற்சி தொடர்பாக மீனாட்சி கூறுகையில் ” களரிக்கு வயது என்பது
பொருட்டல்ல. எவ்வளவு குறைவான வயதில் கற்றுக்கொள்கிறீர்களோ
அதை ஒத்த சிறப்பான வல்லமை உங்களுக்கு கிடைக்கும். களரி பயிற்சிக்கு
பாலினம், சமூகம் எதும் தடை அல்ல. 6 வயதாக இருக்கும் போது என் தந்தை
எனக்கும் என் சகோதரிக்கும் களரி கற்று கொடுக்க துவங்கினார்.

கேரளாவின் பாரம்பரிய கலையான களரியை அனைவருக்கும் கொண்டு
செல்ல வேண்டும் என்பதே எனது நோக்கம். என்னால் இயன்ற வரை அதை
நோக்கி பயணிக்கிறேன். என் உடல் பலம் இருக்கும் வரை பயிற்சியை
தொடர்வேன்” என்றார்.
–
—————————
தினமலர்

by **krishnaamma** Mon Jul 18, 2016 12:17 am

76 வயதிலும் களரியில் அசத்தும் மீனாட்சி குருக்கள்

76 வயதிலும் களரியில் அசத்தும் மீனாட்சி குருக்கள்

Re: 76 வயதிலும் களரியில் அசத்தும் மீனாட்சி குருக்கள்