சில பருக்கையும் நாமும் !!!

by Devi Vennimalai Mon Jun 27, 2016 12:28 pm

மென் பொருள் அலுவலகங்களில் ஆங்கில தாக்கமே எப்பொழுதும் அதிகம் ... தமிழ் எழுத்துகள் அங்கு எந்த இடத்தையும் பிடிக்க முடியவில்லை ... எங்கள் அலுவலகத்தில் ஒரு blog உண்டு நானும் அதில் கவிதைகள் எழுதி கொண்டு இருந்தேன் ...

ஈகரை போலவே அந்த மாதம், அந்த வாரங்களில் அதிக பார்வையாளர்கள் , அதிக விருப்பம், அதிக பின்னூட்டங்கள் உள்ள மூன்று பதிவுகள் தனியாக தெரியும் படி உலா வரும் ...

முதன் முதலாக நான் எழுதிய அந்த அலுவலகத்தின் உணவுக்கூடம் பற்றிய சீற்றமான இந்த தமிழ் கவிதையே அதிக பார்வையாளர்கள் , அதிக விருப்பம், அதிக பின்னூட்டங்கள் என எல்லாவற்றில் முதல் இடம் பிடித்தது ... ஒரு தமிழ் கவிதை அந்த வரிசையில் வந்தது இதுவே முதல் முறை என்று அதிகம் பேர் பாராட்டினார்கள் .. எனக்கு அதிகமான ரசிகர் கூட்டத்தை பெற்று தந்தது ... 5000 க்கும் மேல் பார்வையாளர்களை பெற்றது ...

இந்த கவிதையே எனக்கு பேரும் ,புகழும் கொடுத்தது... அந்த கவிதை உங்களின் பார்வைக்கு ...

சில பருக்கையும் நாமும் !!!

உணவு அட்டவணை பார்த்து
நான் பிரமித்து போனேன் !

நால்வகை குழம்பாம்
முன்று வகை காயாம்
இரு வித இனிப்புகள்
என ஜொலித்தது அது !!!

கொஞ்ச நேரம் யோசித்து
எதையோ தேர்ந்தெடுத்து
வரிசையில் நின்று
உணவை பெற்ற போது
மறுபடியும் குழப்பத்தில் நான் !

சிறு பாலகன் உண்ணும்
அளவு உணவு !
அட பாதகர்களே என
பதைபதைத்து போனேன் !

நான் யோசித்த
இருவகை குழம்பும்
இருவகை காயும்
கண் முன் வந்து நகையாடின !

இந்த பருக்கை சோற்றுக்கா
நீ இவ்வளவு நேரம் யோசித்தாய்
என்னை என !

அட வீணாய்ப்போனவர்களே
அத்தனை விதங்கள் எதற்கடா !
தட்டில் இருப்பது
ஓர் சிறு பருக்கை அன்னமடா !

உச்சி கால வேளையில்
ஊரே எழும் முன்
பாத்திரங்கள் உருட்ட நேரமில்லாமல்
பதைபதைப்பில் ஓடி வரும் ஜீவன்கள் !

போதுமாடா இந்த பருக்கை
காயுமே அவர்கள் வயிறுகள் !

நான் கொஞ்சம் நகர்ந்தது
அன்னம் கேட்டது ஒரு ஆண் இனம் !
முகத்தை அஷ்ட கோணலாய்
வைத்தது பரிமாறும் இனம் !

ஓசி சாப்பாடு அல்ல !
சத்திரம் சாவடியும் அல்ல !

காசு கொடுத்து வாங்கும் போது
ஏன் இந்த இளக்காரம் !
அதை பார்த்து கூச்சத்தில்
அமைதியாக நகரும் பல கரம் !

வீணடிப்பது நியாயமில்லை
வயிற்றுக்கு வஞ்சனை செய்வது நியாயமில்ல
ஒன்று உணருங்கள் !

பெண்களுக்கே அது
காண சில பருக்கை !
ஆண்களின் நிலை
கண்டிப்பாய் மிக கொடுமை !

குசேலன் கிருஷ்ணனுக்கு
கொடுத்த அவலா அது !

கொடுக்கும் சிறு பருக்கையும்
அமுத சுரபியாய் மாற !

தனத்தில் சிறந்தது அன்னதானம் !
போதும் என்று சொல்ல வைக்கும் ஒரே தானம் !

by யினியவன் Mon Jun 27, 2016 1:21 pm

அருமை அருமை

பருக்கைக்கு அலையும் படித்தவரிங்கே
பருக்கைக்கு அல்லாடும் படிக்காதவரிங்கே
பருக்கையையும் பசியையும் முதலாக்கும் முதலாளிகளிங்கே
முதலாளிகளுக்கு துணைபோகும் அரசியல் வியாதிகளிங்கே
முன்னேறும் தேசமன்றோ மக்களாய் மாக்களாய் மனிதம் மறந்தே

by **M.Jagadeesan** Mon Jun 27, 2016 1:28 pm

சின்னக் கவிதை என்றாலும்
...சீற்றம் பொங்கும் நற்கவிதை !
தின்னக் கொடுத்தது சிலபருக்கை !
...திட்டித் தீர்த்தது வென்னிமலை !
அன்னம் கொடுக்கும் அன்பர்காள் !
...அருமைத் தங்கை தேவிக்கு
அன்னம் நிறைய அளித்திடுவீர் !
...அவர்தம் பசியைப் போக்கிடுவீர் !

by Devi Vennimalai Mon Jun 27, 2016 3:49 pm

.... இனி கவிதைகள் பதிவு செய்ய மாட்டேன் ... விட்டுடுங்க.. . :வணக்கம்:

by **T.N.Balasubramanian** Mon Jun 27, 2016 4:45 pm

வாழ்த்துகள் தனிப் பதிவாக போட்டதில் அன்பு மலர்

அறிமுகத்தில் மறுமொழி இடவேண்டாமென தவிர்த்தேன்

கவிதை அருமை என்பதில் மிகையில்லையெனிலும்
சில பருக்கைகளே என்பது மிகையே .

ரமணியன்

by **ஹிஷாலீ** Mon Jun 27, 2016 5:11 pm

வாவ் சூப்பர்

by யினியவன் Mon Jun 27, 2016 5:39 pm

Devi Vennimalai wrote: .... இனி கவிதைகள் பதிவு செய்ய மாட்டேன் ... விட்டுடுங்க.. .

அவ்ளோ கேவலமாவா இருக்கு எங்க கிறுக்கலு புன்னகை

by **ayyasamy ram** Mon Jun 27, 2016 6:05 pm

by **krishnaamma** Tue Jun 28, 2016 1:07 am

கவிதை நல்லா இருக்கு தேவி புன்னகை

................ சில பருக்கையும் நாமும் !!! 3838410834

by **krishnaamma** Tue Jun 28, 2016 1:08 am

M.Jagadeesan wrote:சின்னக் கவிதை என்றாலும்
...சீற்றம் பொங்கும் நற்கவிதை !
தின்னக் கொடுத்தது சிலபருக்கை !
...திட்டித் தீர்த்தது வென்னிமலை !
அன்னம் கொடுக்கும் அன்பர்காள் !
...அருமைத் தங்கை தேவிக்கு
அன்னம் நிறைய அளித்திடுவீர் !
...அவர்தம் பசியைப் போக்கிடுவீர் !

மிக அருமை ஐயா ! புன்னகை

.......