இரு மாத கட்டணம் ரூ.9 : மின் நுகர்வோர் மகிழ்ச்சி!

**krishnaamma** · **krishnaamma** Tue Jun 28, 2016 8:25 pm

நீலகிரி மாவட்டம், ஊட்டியில், மின் கட்டணம், 10 ரூபாய்க்கு கீழ் வருவதால், நுகர்வோர் மகிழ்ச்சியடைந்து உள்ளனர். சட்டசபை தேர்தல் பிரசாரத்தின் போது, அ.தி.மு.க., தேர்தல் அறிக்கையில், 'தற்போதைய கணக்கீட்டு முறைப்படி, 100 யூனிட்டுக்கு, மின் கட்டணம் வசூலிக்கப்பட மாட்டாது' என, அறிவிக்கப்பட்டது. தேர்தலில் வெற்றி பெற்று, மீண்டும் முதல்வராக பொறுப்பேற்ற ஜெயலலிதா, 100 யூனிட் இலவச மின்சாரத்தை, மே 23ல் துவக்கி வைத்தார்.

இலவச மின்சாரம் : அதன்படி, அன்றைய தினத்தில் இருந்து, வீடுகளில் மின் பயன்பாடு கணக்கு எடுப்போருக்கு, நாட்கள் அடிப்படையில், இலவச மின்சாரம் கணக்கிடப்பட்டு, கட்டண சலுகை வழங்கப்படுகிறது. இதையடுத்து, மின் தேவை குறைவாக உள்ள நீலகிரி மாவட்டம், ஊட்டியில், பலருக்கு மின் கட்டணம், 10 ரூபாய்க்கு கீழ் வருகிறது.

200 ரூபாய்க்கு... : இதுகுறித்து, ஊட்டியைச் சேர்ந்த ராஜேஷ் கூறுகையில், ''மின் கட்டணமாக, 200 ரூபாய்க்கு மேல் செலுத்தி வந்தோம். இந்த மாதம் வெறும், ஒன்பது ரூபாய் மட்டும் மின் கட்டணமாக வந்துள்ளது, மகிழ்ச்சி அளிக்கிறது,'' என்றார்.

தினமலர்

**ayyasamy ram** · **ayyasamy ram** Wed Jun 29, 2016 12:55 am

**T.N.Balasubramanian** · **T.N.Balasubramanian** Wed Jun 29, 2016 1:16 am

எல்லாத் துறைகளிலும் சிறிது கவனம் செலுத்தவேண்டும் அரசு .
சுற்றுலா துறைகளில் அதிக அளவில் ஊழல்கள் நடக்கின்றன.

ரமணியன்

**ayyasamy ram** · **ayyasamy ram** Wed Jun 29, 2016 2:49 am

T.N.Balasubramanian wrote:எல்லாத் துறைகளிலும் சிறிது கவனம் செலுத்தவேண்டும் அரசு .
சுற்றுலா துறைகளில் அதிக அளவில் ஊழல்கள் நடக்கின்றன.

ரமணியன்

மேற்கோள் செய்த பதிவு: 1213128
---

ஊழலை முளையிலேயே கிள்ளி எறியக் கூடாது...!
-
வளர்ந்து மரமான பின்னர் தான் நடவடிக்கை என்பது
அரசு பாலிஸி...!!
-

**M.Jagadeesan** · **M.Jagadeesan** Wed Jun 29, 2016 4:04 am

ayyasamy ram wrote:
T.N.Balasubramanian wrote:எல்லாத் துறைகளிலும் சிறிது கவனம் செலுத்தவேண்டும் அரசு .
சுற்றுலா துறைகளில் அதிக அளவில் ஊழல்கள் நடக்கின்றன.

ரமணியன்
மேற்கோள் செய்த பதிவு: 1213128
---

ஊழலை முளையிலேயே கிள்ளி எறியக் கூடாது...!
-
வளர்ந்து மரமான பின்னர் தான் நடவடிக்கை என்பது
அரசு பாலிஸி...!!
-

மேற்கோள் செய்த பதிவு: 1213137

ஒருவன் 100 ரூபாய் லஞ்சம் வாங்கும்போதே , அவனைப் பிடித்துத் தண்டித்துவிடவேண்டும் . நூறு ரூபாய்தானே வாங்கினான் என்று விட்டுவிட்டால் ,பிறகு ஆயிரக் கணக்கில் , லட்சக் கணக்கில் லஞ்சம் வாங்க ஆரம்பித்துவிடுவான். அப்போது அவனைத் தண்டிப்பது சிரமம் . மல்லையா போல் வெளிநாட்டுக்குத் தப்பி ஓடிவிடுவான் .

ஒரு முள் செடி , சிறியதாக இருக்கும்போதே , அதை நகத்தால் கிள்ளி எறிந்துவிட வேண்டும் . அது மரமாக வளர்ந்துவிட்டால் , அதைக் களையும்போது , அது நம்முடைய கையைக் கிழித்துவிடும் . இக்கருத்தை வள்ளுவர் எவ்வளவு அழகாகச் சொல்லுகிறார் பாருங்கள் !

இளைதாக முள்மரம் கொள்க களையுநர்
கைகொல்லும் காழ்த்த விடத்து .

இந்த பதிவைத் துவங்கியவர் நன்றி கூறியுள்ளார் M.Jagadeesan