பிரேமலதாவுக்கு ரூ.5,000 அபராதம் உயர்நீதிமன்றம் உத்தரவு

**ayyasamy ram** · **ayyasamy ram** Tue Jun 21, 2016 8:13 am

முன்ஜாமீன் நிபந்தனையை மாற்றியமைக்கக் கோரிய பிரேமலதாவுக்கு
ரூ.5 ஆயிரம் அபராதத்தை சென்னை உயர்நீதிமன்றம் விதித்தது.

திருப்பூரில் ஏப்ரல் 1-இல் நடைபெற்ற தேர்தல் பிரசாரப் பொதுக்கூட்டத்தில்
பங்கேற்ற தேமுதிக தலைவர் விஜயகாந்தின் மனைவி பிரேமலதா,
முதல்வர், அமைச்சர்களைப் பற்றி அவதூறாகப் பேசியதாக திருப்பூர்
வடக்கு காவல் நிலையத்தில் வழக்குப் பதிவு செய்யப்பட்டது.

இந்த வழக்கில் முன்ஜாமீன் கேட்டு பிரேமலதா தாக்கல் செய்த மனுவை
விசாரித்த உயர்நீதிமன்ற நீதிபதி எஸ்.வைத்தியநாதன், திருப்பூர் குற்றவியல்
நீதிமன்றத்தில் ரூ.10 ஆயிரத்துக்கான இருநபர் ஜாமீன் உத்தரவாதத்தைக்
கொடுத்து பெற்றுக் கொள்ளலாம் என்றும் அதன் பின்னர், 2 வாரத்துக்கு
சென்னை விருகம்பாக்கம் காவல் நிலையத்தில் ஆஜராகி கையெழுத்திட
வேண்டும் என்றும் கூறியிருந்தார்.

இந்த நிபந்தனைகளை மாற்றியமைக்கக் கோரி பிரேமலதா மீண்டும்
தாக்கல் செய்த மனுவை தள்ளுபடி செய்து நீதிபதி எஸ்.வைத்தியநாதன்
உத்தரவிட்டார்.

இதையடுத்து, பிரேமலதாவுக்கு ரூ.5 ஆயிரத்தை அபராதமாக விதித்து,
சென்னையில் உள்ள அநாதை இல்லத்துக்கு வழங்க வேண்டும் என்றும்
நீதிபதி உத்தரவிட்டுள்ளார்.
-
-------------------------------------------
தினமணி

**krishnaamma** · **krishnaamma** Tue Jun 21, 2016 10:14 am

தேவையா இது ? புன்னகை

**M.Jagadeesan** · **M.Jagadeesan** Tue Jun 21, 2016 10:38 am

இதைத்தான் வள்ளுவர் , " நா காக்க " என்றார் .

" ஆவதும் பெண்ணாலே ! அழிவதும் பெண்ணாலே ! " என்ற ஒரு பழமொழி உண்டு .

தே . மு . தி . க . வை ம .ந .கூ .வில் சேர்த்து அதை ஒழித்துக் கட்டிய பெருமை பிரேமலதாவுக்கு உண்டு .

**krishnaamma** · **krishnaamma** Tue Jun 21, 2016 10:42 am

M.Jagadeesan wrote:இதைத்தான் வள்ளுவர் , " நா காக்க " என்றார் .

" ஆவதும் பெண்ணாலே ! அழிவதும் பெண்ணாலே ! " என்ற ஒரு பழமொழி உண்டு .

தே . மு . தி . க . வை ம .ந .கூ .வில் சேர்த்து அதை ஒழித்துக் கட்டிய பெருமை பிரேமலதாவுக்கு உண்டு .

மேற்கோள் செய்த பதிவு: 1211953

ம்ம்...சரியா சொன்னீங்க ஐயா !...........உள்ளதும் போச்சு விஜயகாந்துக்கு சோகம்