அடடே… ஆங்கிலம் இவ்வளவு ஈஸியா..!

by **ayyasamy ram** Fri Jul 15, 2016 6:00 am

-
ரவி கம்ப்யூட்டரைக் கூர்ந்து பார்த்துக் கொண்டிருந்தான். அந்தப் பக்கமாக வந்த ரகு, ரவியைப் பார்த்து புன்னகைத்தார். “சார்… உங்களுக்காகத்தான் காத்துக் கிட்டிருந்தேன். குண்டு ‘டி’, குச்சி ‘டி’ சந்தேகத்தை இன்னைக்கு நீங்க தீர்த்தே ஆகணும்…” என்றபடி இருக்கையை விட்டு எழுந்தான் ரவி.

அவன் தோளில் கைபோட்டபடி வெளியே நடந்த ரகு, வரவேற்றையில் அமர்ந்தார்.“ரவி… ஆங்கிலத்தைப் பொறுத்தவரை, எழுத்தோட ஒலி அடையாளத்துக்கு குச்சி; குண்டு; பெரியது; சின்னது-ன்னெல்லாம் சொல்லக்கூடாது.

உதாரணத்துக்கு, ஒரு பெண்ணோட பேரு, ‘D.T.Subha’-னு வச்சுக்கோங்க… ‘D for DELHI, T for TATA, S for SUN, U for UNCLE, B for BOMBAY, H for HITLER, A for APPLE…’- இந்த மாதிரி பிரபலமான வார்த்தைகளை உபயோகப்படுத்தணும். அப்பப்ப கரண்ட்ல இருக்கிற ட்ரெண்டான வார்த்தைகளைச் சொன்னாத்தான் கேட்பவர்கள் எந்த மொழிக்காரர்களா இருந்தாலும் எளிமையாப் புரியும்…”

“அப்படின்னா RAVI என்ற என்னோட பேருக்கு R for Running, A for Apple, V for Virus, I for Iphone-ன்னு சொல்லலாம்தானே சார்…?” என்று கேட்டு சிரித்தான் ரவி. “தாராளமா சொல்லலாம். சரி…” என்று சிரித்த ரகு, “ரவி இன்னொரு முக்கியமான விஷயத்தையும் இன்னைக்கு நீங்க தெரிஞ்சுக்கணும்..” என்று பீடிகை போட்டார். குழப்பமாகப் பார்த்த ரவியிடம், “உங்க அப்பா பேர் என்ன?” என்றார் ரகு. “சுப்ரமணி சார்…” என்ற ரவியிடம், “ஆங்கிலத்துல Spelling சொல்லுங்க” என்றார் ரகு.

“சார்.. அதுகூடவா சார் தெரியாம இருப்பேன். ‘Su br am ani’ ” என்றான் ரவி. சிரித்த ரகு, “ரவி. ஆங்கிலத்தைப் பொறுத்தவரை ஸ்பெல்லிங்கை சொல்றதுக்கே ஒரு முறை இருக்கு. உங்க இஷ்டத்துக்கு பிரிச்சு சொல்லக்கூடாது. ‘Su bra ma ni’ -இப்படி ‘சிலபல்’ (syllable) பிரிச்சுதான் சொல்லணும்..” என்ற ரகுவிடம், “சார்… ஸ்பெல்லிங்கை அப்படிச் சொல்றதுல என்ன சார் தப்பு..” என்று கேட்டான் ரவி.

”நல்ல கேள்வி ரவி. இன்னைக்கு 90 சதவிகிதம் ஸ்பெல்லிங் மிஸ்டேக் வர்றதுக்கு காரணம் இதுதான். ஆங்கிலத்தில ‘syllable’ என்றும் தமிழ்ல ‘அசை’ (ஒலி) என்றும் சொல்லுவோம். குழந்தைகள் வார்த்தைகளை மனப்பாடம் செய்யும்போது ஓரசை, ஈரசை பயன்படுத்தி பிரிச்சு சொல்லித்தரணும்.

அதாவது ‘MISTAKE’-ங்கிற வார்த்தையோட spelling மனப்பாடம் செய்யணும்னா MIS TAKE-ன்னு ரெண்டாப் பிரிச்சு மனப்பாடம் செய்யணுமே தவிர MI ST AKE என்று மூன்றாகப் பிரிச்சுப் படிக்கக் கூடாது. அப்படிப் படிச்சா மனசுல பதியாது. சரியாக syllable wise பிரிச்சுப் படிச்சா, ‘anybody can escape from the spelling errors’ ” என்றபடியே எழுந்து தனது அறை நோக்கி நடக்கத் தொடங்கினார் ரகு.

ப.சுந்தர்ராஜ்
குங்குமச் சிமிழ்

by **T.N.Balasubramanian** Fri Jul 15, 2016 11:17 am

சிலபிள் பிரித்து மனதில் பதிய வைத்தல் சிறந்த முறை
6 ம் க்ளாசில் சிலபிள் பிரிக்கும் முறை கற்று தந்தார்கள் எங்கள் ஆங்கில வாத்யார் .
அவர் calcutta வை ஸ்பெல் பண்ண சொல்ல , ஒவ்வொருவரும் ஒரு ஸ்பெல்லிங் ஐ சொல்ல ,
சிலபிள் பிரிக்கும் டெக்னீக்கை சொல்லி கொடுத்தார் .

ரமணியன்

by **ராஜா** Fri Jul 15, 2016 11:37 am

T.N.Balasubramanian wrote:சிலபிள் பிரித்து மனதில் பதிய வைத்தல் சிறந்த முறை
6 ம் க்ளாசில் சிலபிள் பிரிக்கும் முறை கற்று தந்தார்கள் எங்கள் ஆங்கில வாத்யார் .
அவர் calcutta வை ஸ்பெல் பண்ண சொல்ல , ஒவ்வொருவரும் ஒரு ஸ்பெல்லிங் ஐ சொல்ல ,
சிலபிள் பிரிக்கும் டெக்னீக்கை சொல்லி கொடுத்தார் .

ரமணியன்

அடடே… ஆங்கிலம் இவ்வளவு ஈஸியா..! 3838410834

அதையும் தான் இப்ப கொல்கத்தா என்று மாத்திபுட்டாங்களே ஐயா

by **விமந்தனி** Fri Jul 15, 2016 11:58 am

by **T.N.Balasubramanian** Fri Jul 15, 2016 1:50 pm

raja wrote:அதையும் தான் இப்ப கொல்கத்தா என்று மாத்திபுட்டாங்களே ஐயா

கொல்கத்தா வுக்கு ஆங்கிலத்தில் ஸ்பெல் பண்ணவேண்டியதுதான்

ரமணியன்

by **ஜாஹீதாபானு** Fri Jul 15, 2016 4:43 pm

by **ராஜா** Fri Jul 15, 2016 5:11 pm

T.N.Balasubramanian wrote:சிலபிள் பிரித்து மனதில் பதிய வைத்தல் சிறந்த முறை
6 ம் க்ளாசில் சிலபிள் பிரிக்கும் முறை கற்று தந்தார்கள் எங்கள் ஆங்கில வாத்யார் .
அவர் calcutta வை ஸ்பெல் பண்ண சொல்ல , ஒவ்வொருவரும் ஒரு ஸ்பெல்லிங் ஐ சொல்ல ,
சிலபிள் பிரிக்கும் டெக்னீக்கை சொல்லி கொடுத்தார் .

ரமணியன்

நம்ம ஊரில் தான் ஐயா , A , B , C , D என்று குழந்தைகளை மனப்பாடம் செய்யசொல்லிவிட்டு பிறகு வார்த்தைகள் கற்றுக்கொள்ளும்போது அவர்களுக்கு கடினமாக ஆகிவிடுகிறார்கள். இதனால் தான் சில வார்த்தைகளை பெரியவர்களே எப்படி உச்சரிப்பது என்று தெரியாமல் அவர்களுக்கு தெரிந்தமாதிரி பேசுகிறார்கள்.

இங்கு ஆங்கிலத்தை தாய்மொழியாக கொண்டுள்ள சில நண்பர்கள் குழந்தைகளிடம் அவர்கள் ABCD சொல்லிக்கொடுப்பது அவற்றின் ஒலி உச்சரிப்பை வைத்து தான், ஆச்சரியமாக உள்ளது. இதனால் அந்த குழந்தைகள் எத்தனை பெரிய வார்த்தையாக இருந்தாலும் சரியாக சொல்லிவிடுகிறார்கள்.