விக்ரம் மகளுக்கு கல்யாணம்

-
விக்ரமிற்கு துருவ் என்ற மகனும், அக்‌ஷிதா என்ற மகளும் உள்ளனர். இவர்களில் அக்‌ஷிதாவிற்கு விரைவில் திருமணம் நடைபெறவிருக்கிறது.

விக்ரமின் மகள் அக்‌ஷிதாவிற்கும், மனு ரஞ்சித் என்பவருக்கும் ஜூலை மாதம் 10ம் தேதி சென்னையில் உள்ள நட்சத்திர ஹோட்டலில் திருமண நிச்சயதார்த்தம் நடைபெறவிருக்கிறது. கேவின் கேர் குழுமத்தின் நிறுவனர் சி.கே.ரங்கநாதனின் மகன் தான் மனு ரஞ்சித். இவரது தாயார், திமுக தலைவர் மு.கருணாநிதியின் மகன் மு.க.முத்துவின் மகள் என்பது குறிப்பிடத்தக்கது.

இவர்களின் நிச்சயதார்த்த நிகழ்ச்சிக்கு குடும்பத்தினரோடு நெருங்கிய நண்பர்கள் மட்டும் கலந்துகொள்ளவிருக்கின்றனர். மேலும் 2017ல் இருவருக்கும் திருமணம் நடைபெறவிருக்கிறது. திருமண நிகழ்வை பிரம்மாண்டமாக திரையுலக நட்சத்திரங்களுடன் கொண்டாட திட்டமிட்டு வருகிறாராம் விக்ரம்.

தற்பொழுது ஆனந்த சங்கர் இயக்கத்தில் இருமுகன் படத்தில் விக்ரம் நடித்துவருகிறார். நயன்தாரா, நித்யாமேனன் ஆகியோர் நடிக்கும் இப்படத்திற்கான இறுதிகட்ட படப்பிடிப்பு நடந்துவருகிறது. படப்பிடிப்பிலிருந்து சில நாட்கள் இடைவெளி எடுத்துக்கொண்டு, மகளின் நிச்சயதார்த்த பணிகளில் ஈடுபட்டுவருகிறார் விக்ரம்.

சூப்பர் வாழ்த்துக்கள்

சூப்பர் வாழ்த்துக்கள் !

அக்‌ஷிதாவுக்கு விரைவில் அக்க்ஷதை விழப்போகிறது என்று சொல்லுங்கள் !

விக்ரம் மகளுடன் பேரனுக்கு திருமணம் நிச்சயமானது எப்படி...?- நெகிழும் மு.க. முத்துவின் துணைவியார்!
-

-
திமுக தலைவர் கருணாநிதியின் மூத்தமகன் மு.க.முத்துவின் பேரன் மனு ரஞ்சித்துக்கும், நடிகர் விக்ரமின் மகள் அக்‌ஷிதாவுக்கும் திருமணம் செய்ய இரு குடும்பத்தினரும் முடிவு செய்துள்ளனர்.

இந்நிலையில் பழம்பெரும் பாடகர் சி.எஸ்.ஜெயராமனின் மகளும், மு.க.முத்துவின் துணைவியாருமான சிவகாம சுந்தரியிடம் பேசினோம்.

''சிவாஜியின் முதல்படமான  ' பராசக்தி'யில் அவருக்கு முதன்முதலாக குரல்கொடுத்து, 'கா.. கா..' பாடலை பிரபல பாடகரான என் தந்தையார் சி.எஸ் ஜெயராமன்தான் பாடினார். எனக்கு திருமணம் நடந்தபோது எம்.ஜி.ஆர், சிவாஜி என கலையுலகின் அத்தனை பிரபலங்களும் வந்து வாழ்த்தினாங்க. அப்போது எம்.ஜி.ஆர்,  திமுகவில்  இருந்தார். எனது மகள் தேன்மொழியை, கடலூரில் சி.கே. ரெங்கநாதன் என்பவருக்கு திருமணம் செய்து கொடுத்தோம். ரெங்கநாதனின் தந்தையார் சின்னி கிருஷ்ணன் பிரபல தொழிலதிபர்.

இந்தியாவில் முதன்முதலாக 'சிக் ஷாம்பு' என்கிற பாக்கெட்  ஷாம்பை அவர்தான் அறிமுகம் செய்தார். என் பேத்தி அமுதா அமெரிக்காவில படித்தபோது, அவருடன் நடிகர் விக்ரமின் மகள் அக்‌ஷிதாவும் படிச்சாங்க.  இந்தியா வரும்போது, கிழக்கு கடற்கரை சாலையில இருக்குற என் மகள் வீட்டுக்கு அக்‌ஷிதா  சில சமயங்கள்ல வந்திருக்கு.  கவின்கேர் கம்பெனியை கவனிச்சுட்டு இருந்த என் பேரன் மனு ரஞ்சித்,  மேற்கொண்டு பிசினஸ் மேனேஜ்மென்ட் படிக்க அமெரிக்காவுக்குப் போனார். அப்போதுதான் பேத்தி அமுதாவோட தோழி அக்‌ஷிதாவும் ரஞ்சித்துக்கும் அறிமுகம் ஆனாங்க. நண்பர்களா பழகியிருக்காங்க.

ஒரு கட்டத்தில் என் பேரன் ரஞ்சித்தை, விக்ரம் குடும்பத்துக்கும் பிடிச்சுப் போச்சு. எங்களுக்கும் அக்‌ஷிதாவின் குணங்கள் பிடிச்சுப் போனதால், ஏன் இருவருக்கும் திருமணம் செய்துவைக்ககூடாதுன்னு தோணிச்சு. இரண்டு குடும்பமும் பேசினோம். திருப்திகரமா இருந்தது. திருமணத்தை முடிவு செஞ்சிட்டோம்.

ஜூலை 10-ம் தேதி லீலா பேலஸ் ஹோட்டலில் மனு ரஞ்சித் - அக்‌ஷிதா நிச்சய தாம்பூலம் நடக்குது. நிச்சயத்துக்கு மாமா (கருணாநிதி) மற்றும் உறவினருங்க எல்லாரும் வருவாங்க” என்று பேரன் திருமணம் குறித்து நெகிழ்கிறார் சிவகாம சுந்தரி.

- எம்.குணா

ம்ம்... ரொம்ப சந்தோஷம் .............அபூர்வமான புகைப்படம் என்று நினைக்கிறேன் !

வாழட்டும் பல்லாண்டு என வாழ்துவோம்>>>>>