GST பற்றி ...

by **ayyamperumal** Wed Jun 22, 2016 10:11 am

GST சரக்கு- சேவை வரி மசோதா பற்றி கூறவும் ?

நன்றி உறவுகளே

by சிவனாசான் Wed Jun 22, 2016 4:06 pm

வருவாய்க்கான வரி >சேவை வரி என ஓர்வரி>>>>>>>

by Guest Wed Jun 22, 2016 10:43 pm

இந்த மாலைப் பொழுதில் எனக்குத் தெரிந்த படித்த ஜிஎஸ்டி வரி- goods and services tax- பற்றி சில வரிகள். அமெரிக்காவில் இந்த முறை sales+use tax என மாநிலங்களுக்கு இடையில் மாறுபடுகிறது.கனடாவில் GST,PST,HST என வேறுபடுகிறது.

இந்தியாவில் ஏற்கனவே இருந்த சில வரிகளை மாற்றி அமைத்து புதிய வடிவத்துடன் வருகிறது.பொருட்களின் வெளியே அட்டையில், அனைத்து வரிகளும் உட்பட- maximum retail price -என இருக்கும்.சில மாநிலங்களில் வாங்கும் பொருள் வேறொரு இடத்தில் விலை அதிகமாக அல்லது குறைவாக இருக்கும் முறை, GST முறையால் நாடு முழுவதும் ஒரே விலையில் கிடைக்கும்.அதை மத்திய அரசு கையாள்வதால்,மாநிலங்களுக்கு வருவாய் குறையும். அதை வேறு வழியில் சரி செய்ய முடியும் என்கிறது அரசு.

மொத்தமாக சொல்வதென்றால் அனைத்து மறைமுக வரிகளையும் மாற்றி ஒரே வரியாக மத்திய மற்றும் மாநில அரசுகளுக்கு செலுத்துவதுதான் ஜி எஸ்டி. பொருட்களின் பாகங்களை ஒரு நிறுவனம் தயாரிக்கும்,இன்னொரு நிறுவனம் அதை இணைத்து ஒன்றாக்கும்.அதை இன்னொரு நிறுவனம் வாங்கி விற்கும். இப்படி ஒவ்வொரு இடத்திலும் வரியை செலுத்திக் கொண்டு வருவதை விட, ஓரிடத்தில் வரியை செலுத்துவதால் தொழில் நிறுவனங்கள் அதிக பயனடைவதால் விலை குறைய வாய்ப்புண்டு.அதனால் வளர்ச்சி விகிதம் அதிகரிக்க வாய்ப்புகள் அதிகம்.

ஒரு பொருள் தயாரிப்பதில் இருந்து விற்பனை வரை VAT போன்ற மறைமுக வரிகள் போடப்பட்டு விற்பனைக்கு வரும் முறை மாறி, ஜிஎஸ்டி வரி என்பது வாடிக்கையாளரிடம் வரும்போது மட்டுமே விதிக்கப்படும். இதனால் பல்வேறு முனை வரிகள் குறைந்து பொருளின் விலை குறைவாக நமக்குக் கிடைக்கும்.இப்படி மாற்றம் பெறுவதால் நுகர்வோர் தொகை அதிகரித்து, உற்பத்தி விகிதம் அதிகரிக்கும்.அரசின் வருமானமும் அதிகரிக்கும்.

ஆன்லைன் வழியாக பொருட்கள் வாங்கினாலும் அதற்கு ஜி.எஸ்.டி. என்னும் சரக்கு, சேவைவரி விதிக்க புதிய சட்டத்தில் வகை செய்யப்பட்டுள்ளது.ஆனாலும் அரசு வரியை எந்த அளவில் வைக்க எண்ணி உள்ளது போன்ற விபரங்கள் இல்லை. அதிக வரி விகிதத்தை கொண்டுவருமானால் விலை குறைய வாய்ப்புகள் குறைவே.

உலக நாடுகள் பலவும் இந்த முறையை கையாண்டாலும் கூட இந்தியா மாநில ஆட்சி காரணமாக இரட்டை முறையை கையாள்கிறது.மத்திய அரசு நிர்வகிக்கப்போவது மத்திய சரக்கு, சேவை வரி (சி.ஜி.எஸ்.டி.-CGST) என்றும் மாநிலங்களால் நிர்வகிக்கப்படப்போவது மாநில சரக்கு, சேவை வரி (எஸ்.ஜி.எஸ்.டி,-SGST.) என்றும் அழைக்கப்படும்.இவை பொதுவான தகவல்.அரசின் சட்ட விதிகள் எப்படி இருக்கிறது என்பது நடைமுறைக்குவந்த பின்னரே தெரியும்.

சென்ற ஆண்டு படித்ததை தொகுத்து தந்திருக்கிறேன்.தற்போது சில மாற்றம் இருக்கலாம்.