பிரான்ஸ்: கூட்டத்தில் டிரக்கை மோதச் செய்து தாக்குதல்; 80 பேர் பலி

**ayyasamy ram** · **ayyasamy ram** Fri Jul 15, 2016 7:43 am

நைஸ் :
பிரான்சில் நைஸ் நகரில் பயங்கரவாதி ஒருவன் மக்கள்
குழுமியிருந்த கூட்டத்தில் கண்டய்னர் லாரியை ஏற்றியதில்,
80 பேர் பலியாயினர்; 100க்கும் மேற்பட்டோர் படுகாயமடைந்தனர்.

பிரான்ஸ் நாட்டின் தேசிய விடுமுறை நாளான பாஸ்டில் தின
கொண்டாட்டத்தையொட்டி, நைஸ் நகரில் நடந்த வாண
வேடிக்கையை காண மக்கள் பலர் குழுமியிருந்தனர்.

இந்நிலையில் திடீரென வந்த கண்டெய்னர் லாரி ஒன்று,
மக்கள் குழுமியிருந்த கூட்டத்தை நோக்கி பாய்ந்தது.
இத்தாக்குதலில் 80 பேர் பலியாயினர். 100க்கும் மேற்பட்டோர்
படுகாயமடைந்தனர். மீட்புப் பணிகள் நடைபெற்று வருகின்றன.

பலி எண்ணிக்கை மேலும் அதிகரிக்கும் என அஞ்சப்படுகிறது.
-
தினமலர்

**ayyasamy ram** · **ayyasamy ram** Fri Jul 15, 2016 7:44 am

பாலாஜி · பாலாஜி Fri Jul 15, 2016 12:21 pm

என்ன நடக்குது என்றே தெரியவில்லை .

ஆழ்ந்த இரங்கல்கள் .

யினியவன் · யினியவன் Fri Jul 15, 2016 12:24 pm

வண்டி முழுவதும் வெடிகுண்டுகள் மற்றும் பல ஆயுதங்களும் இருந்ததாக செய்தி

**ராஜா** · **ராஜா** Fri Jul 15, 2016 5:13 pm

ஆயுதம் இல்லாமல் நிராயுதபாணியாக வாணவேடிக்கையை பார்த்துக்கொண்டிருந்த அப்பாவி மக்கள் மேல் கொஞ்சம் கூட ஈவு இரக்கம் இல்லாமல் கண்டைனர் லாரியை விட்டு ஏற்றவேண்டுமென்றால் எந்த அளவிற்கு மூளை சலவை ஆகியிருப்பான் அந்த மிருகம். ச்சே இதற்கு மேல் சொல்ல நா கூசுகிறது.

**ayyasamy ram** · **ayyasamy ram** Fri Jul 15, 2016 5:28 pm

பிரான்ஸ் நாட்டின் நீஸ் நகரில் லாரியால் மோதி நிகழ்த்தப்பட்ட
தாக்குதலில் பலியானோர் எண்ணிக்கை 84 ஆக அதிகரித்துள்ளது
-
உயிரிழந்தவர்களின் அஞ்சலி செலுத்துவதற்காக
பிரான்ஸ் நாட்டில் 3 நாள் துக்கம் அனுசரிக்க அந்நாட்டு
அரசு முடிவு செய்துள்ளது.
-
நைஸ் நகரம் தற்போது பாதுகாப்பு வளையத்திற்குள் கொண்டு
வரப்பட்டுள்ளது. அனைத்து இடங்களிலும் பாதுகாப்பு பலத்தப்ப
ட்டுள்ளது.
-
இந்த கொடூரத் தாக்குதலில் ஈடுபட்ட மர்ம நபரை போலீஸார்
சுட்டுக் கொன்றனர். அந்த நபர் யார் என்ற அடையாளம்
தெரியவந்துள்ள நிலையில், அதுகுறித்த விவரத்தை
பிரான்ஸ் போலீஸ் இன்னும் வெளியிடவில்லை.
-
இதனிடையே, பிரான்ஸ் தாக்குதலில் இந்தியர்கள் யாரும்
பாதிக்கப்படவில்லை என வெளியுறவு அமைச்சகம்
தெரிவித்துள்ளது.