சீனாவின் சூப்பர் கம்ப்யூட்டர் தான் இப்போது உலகின் நெ.1

**krishnaamma** · **krishnaamma** Thu Jun 23, 2016 1:05 am

உலக சூப்பர் கம்ப்யூட்டர்களை தரவரிசைப்படுத்தும், 'டாப் 500' இணையதளத்தின் மதிப்பீட்டின்படி, சீனாவிடம் தான் இப்போது அதிவேக, அதிதிறன் கணினி இருக்கிறது. 'சன்வே டாய்ஹு லைட்' என்ற அந்த கணினியால் வினாடிக்கு, 93 ஆயிரம் ட்ரில்லியன் கணக்குகளை போடமுடியும். இதற்கு முன், 'டியான்ஹே -2' என்ற சூப்பர் கணினியை உருவாக்கி முதலிடத்திலிருந்தது சீனா. ஆனால், டியான்ஹே- 2ஐ விட மும்மடங்கு கணித்திறம் படைத்தது, சன்வே டாய்ஹு லைட்.

'லினக்ஸ்' மென்பொருளை இயங்கு தளமாகக் கொண்ட சன்லைட்டிற்குள் உள்ள, 10.5 மில்லியன் பாகங்களும், 40 ஆயிரத்து, 960 முனையங்களும் சீனாவாலேயே தயாரிக்கப்பட்டது என்பது தான் இங்கு குறிப்பிட வேண்டிய தகவல்! அமெரிக்கா, சீனாவுக்கு சூப்பர் கம்ப்யூட்டர் தொழில்நுட்பங்களை விற்க மறுத்தது. இதனால், முழுக்க முழுக்க சீனாவிலேயே தயாரான சில்லுகளை வைத்தே சன்லைட்டை சீனா உருவாக்கியிருக்கிறது.

தட்பவெப்ப நிலை கணிப்பு, மேம்பட்ட உற்பத்தி, பெரும் புள்ளிவிவர அலசல்கள் போன்றவற்றுக்கு, இந்த சூப்பர் கணினியை பயன்படுத்த போவதாக சீனா தெரிவித்திருக்கிறது.

இதுவே, 10 ஆண்டுகளுக்கு முன், உலகிலுள்ள, 'டாப் 500' சூப்பர் கணினிகளில், 28 மட்டுமே, சீனாவிடம் இருந்தன. அதிலும் ஒன்று கூட, 'டாப் 30' பட்டியலுக்கு அருகே கூட வரவில்லை.

ஆனால் இன்று, உலகின் டாப் சூப்பர் கணினிகளில், 167 சீனாவிடம் இருக்கின்றன; அமெரிக்காவிடம் இருப்பது, 165 தான். உலக, 'டாப் 10' சூப்பர் கணினிகள் பட்டியலில், சீனா முதல் இரு இடங்களையும், அமெரிக்க அடுத்த இரு இடங்களையும் பிடித்துள்ளன. மீதியுள்ள இடங்கள் ஜப்பான், சுவிட்சர்லாந்து, ஜெர்மனி மற்றும் சவுதி அரேபியா போன்ற நாடுகளின் சூப்பர் கணினிகள் இடம்பிடித்துள்ளன.

தினமலர்

**krishnaamma** · **krishnaamma** Thu Jun 23, 2016 1:14 am

இதுவே, 10 ஆண்டுகளுக்கு முன், உலகிலுள்ள, 'டாப் 500' சூப்பர் கணினிகளில், 28 மட்டுமே, சீனாவிடம் இருந்தன. அதிலும் ஒன்று கூட, 'டாப் 30' பட்டியலுக்கு அருகே கூட வரவில்லை.

ஆனால் இன்று, உலகின் டாப் சூப்பர் கணினிகளில், 167 சீனாவிடம் இருக்கின்றன; அமெரிக்காவிடம் இருப்பது, 165 தான். உலக, 'டாப் 10' சூப்பர் கணினிகள் பட்டியலில், சீனா முதல் இரு இடங்களையும், அமெரிக்க அடுத்த இரு இடங்களையும் பிடித்துள்ளன. மீதியுள்ள இடங்கள் ஜப்பான், சுவிட்சர்லாந்து, ஜெர்மனி மற்றும் சவுதி அரேபியா போன்ற நாடுகளின் சூப்பர் கணினிகள் இடம்பிடித்துள்ளன.

அப்போ நம் நாடு எத்தனையாவது இடத்தில் இருக்கு?.......யாருக்காவது தெரியுமா? புன்னகை

சீனாவின் சூப்பர் கம்ப்யூட்டர் தான் இப்போது உலகின் நெ.1

சீனாவின் சூப்பர் கம்ப்யூட்டர் தான் இப்போது உலகின் நெ.1

Re: சீனாவின் சூப்பர் கம்ப்யூட்டர் தான் இப்போது உலகின் நெ.1

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக