விமானப் பணிப் பெண்ணுடன் பலவந்தமாக செல்பி எடுக்க முயற்சித்த நபர் மும்பையில் கைது

by **ayyasamy ram** Tue Jun 28, 2016 11:01 pm

குஜராத்தை சேர்ந்த முகமது அம்புத்கர் என்ற 29 வயது நபர், நேற்று ஜெட் ஏர்வேஸ் விமானத்தில் சவுதி அரேபியாவில் இருந்து மும்பை வந்துள்ளார்.

சவூதி அரேபியாவில் உள்ள டம்மம் நகரில் இருந்து மும்பைக்கு ஜெட் ஏர்வேஸ் நிறுவனத்துக்கு சொந்தமான விமானம் ஒன்று வந்து கொண்டிருந்தது. இந்த விமானத்தில் குஜராத்தை சேர்ந்த முகமது அம்புத்கர் என்ற 29 வயது நபர் பயணித்தார். இவர் தனது முழு பயணத்தின் போது விமானப்பணிப்பெண்களுடன் பலவந்தமாக செல்பி எடுப்பதற்கு தொடர்ந்து முயற்சித்துள்ளார்.

பணிப்பெண் அளித்த புகாரின் பேரில் அவர் மீது 354 மற்றும் 336 ஆகிய சட்டப்பிரிவுகளின் கீழ் வழக்கு பதிவு செய்யப்பட்டுள்ளது. மும்பையில் உள்ள நீதிமன்றத்தில் ஆஜர்ப்படுத்தப்பட்ட முகமது அம்புத்கரை, நீதிமன்ற காவலில் சிறையில் அடைக்கும்படி நீதிபதி உத்தரவிட்டார்.
-
தினமணி