தெய்வத்தின் சிலை…

**ayyasamy ram** · **ayyasamy ram** Sat Jul 02, 2016 11:29 pm

-
உருட்டிய கண்களுடன்
நீட்டிய பற்களுடன்
தொங்கும் நாக்குடன்
ஓங்கிய கைகளுடன்
தூக்கிய கால்களுடன்
கரிய உருவத்துடன்
நின்றிருந்தது பேயினுடையதாகவும்
இருந்திருக்கலாம்.
–
‘தெய்வத்தின் சிலை’ என்று
சொல்லி வைத்தேன் குழந்தையிடம்.
கற்பிதத்தில்தானே உருவெடுக்கிறது
சாமிக்கும் சாத்தானுக்குமான
முதல் உருவம்!
–
சாளரங்களற்ற அறைக்குள்
யாரோ திறந்த கதவின்வழி
சடுதியில் நுழைந்த வண்ணத்துப்பூச்சி
அங்குமிங்கும் பறந்துகொண்டிருந்தது.
மரமென்று நினைத்து நெருங்கி
பிறகு ஓவியம்தானென
தெரிந்துகொண்டு திசையை மாற்றியது.
–
மேஜை மீதிருந்த
பூஞ்ஜாடியின் அருகே சென்று
அதனுள்ளிருந்தவை
பிளாஸ்டிக் பூக்களென்று
புரிந்துகொண்டு முகம் திருப்பியது.
குளிர்ந்து வீசிய மென்காற்று
இயற்கையல்லாத குளிர்சாதனத்திலிருந்து
வெளிப்படுவதை உணர்ந்ததைப் போல
வெளியேறும் வழியைத்
தேடியலைந்த அதனை
கதவைத் திறந்து அனுப்பிவைத்தேன்.
–
என்னையும் உயிரற்றதொரு
எந்திரமென நினைத்திருக்கக்கூடும் அது!
–
———————————-

-கீர்த்தி
குங்குமம்

**T.N.Balasubramanian** · **T.N.Balasubramanian** Sat Jul 02, 2016 11:55 pm

வெளியேறும் வழியைத்
தேடியலைந்த அதனை
கதவைத் திறந்து அனுப்பிவைத்தேன்.
–
என்னையும் உயிரற்றதொரு
எந்திரமென நினைத்திருக்கக்கூடும் அது!
–

நினைத்திருக்காது , என்றே நினைக்கிறேன் .

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

தெய்வத்தின் சிலை…

தெய்வத்தின் சிலை…

Re: தெய்வத்தின் சிலை…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக