குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

**ayyasamy ram** · **ayyasamy ram** Fri Jul 08, 2016 7:33 am

மும்பை,

மும்பையில் குடிபோதையில் காரை ஓட்டி போலீசாரை கலங்கடித்த
இளம்பெண்ணால் பரபரப்பு ஏற்பட்டது.

வாகன சோதனை

மும்பை ஐகோர்ட்டு அருகே சம்பவத்தன்று அதிகாலை 1.30 மணி அளவில் ஆசாத் மைதான் போலீசார் வாகன சோதனையில் ஈடுபட்டிருந்தனர். அப்போது அந்த வழியாக இளம்பெண் ஒருவர் காரில் வேகமாக வருவதை கவனித்த போலீசார் அந்த காரை வழிமறித்தனர். ஆனால் கார் அங்கு நிற்காமல் வேகமாக சென்றது. உடனே போலீசார் காரை விரட்டி சென்றனர். மெட்ரோ சிக்னல் அருகே அந்த காரை போலீசார் மடக்கினர்.

அப்போது போலீசாரை அந்த இளம்பெண் தள்ளிவிட்டு விட்டு மீண்டும் காரை எடுத்து கொண்டு வேகமாக ஓட்டிச்சென்றார். இதனால் போலீசார் மீண்டும் அந்த பெண்ணின் காரை தங்களது வாகனத்தில் விரட்டி சென்றனர்.

தடுப்பு சுவரில் மோதியது

கார் ஒபேரா ஹவுஸ் பகுதியில் வந்தபோது திடீரென பஞ்சராகி சாலை தடுப்புப்சுவரில் மோதி விபத்துக்குள்ளானது. இருப்பினும் இளம்பெண்ணுக்கு காயம் ஏதும் ஏற்படவில்லை. இதனால் காரை விட்டு விட்டு அங்கிருந்து அந்த பெண் ஓட்டம் பிடித்தார். அப்போது பின்னால் விரட்டி வந்த போலீசார் அந்த பெண்ணை மடக்கி பிடித்தனர்.

மருத்துவ பரிசோதனையில் அவர் அளவுக்கு அதிகமாக மது குடித்து இருந்தது தெரியவந்தது. இதையடுத்து அவர் மீது குடிபோதையில் வாகனம் ஓட்டுதல், அரசு ஊழியரை தாக்குதல் உள்ளிட்ட பிரிவுகளின் கீழ் வழக்குப்பதிவு செய்தனர். பின்னர் இளம்பெண்ணின் தாயை போலீஸ் நிலையத்திற்கு வரவழைத்து அவருடன் அனுப்பி வைத்தனர்.

குடிபோதையில் காரை ஓட்டி போலீசாரை இளம்பெண் கலங்கடித்த சம்பவம் பரபரப்பை ஏற்படுத்தி உள்ளது.
-
தினத்தந்தி

பாலாஜி · பாலாஜி Fri Jul 08, 2016 5:32 pm

இன்னொரு ஆடி கார் ஐஸ்வர்யா வா ....... அதிர்ச்சி

**T.N.Balasubramanian** · **T.N.Balasubramanian** Fri Jul 08, 2016 5:33 pm

நல்ல போலீஸ்காரர்கள் . இளம் பெண்ணை விடவேண்டிய அவசியம் என்ன ?

ரமணியன்

பாலாஜி · பாலாஜி Fri Jul 08, 2016 5:38 pm

T.N.Balasubramanian wrote:நல்ல போலீஸ்காரர்கள் . இளம் பெண்ணை விடவேண்டிய அவசியம் என்ன ?

ரமணியன்

மேற்கோள் செய்த பதிவு: 1214668

அடுத்த முறை ஏதாவது பெரிதாக செய்ய வேண்டும் என்று கண்டித்து அனுப்பி வைத்து இருப்பார்கள் என்று நினைக்கின்றேன் .

யினியவன் · யினியவன் Fri Jul 08, 2016 5:45 pm

பாலாஜி wrote:அடுத்த முறை ஏதாவது பெரிதாக செய்ய வேண்டும் என்று கண்டித்து அனுப்பி வைத்து இருப்பார்கள் என்று நினைக்கின்றேன் .

ஹா ஹா ஹா - நாட்டாமை அங்க இருந்தா என்ன செய்திருப்பாரோ அதைத் தான் போலீசும் செஞ்சிருக்கு புன்னகை

சரவணன் · சரவணன் Fri Jul 08, 2016 7:11 pm

இது மாதிரி சென்னை போலிசும் கொஞ்சம் கடமையை செய்தால் உயிர்பலிகள் குறையும்.

சிவனாசான் · சிவனாசான் Fri Jul 08, 2016 9:46 pm

திருந்தாத இந்த ஜென்மங்கள் >>>>>>>>>>>>>>>சட்டத்தை மதித்து நடக்கனும்னா? அடக்குமுறை கண்டிப்பாக வேண்டும் @ இராணுவ ஆ>>>>>>>>>>>>>>>

Sponsored content · Sponsored content

குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

Re: குடிபோதையில் காரை ஓட்டி போலீசாரை கலங்கடித்த இளம்பெண்ணால் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக