பொதுவான டிப்ஸ் :)

*வெள்ளி ஆபரணங்களுடன் சிறிது கற்பூரத்தைப் போட்டு வைப்பதால் வெள்ளி ஆபரணங்கள் கறுப்பாவதைத் தடுக்கலாம்.

*குத்துவிளக்கு, காமாட்சி அம்மன் விளக்கின் மேல் நுனியில் ரப்பர் பேண்டைச் சுற்றிப் பூ வைத்தால் கீழே விழாது.

*எவர்சில்வர் பாத்திரங்கள் நாளடைவில் பளபளப்பு மங்கினால் வாரத்துக்கு ஒரு முறை விபூதியைக் கொண்டு நன்கு தேய்த்து வாருங்கள். வெள்ளிப் பாத்திரங்கள் போல் மின்னுவதைப் பார்க்கலாம்.

*வெள்ளி சாமான்களை பீரோவில் வைக்கும்போது அதற்குள் கற்பூரத்தைப் போட்டு வைப்பது நல்லது.

* ஒரு சாக்பீஸ் துண்டை போட்டு வைத்தாலும் வெள்ளிப் பாத்திரங்கள் கருக்காமல் இருக்கும்.

* வெள்ளி நகைகளை பஞ்சில் சுத்தி வைத்தால் புது பொலிவுடன் இருக்கும்.

*வீட்டில் ஹோமங்கள் செய்யும் போது ஒரு டேபிள் பானை (Fan) ஜன்னல் ஓரமாக வெளிப்பக்கம் பார்த்து வைத்துவிட்டால் புகை உள்ளே பரவாது.

* புளித்த மோரில் வெள்ளிப் பாத்திரங்களையோ, வெள்ளி நகைகளையோ அரை மணிநேரம் ஊறப் போட்டுப் பின் தேய்த்தால், அவை புதியவை போல் இருக்கும்..

* துணிகளில் எண்ணெய் கறையோ, கிரீஸ் தாரோ பட்டு விட்டால் அவற்றைத் துவைக்கும் போது சில சொட்டுக்கள் நீலகிரித் தைலம் விட்டு தேய்த்தால், கறைகள் போய்விடும்.

* உங்கள் பிளாஸ்டிக் பக்கெட் ஓட்டையாகி விட்டால் அதைக் கவிழ்த்து பழைய டூத் பிரஷைத் தீயில் காட்டி உருகும் திரவத்தை அந்த ஓட்டை மீது படியச் செய்யவும். ஓட்டை அடைபடும்.

* எப்பொழுதாவது உபயோகிக்கும் "ஷூ"க்களில் ரசகற்பூர உருண்டை ஒன்றை ஒவ்வொரு "ஷூ"விலும் போட்டு வைத்தால் பூச்சிகள் அணுகாது.

* ஷாம்பு வரும் சிறு பிளாஸ்டிக் கவர்கள் காலியானதும் அவற்றைத் துணிகளை ஊறவைக்கும் போது அதனுடன் போட்டு ஊறவைத்தால் துணி வாசனையாக இருக்கும்.

* வெள்ளை நிற வாஸ்பேஷன், பாத்ரூம், டைல்ஸ் மற்றும் சிங்ககை க்ளீனிங் பவுடர்களைக் கொண்டு சுத்தம் செய்த பின், சொட்டு நீலம் கலந்த நீரால் அலம்பிவிட்டால் பளபளப்பு மேலும் கூடும்.

* காய்ந்த எலுமிச்சை, ஆரஞ்சுத் தோல்களை அலுமாரியில் வைத்தால் பூச்சிகள் அணுகாது.

* அல்லது வசம்பை வைத்தாலும் 'எழுத்தணிப் பூச்சிகள் ' வராமல் இருக்கும். ஆனால் வசம்பை வைக்கும்போது துணி இல் கட்டி வைக்க வேண்டும்.

* காலியான ஊதுபத்தி பாக்கெட்டுகளை துணிகள் வைக்கும் ஷெல்புகளில் வைத்தால், துணிகள் மணமாய் இருக்கும்

* இரவில் படுப்பதற்கு முன் ப்ளீச்சிங் பவுடரைச் சிறிது எடுத்து கழிப்பறையிலும் குளியலறையிலும் தூவி விட்டு அப்படியே விட்டு விட வேண்டும்....இப்படி செய்வதால், கரப்பான் பூச்சித் தொல்லை இருக்காது.

* மொசைக் தரையில் அழுக்கு நீங்கி பளபளப்பாக இருக்க, வெதுவெதுப்பான நீரில் கொஞ்சம் சாக்பீஸ் தூள் மற்றும் சலவை சோடா கலந்து ஸ்பாஞ்சை வைத்து துடைத்து, பிறகு நல்ல தண்ணீரில் மீண்டும் ஒரு முறை துடைக்க வேண்டும்.

@ பிளாஸ்டிக் குடம் வீணாகிப் போனால் பாதிக்கு மேல் வெட்டி (மேல் பாகத்தை) விட்டு குப்பைக் கூடையாக அல்லது செடி வளர்க்க உபயோகிக்கலாம்.

@ வீட்டில் மரச் சாமான்களுக்கு உபயோகிக்கும் பெயிண்டை முறத்தில் தடவி காய வைத்தால் நீண்ட நாட்கள் முறம் புதுசு போல இருக்கும். பூச்சிகளும் அரிக்காது. ( எங்க அம்மா பாட்டி எல்லாம், நியூஸ் பேப்பரை ஊறவைத்து அரைத்து...ரொம்ப கஷ்டம் கல்லுரலில் அரைப்பது..... பூசுவார்கள் ............அப்புறம், செம்பருத்தி இலைகளை அரைத்து பூசுவார்கள்.........இப்போ இப்படி )

@ டூல் பாக்ஸில் ஒரு சாக்பீஸ் கட்டி அல்லது கரித் துண்டை போட்டால், அது ஈரப் பசையை உறிஞ்சி டூல்ஸ் துருப்பிடிக்காமல் இருக்க உதவும்.

@ செருப்பு கடிக்கிறதா?............விளக்கெண்ணெய் அல்லது, மெழுகுவர்த்தியை நன்றாகத் தேய்த்து, ஒருநாள் முழுவதும் அப்படியே வைக்கவும்.......... பிறகு அணிந்து கொண்டால் செருப்பு கடிக்கவே கடிக்காது.

@ துணி பீரோவை சுத்தம் செய்யும்போது முதலில் பீரோ தட்டுகளில், பயன்படுத்திய கொசுமேட்டை ஐந்தாறு பரப்பி அதன் மேல் பேப்பர் போட்டுத் துணியை அடுக்கினால் பூச்சிகள் நெருங்காது.

@ கொசு தொல்லைக்காகப் போடப்பட்டுள்ள நெட்லானில் சிறிய துளைகள் ஏற்பட்டு விட்டால், செலோடேப் கட் பண்ணி ஒட்டலாம்.

@ வெள்ளைக் கலர் டெலிபோன் அழுக்கு ஏறி இருந்தால் நெயில் பாலீஷ் ரிமூவரால் அழுந்தத் துடைத்தால் பளிச்சென்று ஆகும்.

@ குழந்தைகளுக்கு உபயோகித்த சின்ன சைஸ் கொசுவலை துணியில், embroider கைவண்ணம் காட்டி டி.வி. கவராக பயன்படுத்தலாம்.

@ துணிகளில் ஹேர்-டை பட்டால் அந்த கறையை நீக்க, நெயில்பாலிஷ் ரிமூவரால் டை படிந்த பகுதியைத் துடைத்தால் கறை போய்விடும்.

@ ரப்பர் ஸ்டாம்ப் பேட், இங்க் காய்ந்து போய்விட்டால் நீலம் சில சொட்டுகள் விட்டால் அழகாக பதிய வரும். அவசரத்துக்கு இது கை கொடுக்கும்

$ மின்விசிறியில் தூசி படிந்து, கறை படிந்து விட்டதா? ஒரு துணியை மண்ணெண்ணையில் நனைத்து மின் விசிறியை அழுத்தித் துடையுங்கள். சிறிது நேரத்திற்குப் பிறகு நல்ல துணியால் துடைத்துப் பாருங்கள். பளிச்சென்றாகிவிடும்.

$ அரை வாளி தண்ணீரில், நான்கு மேஜைக்கரண்டி வினீகரை கலந்து ஜீன்ஸ் துணிகளை அலசினால் சாயம் போவதை தடுக்கலாம்.

$ புது வீட்டில் பெயிண்ட் அடித்த வாடை போக மறுக்கிறதா? ஒரு பக்கெட் நிறைய தண்ணீரை நிரப்பி அறைகளில் வையுங்கள். வாடை போய்விடும்.

$ ஆணி அடிக்கும் போது நுனியில் தேங்காய் எண்ணெய் தடவினால் சுவரில் சுலபமாக இறங்கும்.

$ சமையல் அறையில் எண்ணெய் பசையுள்ள இடத்தில் சுண்ணாம்புடன் மண்ணெண்ணெய் கலந்து அடிக்கலாம்.

$ கூர்மையான கத்திகளில் தேங்காய் எண்ணெய் தடவி வந்தால் அதன் கூர்மை மழுங்காது.

$ துவைத்த துணிகளுக்கு நீலம் போடும் போது நீலத்தை, ஒரு முழு தண்ணீரில் கரைத்துக்கொண்டு, பிறகு அதைக் கொட்டி கலந்து கொண்டால் துணியில் நீலம் திட்டுத்திட்டாக இல்லாமல் சமமாக இருக்கும்.

$ உங்கள் இஸ்த்திரி பெட்டி நைலான் துணி மீது தேய்த்தால் அடிப்பாகம் வீணாகிவிட்டதா? அப்பெட்டியினை சூடாக்கி, உடனே அணைத்து விட்டு, ஒரு சிறு துணி அல்லது பஞ்சில் தேங்காய் எண்ணை தடவி , இஸ்த்திரி பெட்டி மீது தேயுங்கள். பெட்டியின் அடிப்பாகம் சரியாகிவிடும்...கறை மொத்தமும் வந்து விடும்.

$ பிளாஸ்கில் உள்ள துர்நாற்றம் போக வினிகர் போட்டு அலம்பலாம் அல்லது உப்பு போட்டு வெந்நீர் விட்டு அலம்பலாம் .

$ மழைக்காலங்களில் தீப்பெட்டியிலுள்ள குச்சிகள் நமத்து போகாமல் இருக்க பெட்டியினுள் நான்கைந்து அரிசியைப் போட்டு மூடிவிட்டால் குச்சிகள் எளிதில் தீப்பற்றும்.

பிரிட்ஜ் இல்லாதவர்களுக்கு :

> பிரிட்ஜ் இல்லாதவர்களுக்கு இட்லி மாவு, தோசை மாவு புளித்துப் போகாமல் தடுக்க அரைத்த மாவை பிளாஸ்டிக் டப்பா அல்லது பக்கெட்டில் போட்டு மூடினால் புளித்துப் போகாமல் இருக்கும்.

> வீட்டில் குளிர்சாதனப் பெட்டி இல்லாதவர்கள் காய்கறிகளின் மீது ஈரத் துணியைப் போட்டு மூடி வையுங்கள். வாடாமல் இருக்கும்.

> இஞ்சியை ஈரத்துணியில் சுற்றித் தண்ணீர்க் குடத்தின் மேல் வைத்திருந்தால் பத்து நாள் வரை புதிதாகவே இருக்கும்.

> அல்லது  இஞ்சியை  மணலில் புதைத்து வைக்க வேண்டும். இஞ்சி என்று இல்லை, எல்லா கிழங்கு வகைகளையும் மணலில் புதைத்தது போல வைத்திருந்தால் நீண்ட நாட்களுக்கு 'பிரெஷ்' ஆக இருக்கும்

> கறிவேப்பிலை காயாமல் இருக்க வேண்டுமானால் அதன் மீது ஓர் அலுமினியப் பாத்திரத்தை மூடி வைத்தால் அது காயாமல் இருக்கும்.

> சின்ன வெங்காயத்தை வாங்கி வெயிலில் உலர்த்தி எடுத்து வைத்திருந்தால் ஒரு மாதம் வரை கெடாமல் முளை வராமல் இருக்கும்.

>  எலுமிச்சம் பழத்தை நாளொன்றுக்கு ஒரு மணி நேரம் தண்ணீரில் போட்டு எடுத்து வைத்திருந்தால் ஒரு வாரம் வரை வாடாமலும் கெட்டுப் போகாமலும் இருக்கும்.

>  வாழைக்காயை தண்ணீரில் போட்டு வைத்திருந்தால் ஒரு வாரம் வரை கெடாமல் இருக்கும். காம்பை நறுக்கி வைத்தாலும் கெடாமல் இருக்கும்.

> வெண்டைக்காயின் காம்பையும், தலைப்பாகத்தையும் நறுக்கி விட்டு வைத்தால் மறுநாள் சமைப்பதற்குள் முற்றிப் போகாமல் இருக்கும்.

> கத்தரிக்காயும் இதேபோல செய்யாலாம். பச்சைமிளகாய் பழுப்பதையும் தள்ளிப்போடலாம்

> பொதுவாக பிரிட்ஜ் இல்லாமல் இருந்தால், காய்கறிகளை அளவுடன் வாங்கி சமைக்கணும். அல்லது ஈர த்துணி இல் சுற்றிவைக்கணும்.

> கீரை வகைகளுக்கும், கொத்தமல்லி கறிவேப்பிலைக்கு இது பொருந்தும். ....அல்லது இலைகளை நன்கு ஆய்ந்து சுத்தமாக தண்ணீரில் அலசி , ஈரம் வடிய வைத்து காற்று புகாத டப்பாவில் போட்டு வைத்தால், நிறைய நாட்கள் கெடாமல் இருக்கும்

> வாழைப்பழம் சீக்கிரம் கறுத்துவிடாமல் இருக்கவும்  ஈரத் துணியால் சுத்தி வைத்தால் பிரஷ்ஷாக இருக்கும்.

நல்ல பயனுள்ள டிப்ஸ் கிருஷ்ணம்மா !

வெள்ளை முடித்தபின் 4 அங்குல பிரஸ்ஸை பத்திரமாக வைத்துக் கொள்ளவேண்டும் . கதவு , ஜன்னல் ஆகியவற்றிலுள்ள தூசுகளைத் துடைக்கப் பயன்படுத்திக் கொள்ளலாம் .

" சிறு துரும்பும் பல் குத்த உதவும் " என்பது பழமொழி . பழைய பொருட்களைத் தூக்கி அறியாமல் , பயன்படுத்தக் கற்றுக் கொண்டால் காசு மீதமாகும்.

> வீட்டு ஜன்னல்களுக்கு கரும் பச்சை, கருநீலத்தினால் ஆன திரைச் சீலைகளைப் பயன்படுத்தினால் வெயிலின் உஷ்ணம் உள்ளே வராது.

>  சமையலறையிலுள்ள 'சிங்க்'ஐ சுத்தப்படுத்த, பழைய செய்தித்தாள்களைக் கொண்டு தேய்த்தால் அழுக்கு நீங்கி சுத்தமாக இருக்கும்.

>  கத்தியைச் சூடாக்கி bread  ஐ  வெட்டினால் பிசிறு இல்லாமல் நினைத்த படி வெட்டலாம்.

> ஊறுகாயைக் கிளறுவதற்கு மர அகப்பை உபயோகிக்க வேண்டும்.

>  தயிர், மோர் பாத்திரங்களைச் சுத்தம் செய்து வெயிலில் காய வைத்தால் அந்த பாத்திரத்தில் உள்ள வாசனை  போய் விடும்.

>  முகம் பார்க்கும் கண்ணாடியின் மீது தேயிலையினால் துடைத்தால் அழுக்கு நீங்கிக் கண்ணாடி பளபளவென்று இருக்கும்.

> மின்சாரம் தடைப்பட்டிருக்கும் போது மெழுகுவர்த்தியை ஏற்றுவோம். மெழுகுவர்த்தியின் வெளிச்சத்தை அதிகரிக்க மெழுகுவர்த்திக்கு பின்புறம் முகம் பார்க்கும் கண்ணாடியை வைக்கவும். இரு மடங்கு வெளிச்சம் கிடைக்கும்.

> சிறிது வெதுவெதுப்பான நீரில் அழுக்குத் துணிகளை ஊறவைத்து பிறகு சோப்பு போட்டு துவைத்தால் சுலபமாக வெளுக்கும்.

>  ஒரு டப்பாவில் சிறிதளவு சர்க்கரையை தூவி அதனுள் பிஸ்கட்டை வையுங்கள். பிஸ்கட் நீண்ட நாட்கள் கெடாமல் இருக்கும். அல்லது டின்களில் வையுங்கள், நமுக்கவே நமுக்காது ....    

>  அரிசி மற்றும் காய்கறிகள் அலசினா  தண்ணீரை வீணாக்காமல் அதனை செடிகளுக்கு கொட்டினால் செடிகள் செழிப்பாய் வளரும்.

M.Jagadeesan wrote:நல்ல பயனுள்ள டிப்ஸ் கிருஷ்ணம்மா !

வெள்ளை முடித்தபின் 4 அங்குல பிரஸ்ஸை பத்திரமாக வைத்துக் கொள்ளவேண்டும் . கதவு , ஜன்னல் ஆகியவற்றிலுள்ள தூசுகளைத் துடைக்கப் பயன்படுத்திக் கொள்ளலாம் .

" சிறு துரும்பும் பல் குத்த உதவும் " என்பது பழமொழி . பழைய பொருட்களைத் தூக்கி அறியாமல் , பயன்படுத்தக் கற்றுக் கொண்டால் காசு மீதமாகும்.

மேற்கோள் செய்த பதிவு: 1212331

ஆமாம் ஐயா, நல்ல உபயோகமான idea  ............... :ட
.
.
.
இன்று படிக்க போர் அடிக்கிறது, அதுதான் குறிப்புகளை type செய்கிறேன் ஐயா !

> நைலான் துணியை தைக்கும் போது ஊசி லேசில் இறங்காது ஊசியை அடிக்கடி சோப்பில் குத்தி எடுத்து நைலானைத் தைத்தால் சுலபமாக ஊசி இறங்கும்.

>  டூத் பேஸ்டை கடைசி வரை எடுக்க அதனை வெந்நீரில் போட்டுச் சிறிது நேரம் கழித்துப் பின் அழுத்த மிச்சம் மீதி பேஸ்டும் வந்துவிடும்.    

>  காபி, டீ கொடுக்கும் பீங்கானில் கறை படிந்து உள்ளதா? ஒரு பெரிய வெங்காயத்தினை வெட்டி நன்கு தேயுங்கள். கறைகள் விட்டு விலகும்.

>அல்லது மெட்டல் ப்ருஷ் ஆல் நன்கு தேயுங்கள்......கறைகள் போய்விடும் ....ஒருவேளை அவை வெள்ளை கோப்பைகள் என்றால் நீலம் கலந்த தண்ணீரில் ஒருமுறை அலசுங்கள், வெள்ளை வெளீர் என்று ஆகிவிடும்      

> உருளைக்கிழங்கு வேக வைத்த தண்ணீரில் பாத்திரங்களை கழுவினால் பாத்திரங்கள் ஜொலிக்கும்.

>  வீட்டில் புகை அதிகமாக காணப்படுகிறதா? அறையில் ஈரத் துணியை தொங்க விட்டால் புகை காணாமல் போய் விடும்.

>  அலுமினிய பாத்திரங்களில் அடிப்பிடிப்புக் கறையை நீக்க உப்பு காகிதத்தால் தேய்த்தால் பாத்திரம் புதுப்பொலிவுடன் இருக்கும்.

