4 ஆண்டுகளில் செல்போன் இணைப்புகள் எண்ணிக்கை 25 கோடியாக உயரும்

by **ayyasamy ram** Fri Jul 01, 2016 6:25 am

-

இந்தியாவில், அடுத்த 4 ஆண்டுகளில் செல்போன் இணைப்புகளின் எண்ணிக்கை 25 கோடியாக உயரும் என ஆய்வறிக்கை ஒன்றில் தெரிவிக்கப்பட்டுள்ளது.

இதுகுறித்து ஜி.எஸ்.எம். சேவை நிறுவனங்கள் சங்கத்தின் ஆய்வறிக்கையில் கூறியிருப்பதாவது:

ஆசிய-பசிபிக் பிராந்தியத்தில், கடந்த ஆண்டு இறுதியில் மொத்தம் 250 கோடி செல்போன் இணைப்புகள் இருந்தது. இது 2020-ஆம் ஆண்டில் 3.1 சதவீத வளர்ச்சியை எட்டும். ம். இதே காலத்தில் இந்தியாவில் செல்போன் இணைப்புகளின் எண்ணிக்கை 25 கோடி அதிகரிக்கும் என தெரிவிக்கப்பட்டுள்ளது.

மேலும், ஆசிய-பசிபிக் பிராந்தியத்தில் சீனா, இந்தியா, இந்தோனேஷியா மற்றும் ஜப்பான் ஆகிய நாடுகள் முன்னணி செல்போன் சந்தைகளாக இருந்து வருகின்றன. இந்த நாடுகளின் மொத்த செல்போன் இணைப்புகளின் பங்கு 75 சதவீதத்திற்கும் அதிமாக உள்ளது. மேலும், 2020-ஆம் ஆண்டில், ஒட்டுமொத்த செல்போன் இணைப்புகளின் எண்ணிக்கையில் ஆசிய-பசிபிக் பிராந்தியத்தின் பங்கு 60 சதவீதமாக இருக்கும்.

கடந்த 2015-ஆம் ஆண்டில் ஆசிய-பசிபிக் பகுதியில் ஸ்மார்ட்போன் இணைப்புகளின் எண்ணிக்கை 170 கோடியாக இருந்தது. 2020-ஆம் ஆண்டிற்குள் அது 130 கோடி அதிகரித்து 300 கோடியாக உயரும் என்று தெரிவிக்கப்பட்டுள்ளது.

தினமணி