தீபத்தின் ஒளியில்.: இரா. சுந்தரேசன்

by **ayyasamy ram** Wed Jun 29, 2016 6:43 pm

தீபத்தின் ஒளியில் திருக்குறளும் படிக்கலாம்
தீபத்தின் ஒளியில் தீயதும் செய்யலாம்
தீபத்தின் ஒளியில் கூரையையும் எரிக்கலாம்
தீபத்தின் ஒளியில் வீட்டையும் ஒளிர்க்கலாம்..
-
நல்லதும் தீயதும் தீபத்தினிடம் இல்லை
ஞானமும் அஞ்ஞானமும் அதனிடம் இல்லை
அதைக் கையாளும் திறமை மனிதனிடம் உள்ளது
அந்த ஞானத்தை மனிதனிடமே விட்டுவிட்டது
-
பலநாள் இருண்டுகிடக்கும் ஒரு குகையில்
இருட்டை விரட்ட பல தீபங்கள் தேவையில்லை
ஒரு தீபம் மட்டுமே போதும், குகை
தீபத்தின் ஒளியில் நனைந்து தன்னைப் பார்க்க..
-
இருளில் பேயைப் பார்த்து மிரண்டவனுக்கு
காலையில் அந்தப் பேயே பொம்மையானது
இருளில் உண்மைக்கு மாறாகக் கண்டவனுக்கு..
ஒளியில் உண்மையே உள்ளத்தைத் தொட்டது..
-
கல்லைக் கண்டால் நாயைக் காணோம்
நாயைக் கண்டால் கல்லைக் காணோம்
முன்னோர்களின் அறிவு மொழி – உண்மை
முயன்றாலும் மறையாது தீபத்தின் ஒளியில்….
–
நன்றி- கவிதை மணி

by சிவனாசான் Wed Jun 29, 2016 9:50 pm

பயந்தவன் கண்ணிற்கு பயித்த கயிறும் பாம்பாகத் தெரியுமாம் . அதுபோல செல்பேசி செய்தியையும் கருத்தையும் அறிவிக்கிறது தெரிவிக்கிறது. அதவே கழுத்தையும் அறுக்கவும் செய்துவிடுகிறது. உண்மைதான் அய்யா தீ யும்.>>>>>

தீபத்தின் ஒளியில்.: இரா. சுந்தரேசன்

தீபத்தின் ஒளியில்.: இரா. சுந்தரேசன்

Re: தீபத்தின் ஒளியில்.: இரா. சுந்தரேசன்