>  சமையல் மேடையில் கேஸ் ஸ்டவ்வைத் துடைக்க தேங்காய் எண்ணெய், கெரசின் இரண்டையும் சம அளவு கலந்து பயன்படுத்தினால் கிச்சன் பளிச்சென்று இருக்கும். ( சமைக்க ஆரம்பிக்கும் முன் நல்ல துணி அல்லது நியூஸ் பேப்பர் கொண்டு மறுபடி  துடைக்கவும்...இல்லாவிட்டால் கெரோசின் வாசனை சமையலில் வந்து விடும் )

> சோப்புத் தண்ணீர் கொண்டு கேஸ் அடுப்பைத் துடைக்கும் போது டியூபையும் துடையுங்கள். இதனால் டியூப் நெடுநாள் உழைக்கும். சுத்தமாகவும் இருக்கும்.....மேலும் ஏதும் விரிசல் வந்தால் உடன் கண்டுபிடித்துவிடுவோம்

>  ப்ரிட்ஜ், ஸ்டோர் ரூம், பாத்ரூம் இவற்றில் கரப்பான் பூச்சி தொல்லை இருந்தால் ஆஸ்பிரின் மாத்திரைகளை ஆங்காங்கே வைத்தால் கரப்பான் தொல்லை இருக்காது.

* கருவேப்பிலைச் செடிக்குப் புளித்த தயிர் அல்லது மோர் விட்டால் நன்கு செழிப்பாக வளரும். தயிர் பாத்திரத்தின் உள்ளே தண்ணீர் விட்டுக் குழப்பி அந்நீரையும் விட்டு வரலாம்.

* மாதுளம் பழத் தோல்களின் உள்பாகத்தை எடுத்து பல் தேய்த்தால் பல்லுக்கும் உறுதி, பல்லும் பளிச்சென்று இருக்கும்.

* தேங்காய் உடைத்த இளநீரை சுண்ணாம்பு பாட்டிலில் சிறிது ஊற்றி வைத்தால் சுண்ணாம்பு சீக்கிரத்தில் காய்ந்து போகாமல் இருக்கும்.

* பால் பாக்கெட் வாங்கி காய்ச்ச நேரமில்லாமல் போனால் அதை தண்ணீருக்குள் போட்டு வைத்துவிட்டால் மூன்று மணி நேரம் கழித்துக் கூட காய்ச்சலாம்.

* பால் காய்ச்ச மறந்து போய் விட்டீர்களா? பால் திரிந்து போகுமோ என்ற பயம் ஏற்படுகிறதா? கவலை வேண்டாம். பாலைக் காய்ச்சும் முன் ஒரு சிட்டிகை சமையல் சோடா மாவு கலந்து காய்ச்சினால் பால் திரியாது.

* அல்லது பால் குக்கரில் காய்ச்சினால் எப்பவுமே பால் திரிந்து போகாது

* தக்காளி சீக்கிரம் பழுக்காமலிருக்க அதன் மீது உப்பை தூவி / போட்டு வைக்கவும்.

* எலுமிச்சைப் பழம் சீக்கிரம் கெடாமலிருக்க உப்பு கலந்த நீரில் போட்டு வைக்கவும்.

* கோதுமை மாவை நன்கு சலித்து சிறிதளவு டேபிள் சால்ட்டை கலந்து வைத்தால் வண்டுகள் வராது.

* ரவை வாங்கினதும் வறுத்து வைத்து விட்டால் வண்டுகள் வராது .

* ஆனால், என்ன செய்தாலும் மைதாவில் பூச்சிகள் வண்டுகள் வரும், எனவே, எப்போ மைதாவை எடுத்தாலும் ஒரு முறை சலித்த பிறகே உபயோகப்படுத்தணும்.

* தயிர் புளித்து விடுமோ என்ற பயம் வேண்டாம்.ஒரு துண்டு தேங்காயைப் போட்டு வைத்தால் தயிர் புளிக்காது.