மைசூரு பட்டத்து இளவரசர் யதுவீர் திருமணம் கோலாகலமாக நடைபெற்றது

-
மைசூரு:
மைசூருவில் அமைந்துள்ள அம்பா விலாஸ் அரண்மனையில்
இன்று மைசூரு உடையார் மன்னர் குடும்பத்தின் பட்டத்து
இளவரசர் யதுவீர் கிருஷ்ணதத்தா சாமராஜ் உடையார் –
ராஜஸ்தான் மன்னர் குடும்பப் பட்டத்து இளவரசி
திரிஷிகா குமாரி சிங் திருமணம் கோலாகலமாக நடைபெற்றது.
–
மைசூரு உடையார் மன்னர் குடும்பத்தின் 27-ஆவது பட்டத்து
இளவரசரான யதுவீர் கிருஷ்ணதத்த சாமராஜ உடையாருக்கும்,
ராஜஸ்தான் மாநிலத்தின் டங்கர்பூர் மன்னர் குடும்பத்தின்
வாரிசான ஹர்ஷாவர்தன் சிங்கின் மகளும், பட்டத்து
இளவரசியுமான திரிஷிகா குமாரி சிங்குடன் திருமணம் நிச்சயம்
செய்யப்பட்டிருந்தது.
–
திருமணத்துக்கான சம்பிரதாயங்கள் ஜூன் 24-ஆம் தேதி
தொடங்கியது. மைசூரில் உள்ள அம்பாவிலாஸ் அரண்மனையில்
இருக்கும் அரசவையில் இன்று காலை 7.30 மணி முதல் காலை
8.30 மணிக்குள் உடையார் மன்னர் குடும்பமுறைபடி பட்டத்து ராணி
பிரமோதாதேவி வாழ்த்துகளுடன், ஏராளமான முக்கியப் பிரமுகர்கள்
முன்னிலையில், வெகு கோலாகலமக திருமணம் நடைபெற்றது.
–
திருமணத்தில் கலந்து கொள்ளும் விருந்தினர்கள் அனைவருக்குமே
ஆடை கட்டுப்பாடு விதிக்கப்பட்டிருந்தது.
–
நாளை மாலை அரண்மனையில் திருமண வரவேற்பு நிகழ்ச்சி
நடக்கவிருக்கிறது.
–
40 ஆண்டுகளுக்கு முன்பு 1976-ஆம் ஆண்டு நடைபெற்ற ஸ்ரீகண்டதத்த
நரசிம்மராஜ உடையார்-பிரமோதா தேவியின் திருமணத்திற்குப் பிறகு,
மைசூரு உடையார் மன்னர் குடும்பத்தில் மீண்டும் இப்போதுதான்
திருமணம் நடக்கவிருக்கிறது.
–
மன்னர் பரம்பரை திருமணத்தை மைசூரு மக்கள் உற்சாகமாகக்
கொண்டாடினர். மைசூரு முழுவதும் திருவிழாக் கோலம் பூண்டிருந்தது.
திருமண விழாவை முன்னிட்டு ஜூன் 24 முதல் 29-ஆம் தேதி வரை
அரண்மனையைச் சுற்றிபார்க்க சுற்றுலாப் பயணிகளுக்குத் தடை
விதிக்கப்பட்டுள்ளது. அரண்மனையைச் சுற்றி பலத்த பாதுகாப்பும்
போடப்பட்டிருந்தது.
–
———————————————-
தினமணி

வாழ்க மணமக்கள்